Parthiv Patel લિખિત નવલકથા ડૂબતી સંધ્યાનો સુરજ

Dubati sandhyano suraj book and story is written by Parthiv Patel in Gujarati . This story is getting good reader response on Matrubharti app and web since it is published free to read for all readers online. Dubati sandhyano suraj is also popular in વાર્તા in Gujarati and it is receiving from online readers very fast. Signup now to get access to this story.

ડૂબતી સંધ્યાનો સુરજ - નવલકથા

Writen by Parthiv Patel માતૃભારતી ચકાસાયેલ

નવલકથા

વર્ણન

મુશળધાર વરસાદ વરસી રહ્યો હતો અને સાથે વાદળોના ગડગડાટ અને વીજળીની તો શું વાત જ કરવી ...!? બારે મેઘ ખાંગા થઈને વરસી રહ્યા હતા જાણે જાણે કુદરત પોતાનો કહેર વરસાવી રહી હોય , પાસ પાસે ઉભેલા બે માણસના મોઢા પણ સ્પષ્ટ રીતે ન જોઈ શકાય એવી હાલત હતી અને સુરજ ગરજતા વાદળો અને ઝબુકતી વીજળીની વચ્ચે પોતાના મિત્ર પાસેથી ઉધાર લીધેલા બાઇકને લઈને રસ્તો કાપતો આગળ વધી રહ્યો હતો . વરસાદના મોટા મોટા ફોરા કોઈ ભારે કાંકરીની જેમ શરીર સાથે અથડાતા અને ચામડી પર ઝણઝણાટી ફેલાવતા હતા . આટલા ભારે વરસાદમાં અમદાવાદના એસ.જી. હાઇવે જેવા હંમેશા ભરચક રહેતા રસ્તા પણ જાણે થંભી ગયા હતા . રસ્તા પર એકલ-દોકલ વાહનો ક્યાંય ક્યાંક નજરે ચડતા હતા . આવા મુશળધાર વરસાદમાં સુરજ ધીમે-ધીમે આગળ વધી રહ્યો હતો . થોડી થોડી વારે બાઇકમાં પોતાની આગળ ટાંકી ઉપર પ્લાસ્ટિકની બેગથી લપેટાયેલું એક નાનું બેગ ઠીક કરી રહ્યો હતો , ફરી વરસાદ અને પવનના લીધે એ લપસી જતું અને ફરીવાર એ બેગને સરખું કરતો .