સોશિયલી અવેર કે અફેક્ટેડ?
સોમવારનો દિવસ હતો ફર્સ્ટ યર સ્ટુડન્ટ મહર્ષિ ફ્રી પીરિયડમાં કેન્ટીનમાં મૂડલેસ બેઠો હતો ત્યાં રાજ સર આવ્યા . રાજ સર એટલે સ્ટુડન્ટસના ફેવરિટ સર . કોઈપણ વાત હોય કે તકલીફ હોય , કોઈપણ પ્રશ્ન હોય સ્ટુડન્ટસ રાજ સરને જરૂર વાત કરે . મહર્ષિએ રાજ સરને સીટ ઓફર કરી અને બે કોફી લઈ આવ્યો .
મહર્ષિનું ઉતરેલુ મોઢું જોઈ રાજ સરે તરત પૂછ્યું "કેમ ભાઈ મૂડમાં નથી?" મહર્ષિએ જવાબ આપ્યો "હા..સર..જોવોને આ વિકેન્ડ મારે વોટરપાર્ક જવું તું , પણ ના જવાયું એટલે મૂડલેસ છું અને ઘરે પણ મમ્મી-પપ્પા સાથે કચકચ થઈ"
રાજ સર : એમાં શું એતો પછી જવાશે...
મહર્ષિ : પણ મારે આ વિકેન્ડ જવું તું... જુઓને મારા બધા ફ્રેન્ડ્સ ક્યાંક ને ક્યાંક એન્જોય કરી રહ્યા છે . બધાંની પોસ્ટ તો જુઓ...
રાજ સર : ઓહ એ તકલીફ છે...તે આજે કોઈ પોસ્ટ મુકી છે?
મહર્ષિ : હા..ફ્રેન્ડસ સાથે કેન્ટીનનો ફોટો મૂક્યો છે વીથ #કોલેજગેન્ગ#ફુડીસ
રાજ સર : તો પછી...? તું તો અત્યારે મુડલેસ છે...બધાને તો એમ જ છે કે તું ખુશ છે... એમ બધા ઈન્ટરનેટ પર જે મુકે છે એ સાચું જ નથી...
મહર્ષિ : સાચી વાત છે સર...પણ બધા કેસમાં આવું નહીં હોય ને..?
રાજ સર : હા..તો ભલે ને....એ લોકો ખુશ હોય તેનો મતલબ એવો નહીં કે એમને જોઈને આપણે દુખી થઈએ...આપણે ક્યારેય ખુશ થતાં જ નથી..? શું બધા દુનિયામાં એક સાથે જ ખુશ હોય કે મજા કરતાં હોય?
મહર્ષિ : સાચું સર...પણ મને પહેલા તો આવું નહોતું થતું હમણાં હમણાં જ આવું વધુ થાય છે....
રાજ સર : હા...કેમકે તું કોલેજમાં આવ્યા પછી જ મોબાઈલ અને સોશિયલ મિડિયાના વધુ પરિચય માં આવ્યો છે એટલે...તને હવે બહુ બધી જાણકારી મળે છે અને લોકોને એમાં એન્જોય કરતાં જોઈને તને કમ્પેરીઝન થાય છે .
મહર્ષિ : હાં સર...પણ સોશિયલી અવેર તો રહેવું પડે ને....
રાજ સર : હા...પણ એ તો જોવું પડશે ને આપણે સોશિયલી અવેર છીએ કે અફેક્ટેડ...? આપણે દુરની અવેરનેસના ચક્કરમાં નજીકના લોકોનું અને આપણી ખુશહાલ લાઈફનુ નુકસાન કરીએ તો એ શું કામનું ?
મહર્ષિ : હા સર...આ મોબાઈલ ને સોશિયલ મિડિયાના કારણે મમ્મી પપ્પા સાથે પણ ઝઘડા વધી ગયા છે અને ઘરમાં કોઈ સાથે બેસવાનો કે સાથે જમવાનો ટાઈમ પણ મળતો નથી...
રાજ સર : હા દોસ્ત... માપ તો રાખવું પડશે ને..? મોબાઈલ વાપરતા આંગળીઓ નથી થાકવાની પણ મગજ અને આંખો થાકી જતી હોય છે . કોઈ પણ ધ્યેય વગરના ઈન્ટરનેટ સર્ફિંગનો તો કોઈ અંત જ નથી . એટલે કોઈ ચોક્કસ કામ પડે ત્યારે જ ઈન્ટરનેટની મદદ લેવી જોઈએ અને એક વાત યાદ રાખવી સોશિયલ મિડિયા તમને સોશિયલ બનાવે છે એનાથી વધુ મમ્મી-પપ્પા કે શેરીના મિત્રો સાથે પસાર કરેલો સમય તમને વધુ સોશિયલ બનાવે છે . દોસ્તની પોસ્ટ લાઈક કરવા કરતાં મમ્મી ના હાથની વાનગી લાઈક કરી એમને બે શબ્દ સારા કહેવા વધુ અગત્યનું અને મુશ્કેલ છે . સોસિયલ મિડિયા કે મોબાઈલ વાપરવાની મનાઈ નથી પણ રોજીંદા જીવનમાં વધેલા થોડા-ઘણા સમય માટે મોબાઈલ વાપરવાનો છે . મોબાઈલ વાપરી બચેલા થોડા-ઘણા સમયમાં જીવન જીવવાનું નથી . એટલીસ્ટ મમ્મી પપ્પાને તો દુઃખ ન થવું જોઈએ...
મહર્ષિ : વાહ સર...મોબાઈલ અને સોશિયલ મિડિયા વીશે મેં આ વ્યુપોઈન્ટથી જોયું જ ન્હોતું... હવે હું અવેર રહેવા પૂરો પ્રયત્ન કરીશ કે મોબાઈલ અને સોશિયલ મિડિયાથી અફેક્ટ ન થાંઉ...
