આ વાર્તામાં, ત્રણ મિત્રોએ એક મહત્વપૂર્ણ ગણતરી વિશે ચર્ચા કરી, જેમાં તેઓને આશ્ચર્યજનક પરિણામ મળી. બાર્બીકેન, નિકોલ અને માઈકલ આરડન એકબીજાને મૂંગા મોઢે જોઈ રહ્યા હતા અને નાસ્તાની કોઈ જ વિચાર નહોતો. નિકોલે આંકડાઓને ફરીથી તપાસ્યા, અને તે સાચા હતા, પરંતુ ટકરાવામાં ભૂલ થવી જોઈએ એવી આશા ન હતી. કેપ્ટને વિચાર આવ્યો કે તેઓ સાત વાગ્યે છે અને છેલ્લા બત્રીસ કલાકમાં અડધું અંતર કાપી ચૂક્યા છે, જેનાથી તેઓ બિલકુલ મોડા નથી. બાર્બીકેનને માપવા માટે હોકાયંત્રો લીધા અને ગોળાના સ્થિર રહેવાનો આંકડો નોંધ્યો. બાર્બીકેને જણાવ્યું કે તેઓ પૃથ્વીથી પચાસ હજાર લિગ્સ જેટલું અંતર કાપી ચૂક્યા છે અને હજુ આગળ વધી રહ્યા છે. નિકોલે તેના જવાબને માન્યતા આપી. આ રીતે, તેઓ અંતરમાં આગળ વધતા રહ્યા.
ફ્રોમ અર્થ ટુ ધ મૂનનો ઉત્તરાર્ધ (સિક્વલ) - 5
Jules Verne 
દ્વારા
ગુજરાતી વાર્તા
વર્ણન
આ ખુલાસો માથે વિજળી તૂટી પડી હોય એ રીતે સામે આવ્યો. ગણતરીમાં આવી ભૂલ થશે એવી તો આશા પણ કોણે રાખી હોય? બાર્બીકેન તો માની જ શકતા ન હતા. નિકોલે આંકડાઓને ફરીથી તપાસ્યા હતા અને તે બરોબર હતા. આંકડાઓને નિશ્ચિત કરનાર દાખલા પર શંકા કરવાનો કોઈજ મતલબ ન હતો એ સત્ય હતું કે તટસ્થ બિંદુ પર પહોંચવા માટે ગોળો છૂટે ત્યારે તેની પહેલી સેકન્ડે જ તેની ગતિ સત્તર હજાર યાર્ડ્ઝની હોવી જરૂરી હતી. ત્રણેય મિત્રોએ એકબીજા તરફ મૂંગા મોઢે જોયું. નાસ્તાનો કોઈજ વિચાર આવી રહ્યો ન હતો. ભીડાયેલા દાંત સાથે, ભેગી કરેલી ભ્રમરો સાથે અને બંને હાથની આંગળીઓ એકબીજામાં ભેરવીને બાર્બીકેન બારીની બહાર જોઈ રહ્યા હતા. નિકોલ અદબ વાળીને પોતાના આંકડાઓ તપાસી રહ્યો હતો. માઈકલ આરડન ગણગણી રહ્યો હતો: “તમે આ બધું વૈજ્ઞાનિકો જેવું જ કરી રહ્યા છો તે લોકો બીજું કશુંજ ન કરે. મારો દાવો છે કે જો કેમ્બ્રિજ ઓબ્ઝરવેટરીના આંકડાઓમાં બાળકો જેવી ભૂલો ન મળે તો હું વીસ પિસ્તોલને મારા પગ નીચે કચડી નાખવા માટે તૈયાર છું.”
Novels