"ઉગતી સાંજે"
નમસ્કાર મિત્રો,
મારી કાવ્ય રચના "ઉગતી સાંજે" નો આ ત્રીજો ભાગ રજૂ થઈ રહ્યો છે. તમને કવિતાઓ કેવી લાગી તે અભિપ્રાય જણાવજો...
💐💐💐 💐💐 💐💐💐 💐💐 💐💐💐
"નથી મળતું"
કોઈને કોઈનું અહીં આજ નથી મળતું,
કોઈને અહીં તેનું હમસાજ નથી મળતું;
મળે તો છે દર્દો ને વેર વિખેર જિંદગી,
કોમળતા રૂઝે મલમ આજ નથી મળતું;
કરુણાનો સાગર છે દયાનિધાન પ્રભુ,
તોય લોકોને છે જાણે હાશ નથી મળતું;
વેહચી દયો ભલે સકળ પ્રેમની ભારી,
છતાં વળતું તણખલાને ભાર નથી મળતું,
ખ્વાહિશ છે ઘૂઘવતા એ અર્ણવની છતાં,
કયાંય સૂકું સમ ધૂળિયું રણ નથી મળતું;
કહું "બેનામ" ખર્ચશોમાં ખુદને તમે અહીં,
સુવર્ણને તોલ ભભૂત તલભાર નથી મળતું.
💐💐💐 💐💐 💐💐💐 💐💐 💐💐💐
"તને છૂટ છે"
પાબંધીઓ સઘળી છે દુનિયાના લોકો માટે,
મારા હર્દય ભીતર ભમવાની તને છૂટ છે;
તમે થી માંડી તું કહેવાની પણ તને છૂટ છે,
મારી બંધ આંખોમાં રેહવાની તને છૂટ છે;
સફેદ વર્ણપટ જેવું સાવ કોરુ જીવન મારું,
પણ એમાં તમામ રંગો ભરવાની તને છૂટ છે;
છેક દ્વાર સુધી આવી ને ના મળી શકે જો તું,
મસળકા નાં સ્વપ્નમાં મળવાની તને છૂટ છે;
આપેલ વચન નું મુલ ઘણું અઘરું છે ચૂકવવું,
તારા એ દીધેલ કોલથી ફરવાની તને છૂટ છે;
તારા સહારે ચાલી રહી છે મારી આ જિંદગી,
"બેનામ" ભરોસો તોડી જવાની તને છૂટ છે.
💐💐💐 💐💐 💐💐💐 💐💐 💐💐💐
"હવે બોલવું નથી."
આંખોથી ન છલકાવો જામ, હવે બોલવું નથી,
પી લીધા છે ઝેર તમામ બસ, હવે બોલવું નથી;
ઘણી કરી લીધી વાતો ને વામ, હવે બોલવું નથી,
દર્દોને કહો તેમને દૂરથી સલામ, હવે બોલવું નથી;
મૌન રહીને લખવા મારે નામ, હવે બોલવું નથી,
તમારે વાંચ્યા જ કરવું સરેઆમ, હવે બોલવું નથી;
મેલી માયા અને સઘળાં કામ, હવે બોલવું નથી,
ચૂકવ્યા દોયલી વેળાના દામ, હવે બોલવું નથી;
ભલે વસાવ્યું ગોકુળિયું ધામ, હવે બોલવું નથી,
"બેનામ" જીરવી લેશું હૈયે હામ, હવે બોલવું નથી.
💐💐💐 💐💐 💐💐💐 💐💐 💐💐💐
"સજા"
દુનિયા આજે આખી સારી બની બેઠી છે,
સજા મને ખરાબ હોવાની મળી બેઠી છે;
માંગી છે મોતની દુઆ, આજે કબૂલ ન થઈ,
લાગે યમનાં ઘરમાં ભ્રષ્ટાચાર પ્રજા બેઠી છે;
ગુનાહ તો મેં જ કર્યા છે અદ્દલ દુનિયામાં,
ને સજા મારી જાણે બધાને મળી બેઠી છે,
નિયમ કાનૂનના દરવાજા સદાય ટૂંકા દીઠા,
તોય ફાંસીની સજા પણ ભારી બની બેઠી છે;
તોડ્યું છે મેં ગુલાબ સમ કોમળ હર્દય એનું,
"બેનામ" ચૂક બ્રહ્મહત્યાથી ભારી બની બેઠી છે.
💐💐💐 💐💐 💐💐💐 💐💐 💐💐💐
"મળશે"
આગવી ઓળખ ન આપશો પથિક ને પંથની,
અગન ઝરતી આગ છે શીતળ છાયા ય મળશે;
વેદના વિશે કેમ સઘળી જાણકારી છે સહુને,
ઘાવ મળ્યા છે તો મલમ આપનાર ય મળશે;
સૂકા જર્જરિત કાન તરસી રહ્યા છે પગરવને,
સાથ છોડ્યાં છે તો ક્યાંક ચાલનાર ય મળશે ;
મશક ભરી ભરીને ક્યાં સુધી ઉંચકી જશો તમે,
તરસ આપી છે તો પાણીનાં ઓવારા ય મળશે;
જાણું છુ કે અનંતની આ સફર કૈક છે આકરી,
"બેનામ" હિંમત કરો તો રાહી તમારા ય મળશે.
"જરૂર નથી"
વિહવળતા ભંગ કેં ન થઈ વિચારોની,
મનને કાં જરા ગંભીરતાની જરૂર નથી;
નફરત આટલી કેમ સર્વથી થઈ ગઈ,
જાણે કે એને હવે કોઈની જરૂર નથી;
અચાનક આ બદલાવ કેમ દીઠો છે !?
મોહ માયાની થોડીક કાંઈ જરૂર નથી;
કાળની આગોશ ફેલાઈ રહી છે ધરામાં,
મનુજનાં આસમાની ગરુરની જરૂર નથી;
વિખરાઈ રહી છે કુદરતની સોનેરી છાયા,
"બેનામ" પૂનમને પણ ચાંદની જરૂરી નથી.
💐💐💐 💐💐 💐💐💐 💐💐 💐💐💐
Thank..... you.😊
....✍️ Bhargav Joshi "બેનામ"
💐💐💐 💐💐 💐💐💐 💐💐 💐💐💐
(ક્રમશઃ)
