આગળ જોયું કે રેહાન અને રીયા ના ઘરે લગ્નની વાત ચાલે છે. રીયા જે કંપનીમાં કામ કરે છે તેની 30% માલિકી હવે રેહાન ધરાવે છે અને રીયાના મનમાં હવે રેહાન વસવા લાગે છે... આગળ જોઈએ કે હવે શું થાય છે? .. રેહાન ઘરે જઈ તેના પિતાને ખુશખબર આપે છે કે તે હવે સત્યમ ઈન્ડસટ્રીઝ નો 30% માલિક અને શેર ધરાવે છે. તેના પિતા ને ગર્વ થાય છે તેમના દિકરા પર.. તેની પ્રગતિ પર..આ બાજુ રીયા ના પિતા ફોન પર કહે છે કે છોકરો વડોદરાનો જ છે તેથી રવિવારે તેઓ વહેલા ત્યાં જ આવી જશે અને રીયાને પણ જલ્દી તૈયાર રહેવાનું કહી ને ફોન મૂકે છે.. રીયા અસમંજસ અનુભવે છે છોકરો જોવા જવાની બાબતમાં પણ માતા-પિતાની ઈચ્છા હોય છે તેથી કંઈ બોલી નથી શકતી..રેહાન પણ વિચારતો હોય છે કે કેવી રીતે એ છોકરીને ના કહીશ??
રવિવાર આવી જાય છે... રેહાન ના ઘરે છોકરી વાળા આવાના હોવાથી પ્રેમીલાબેન સવારથી તૈયારીમાં લાગી જાય છે.. કેશવભાઈ ઈચ્છતા હોય છે કે તેમના રેહાનને જે છોકરી ગમે છે એની સાથે થાય પરંતુ પત્ની સામે કહી પણ નથી શકતા.. રિષીતા દુ:ખી છે કે તેના ભાઈ ને જે ગમે છે તેની સાથે જોવાનું નથી ગોઠવાતું.. રેહાન સાદા પેન્ટ-શર્ટ પહેરી નીચે આવે છે.. પ્રેમીલાબેન રેહાનને જોતા જ બોલી ઊઠે છે.. સાવ આવાં કપડાં પહેરવાના દિકરા જરા વ્યવસ્થિત પહેર્યા હોય તો.. એમ કહી રેહાનને ચેન્જ કરવા મોકલે છે..આ બાજુ રીયા અને તેનો પરીવાર ગાડી લઈ છોકરાના ઘરના એડ્રેસ પર પહોંચે છે.. ઘરનો નંબર જોઈ ગાડી પાર્ક કરી નીચે ઊતરે છે.. રીયાના પિતા છોકરાના પિતાને ફોન કરે છે.. તરત જ સામેથી એક વ્યકિત તેમને લેવા આવે છે... તેમને જોતા જ નલીનભાઈ હસતા મોઢે અભિવાદન કરે છે અને કહે છે કેટલા સમય પછી આપડે મળ્યાં છે..એ વ્યકિત તેમને આવકાર આપે છે.. રીયા તો વિશાળ એન આલીશાન ઘરને જોતી જ રહી જાય છે.. ઘરની સામે મોટો ગેટ જે ઓટોમેટીક સિસ્ટમથી ખૂલતો હોય છે... બંને બાજુ સરસ ગાર્ડન હોય છે. જેમાં અલગ અલગ જાતનાં ફૂલ, છોડ હોય છે.. રીયા ને ખૂબ ગમે છે.. કેમ કે તેને ગાર્ડનીંગનો શોખ હોય છે.. પાર્કીંગ માં પાંચ ગાડીઓ પાર્ક કરેલી હતી અને બે બાઈક હતા.. તેઓ ઘરમાં પ્રવેશે છે.. રીયા, મીનાબેન તો ઘરને જોતાજ રહી જાય છે... પ્રવેશતા જ ગણપતિજીની સરસ મૂર્તિ હોય છે.. પછી મોટો લિવીંગ રૂમ...જ્યાં બધુ જ આધુનીક ફર્નીચર અને ઉપકરણો થી સજ્જ હતું.. છોકરાની માતા બધાંને આવકાર આપે છે અને બેસવાનું કહે છે.... રેહાન તૈયાર થઈને નીચે આવે છે. રીયાને જોતા તેને થાય છે રીયા અહીં કંઈ રીતે.. રીયાની નજર પણ રેહાન તરફ જોઈ છે અને બોલાય જાય છે કે સર તમે અહીં?? પ્રેમીલાબેન બધાને રેહાનની ઓળખાણ આપે છે.. રેહાનને કહે છે કે તને જે છોકરીવાળા જોવા આવાના હતાતે આ લોકો છે.. રેહાનને વિશ્વાસ નથી આવતો કે જે છોકરી પસંદ છે તેને તે જ તેને જોવા આવી છે.. આતો એવું થયું કે બગાસું ખાતા પતાસું મળી ગયું..! હા,હા...રીયા માટે નલીનભાઈ એ જે છોકરો પસંદ કર્યો છે તે રેહાન છે અને પ્રેમીલાબેને જે છોકરી પસંદ કરી તે રીયા છે.. ગેટ પાસે આવકાર આપનાર વ્યકિત ખુદ કેશવભાઈ હતા. વાત એમ છે કે કેશવભાઈ અને નલીનભાઈનો સમાજ એક જ છે પરંતુ તેથી વધુ તેઓ સારા મિત્ર છે. નાનપણમાં બંને તેમના ગામ ની એક જ શાળામાં, એક જ બેંચ પર સાથે મળીને ભણ્યા હતા.. સમય જતા કેશવભાઈ શહેરમાં રહેવા આવી ગયાં હતા જ્યારે નલીનભાઈ તેમની કોલેજ પતાવી વિદ્યાનગરમાં જોબ મળતા ત્યાં સ્થાયી થઈ ગયા.. બંને મિત્રો સામાજીક પ્રસંગોમાં મળતા.
નલીનભાઈ રીયાને પૂછે છે કે તે રેહાનને કેવી રીતે ઓળખે છે?? રીયા કહે છે કે રેહાન અમારી કંપની ના હવે નવા માલિક છે..રેહાનને ખુશ જોતા કેશવભાઈ વિચારે છે કાલ સુધી ના કહેતો હતોને હમણાં આટલો ખુશ કેમ છે? રેહાન કેશવભાઈને ઈશારો કરતાં સમજી જાય છે કે રેહાનને જે છોકરી ગમે છે તે રીયા જ છે... રેહાન રીયા ને જોતો રહે છે.. રીયા એ આજે લોંગ રોયલ બ્લ્યુ કલરની કુર્તી પહેરી હોય છે.. સાઈડ પર હાઈ સ્લીટ(કાપો) જ્યાં સ્લીટમાં નાની ઘુઘરીઓ પરોવેલી હોય છે. નીચે તેને મેચીંગ કલરનો એંકલ પેન્ટ પહેર્યો હોય છે.. કાનમાં નાની ઓક્સોડાઈઝની ઝુમકી.. એક હાથમાં વોચ, બીજા હાથમાં ટેસેલ્સ્વાળું બ્રેસલેટ પહેર્યુ હોય છે.. વાળ છુટ્ટા રાખ્યા હોય છે..મેકઅપમાં કંઈ નથી કર્યુ તો પણ સુંદર લાગી રહી હોય છે..રેહાન પણ કંઈ કમ નથી લાગી રહ્યો.. સ્કાય બ્લ્યુ કલર નો શર્ટ જેને વ્યવસ્થિત ઈન કરીને એંકલ નેવી બ્લ્યુ પેન્ટ સાથે પહેર્યો હોય છે. કસાયેલા શરીર પર શર્ટ એકદમ ફીટ લાગતો હોય છે. ઉપર બેલ્ટ બાંધ્યો હોય છે.. વાળ એકદમ વ્યવસ્થિત ઓળ્યા છે.. ડાબા હાથમાં મેચીંગ વોચ... એકદમ હેન્ડસમ લાગી રહ્યો હોય છે.. બંને પરીવાર વાતો કરે છે.. ત્યાં જ રિષીતા આવે છે.. કેશવભાઈ રીયાની ફેમીલીને રિષીતાની ઓળખાણ આપે છે.. રિષીતા બધા સાથે વાતો કરે છે.. રેહાન ધીમે રહી રિષીતાને કહે છે કે આ જ રીયા છે.. રિષીતા ખુશ થઈ જાય છે.. રિષીતા અને રીયા ખૂબ વાતો કરે છે.. બંને બહેનપણી બની જાય છે.. રિષીતાને તો રીયા પસંદ આવે છે.. રેહાનને રીયા સાથે વાત કરવી હોય છે પરંતુ બધા સામે કેમનો કહે તે વિચારે છે.. ત્યાં જ રિષીતા રેહાનને કહે છે, ચાલને રેહુ રીયાને આપણું ઘર બતાવી આવીએ.. કેશવભાઈ પણ કહે છે કે હા બતાવી આવો અને રેહાન રીયા એકબીજા ને કંઈ પૂંછવુ હોય તો પૂછી લેજો..રિષીતા રિયા ને કીચન બતાવે છે..મંદીર, બધાનાં બેડરૂમ બતાવે છે.. છેલ્લે રેહાનનાં રૂમમાં લઈને આવે છે.. રિષીતા રૂમ બતાવતા રીયાને ચીડવતા કહે છે.. ભાભી આ તમારો રૂમ છે..! અને રેહાન તરફ જોઈ આંખ મારે છે.. રીયા શરમાય જાય છે.. રિષીતા બંનેને બાય કહી રૂમ માંથી નીકળી જાય છે..બધા કરતા રેહાનનો રૂમ અલગ હોય છે.. તેના રૂમમાં મીની લાયબ્રેરી હોય છે. જ્યાં ખાસાં પુસ્તકો હોય છે.. તેને જોતા રીયા રેહાનને પૂછે છે કે શું તમને વાંચવાનો શોખ છે? રેહાન જવાબ માં કહે છે.. હા, મને વાંચવાનો ગાંડો શોખ છે.. અને હા તમે મને તમે કે તમને ના કહેશો.. તું કહીશ તો વધારે ગમશે.. રીયા પણ એ જ કહે કે તું પણ તું કહીને જ બોલાવ તો સારૂ લાગશે..! રીયાનું ધ્યાન બેડની બાજુની દિવાલ પર જાય છે ત્યાં નાની-મોટી વ્હાઈટ ફ્રેમમાં અલગ અલગ ફોટોસ્ હોય છે.. રીયા બધા ફોટોસ્ જોવા જાય છે.. જેમાં રેહાનનાં, તેના મોમ-ડેડનાં, તેની બહેનો સાથે નાનપણથી લઈને અત્યાર સુધીનાં ફોટો હોય છે.. રેહાન તેની મોટી બહેન શેફાલીનો ફોટો બતાવે છે.. ત્યાં જ રીયાની નજર રિધાનનાં ફોટો પર પડે છે અને કહે છે.. આ છોકરાને તો મેં લંડન જોયો છે.. ત્યાં જ રેહાન બોલે છે કે હાઈડ પાર્કમાં.. રીયા આશ્ચર્ય સાથે રેહાન બાજુ જોય છે અને પૂછે છે કે તને કેવી રીતે ખબર પડી? રેહાન કહે છે આ મારો ભાણીયો છે.. મારી શેફાલી દી નો છોકરો રિધાન જે લંડનમાં રહે છે.. તે દિવસે હાઈડ પાર્કમાં હુ પણ હતો.. રિધાન સાથે બોલ રમતો હતો..મે તને ત્યાં જોઈ હતી... રીયા અને રેહાન થોડી વાતો કરી નીચે આવે છે.. રેહાનને તો હજી રીયા સાથે વાત કરવી હોય છે.. પરંતુ કંઈ કરી નથી શકતો..નલીનભાઈ કેશવભાઈને બે-ત્રણ દિવસ પછી જવાબ આપવાનું કહી વિદાય લે છે..એ લોકો નાં ગયા પછી રેહાનતો પ્રેમીલાબેન ને હગ કરીને કહે છે.. મોમ મને તો છોકરી બહુ જ ગમે છે..
આ વાત સાંભળી પ્રેમીલાબેન વિચારમાં પડી જાય છે કે રેહુને તો કોઈ બીજી જ છોકરી ગમે છેને રીયા માટે કેમ હા પાડી.. ત્યાં જ કેશવભાઈ અને રિષીતા હસવા લાગે છે અને પ્રેમીલાબેન ને કહે છે કે તમારા લાડલાને જે છોકરી ગમે છે તે આ રીયા જ છે. પ્રેમીલાબેન ખુશ થઈને તેમના લાડલાને વહાલ વરસાવે છે અને પછી ઘરનાં મંદીરમાં જઈ દીવો પ્રગટાવે છે.
વધુ હવે આગળ નાં ભાગ -૬માં.... શું નલીનભાઈ અને મીનાબેન હા કહેશે?? રીયા શું હા કહેશે મેરેજ માટે?? રેહાન રીયા ને કહી શકશે કે તે તેને તેની રાહ બે વર્ષ સુધી જોઈ છે??
