Tarulata Mehta લિખિત નવલકથા જીવનસંગી

Jivansangi book and story is written by Tarulata Mehta in Gujarati . This story is getting good reader response on Matrubharti app and web since it is published free to read for all readers online. Jivansangi is also popular in પ્રેમ કથાઓ in Gujarati and it is receiving from online readers very fast. Signup now to get access to this story.

જીવનસંગી - નવલકથા

Tarulata Mehta દ્વારા ગુજરાતી પ્રેમ કથાઓ

Writen by Tarulata Mehta માતૃભારતી ચકાસાયેલ

નવલકથા

વર્ણન

આ નવલિકામાં એક આધુનિક યુવતી જીવનસાથી તરીકે એક એવા યુવાનને ચાહે છે,જેને સમાજના ધારા ધોરણના વાડામાં બંધાયેલાં સ્વજનો સ્વીકારવા તૈયાર નથી ,પણ પોતાની દીકરીને કહી શકતા નથી। આ એક માનસિક સંઘર્ષની પ્રણયકથા છે. જીવનસંગી વાર્તા ભાગ 1,2.3 એ પ્રમાણે પ્રગટ થશે .તમારા રીવ્યુસ બદલ ખૂબ આભાર . તારી બર્થ-ડે ની તૈયારી બેબી મમ્મીએ વહાલથી દીકરી તરફ જોયું. ડોન્ટ સે મી બેબી ,યુવાન છોકરાઓ સૂટ-બૂટ પહેરીને અહીં સજીધજીને મારા માટે લાઈનમાં ઊભા રહેશે રૂચિનો પિત્તો ઊછળ્યો . એમના માં-બાપ પણ હશે મમ્મી ધીરેથી બોલી. મારા માટે સ્વયંવર કરવાનો છે એણે સોનેરી રંગની આમંત્રણ પત્રિકા જોઈ મોટેથી કહ્યુ આ તને એમ.બી.એ કર્યાને બે વર્ષ થઈ ગયાં .મા - બાપની ફરજ કે મૂરતિયો ... સુશીલાબેનનું વાક્ય પૂરું થયું નહીં. ધમપછાડા કરતી રૂચિએ આમંત્રણ-પત્રિકાને હડસેલો મારી ટેબલ પરથી ભોંય પર ફેંકી. તમારી ફરજ તમે બજાવી. મને ભણાવી ,પગભેર કરી હવે આગળની જિંદગી મને મારી રીતે જીવવા દો . કહી તે બારી પાસે જઈ ઊભી રહી. આથમતા સૂરજના કિરણો ગુલમહોરની ડાળીએ ઝૂલતાં હતાં તેમ તેને પણ ઘડીક એમ જ હળવાફૂલ થઈ જવું હતું. અપરણિત જીવનની મોજ-મસ્તી તેને કોઈની રોકટોક વગર માણવી હતી,પણ ઘરમાં ને બહાર નવરી આંખો તેની ફરતે જાળ પાથરવા મથ્યા કરતી. તેમાં બસ એક અપવાદ હતો દીપેશ .