બીજી તરફ આરવ ના પરિણામ સાથે તપન અને મહિમા કદી સંતુષ્ટ જ ના થાય. આરવ ગમે તે પરિણામ લાવે હંમેશા તેને સાથ આપવાના બદલે તેને હિંમત કે સાબશી આપવાના બદલે તેનાથી નાખુશ જ રહેતા. હંમેશા તેના પર ગુસ્સો કરીને તેને એકલો મૂકી પોતપોતાના કામ પર લાગ્યા રેહતા . આ બધી ઘટનાઓ ની આરવ પર માનસિક રીતે અવડી અસર થવા લાગી. કારણકે બાળક કદાચ ગમે તેવું હોઈ પૈસા ને એશોઆરામ કદાચ તેને થોડો સમય સારા લાગે કે તેને એની ભૂખ રહે પણ છેવટે તો તેને પરિવાર અને માતાપિતાના સાથ અને પ્રેમ ની જ ભૂખ હોઈ છે.
આરવ ની આવી સ્થિતિ ના કારણે તેનો સ્વભાવ પણ બદલાવ લાગ્યો હતો. તે શાળામાં આવતો કલાસ મા બેસતો પણ તેનું ભણવામાં ધ્યાન ના લાગતું. તે એકલો બેસવા લાગ્યો, ના કોઈને બોલાવે, ના કોઈ સાથે વાત કરે , બસ ક્યાંક ખોવાયેલો રેહતો. આરવ ની આ સ્થિતિનું ગૌરવ એ ઘણી વાર નિરીક્ષણ કર્યું હતું. તેને આરવ સાથે વાત કરવાની પણ કોશિશ કરી હતી. પણ આરવ અને ગૌરવ ના પહેલેથી રહેલા સબંધો એ કદાચ આરવને રોકી લીધો હતો.
ધીમે ધીમે ધોરણ ૧૨ પૂરું થવા આવ્યું. બોર્ડ ની પરીક્ષાઓ ને થોડાક જ દિવસો બાકી હતા અને શાળામાં પણ આજે છેલ્લો દિવસ હતો. બધા દુઃખી હતા. પોતાના મિત્રોથી અલગ પડવું કોને ગમે. તમે બધા એ પણ આ લાગણી ક્યારેક તો અનુભવી જ હસે, બરાબર ને?
શાળામાંથી દરેક ને શુભકામનાઓ સાથે વિદાય આપવામાં આવી. બધાએ ખૂબ મેહનત કરી ને પરીક્ષાઓ આપી અને પોતાના ભવિષ્ય તરફ આગળ વધ્યા. હવે સૌ પોતપોતાની કારકિર્દી તરફ હરણ ફાળ છલાંગો લગાવી રહ્યા હતા. સૌ કોઈ પોતાને ગમતા કામમાં સારું પ્રદર્શન કરી ને તેને પોતાની કારકિર્દી બનાવી નોકરી ધંધો કરવાનું વિચારતા થયાં.
એક દિવસ એક ખૂબ સારી અને પ્રતિષ્ઠિત કંપની એ છાપામાં અને રોજગાર કચેરીમાં પોતાને જોઈતા સ્ટાફ માટે ભરતી અંગેની જાહેરખબર આપી. કંપની ખૂબ સારી નામના ધરાવતી હોવાથી ખૂબ સારા વ્યક્તિઓ ઇન્ટરવ્યુ માટે આવ્યા. કંપની નું નામ હતું - "એમ. એલ. જી." જે બ્રાન્ડેડ અને સારી ગુણવત્તાવાળા બુટ ,ચપ્પલ બનાવતી અને વેચતી શ્રેષ્ઠ કંપનીઓ માની એક હતી. હાલ માં જ જેને શ્રેષ્ઠ કંપની નો એવોર્ડ પ્રાપ્ત થયો હતો તેની શ્રેષ્ઠ ગુણવત્તા છતાં વાજબી કિંમતના કારણે.
આ કંપની મા અતારે એક સારા વેચાણ મેનેજર ની જરૂર હતી, કારણકે જે વ્યક્તિ હાલ વેચાણ મેનેજર તરીકે કાર્યરત હતા તેમને બઢતી આપવાની હોવાથી તેમની જગ્યા એ નવા વ્યક્તિ ની નીમુણુક કરવાની હતી.
આ જગ્યા માટે ખૂબ સારો પગાર પણ આપવામાં આવતો પણ સાથે તેમની જવાબદારી પણ મોટી હોવાથી કોઈ સારા વ્યક્તિ ની જ નિમણૂક કરવી રહી. ઘણા લોકો આ જગ્યા માટે ઇન્ટરવ્યુ આપવા આવે છે પરંતુ માલિક ને કોઈ પસંદ પડતું નથી. અંતે એક વ્યક્તિ જે મોડો પોચ્યો હોવાથી માલિક ના આદેશ અનુસાર અંદર ના આવવા દેવાથી બહાર જ લોબી મા બેઠેલો તેને અંદર બોલાવાઈ છે. જ્યારે કંપની ના માલિક અને ઇન્ટરવ્યુ આપનાર વ્યક્તિ એકબીજાને જોવે છે ત્યારે જાણે ઇન્ટરવ્યુ આપનાર વ્યક્તિના પગ તળે જમીન ખસી જાય છે, કારણકે એ ઇન્ટરવ્યુ આપનાર વ્યક્તિ એટલે કે આરવ શર્મા., અને તેની સામે આજ કંપની ના માલિક તરીકે ઇન્ટરવ્યુ લેવા બેઠેલો વ્યક્તિ કોઈ બીજું નહિ પરંતુ તેની સાથે જ અભ્યાસ કરનાર ગૌરવ હતો. આજે આરવ ને પોતાની આંખો પર વિશ્વાસ નથી આવતો. એક સામાન્ય ગરીબ મોચીનો છોકરો આજે આવડી મોટી કંપની નો માલિક!! તેની નજર શરમ થી નીચી થઈ જાય છે, કારણકે આજે તે એ ગૌરવ પાસે પોતાની જાતને બોવ નાની સમજવા લાગ્યો.
ગૌરવ ધીમેથી કહે છે , " આરવ તું એજ વિચારે છેને ક હું અહીં કેમ ?? અને હા તારે કશું વિચારવાની જરૂર નથી આ નોકરી તારી જ છે એટલે નહિ કે હું તને ઓળખું છું અને હા હું તને નોકરી નઈ આપુ એ વિચાર પણ તારો ખોટો છે. કારણકે ભૂતકાળ માં તે કરેલા પરિસ્થિતિ જોગ મારી સાથે ના વર્તન ને કારણે હું મારી કંપની ને તારા જેવા સારા મેનેજર ની ખોટ નઈ ખાવા દવ.
પણ હા, હું આજે અહીં છું તારી સામે એક માલિક બનીને આનું એક માત્ર કારણ એ છે કે મને મારા માતા પિતા એ ભલે બાળપણ મા એશોઆરામ ની જિંદગી નહોતી આપી, મોટી ગાડી ક બંગલો નહોતો આપ્યો, મારા જન્મદિવસ પર કોઈ પાર્ટી કે મોંઘી ગિફ્ટો નહોતી આપી પણ હા એક અમૂલ્ય ભેટ આપી હતી એ હતી વિચારોની સ્વતંત્રતા અને તેમનો સાથ અને પ્રેમ. જેની ખોટ હંમેશાં તને વર્તાઈ હતી.
પૂર્ણ.
મિત્રો, આ વાર્તા લખવા પાછળ નો મારું હેતુ એ સમજાવવાનો જ છે કે, જીવન મા વિચારોની સ્વતંત્રતા એ એક વ્યક્તિના અસ્તિત્વનો આધારસ્તંભ છે અને વિચારોની સ્વતંત્રતા એ દરેક નો અધિકાર છે. આ વાર્તા મા પણ જો આરવ ને એ ભેટ મળી હોત તો કદાચ આજ તે એક ખૂબ સારો કવિ કે લેખક હોત તેના શોખ મુજબ. તેમજ બીજી વાત કે ક્યારેય મા બાપ ની પરિસ્થિતિ આપણું ભવિષ્ય નકી નથી કરતી. આપણા ભવિષ્ય ના રચયિતા આપડે ખુદ જ હોઈ છીએ.
આપનાં પ્રતિભાવો ની અપેક્ષા સહ.......
🙏🙏🙏🙏🙏
🌹🌹🌹🌹🌹