વર્ણન

ગજબની સુંદરતાનું વરદાન પામેલી એક અફલાતૂન યુવતી, કે જેની નશીલી, છતાંય નિર્દોષ આંખોમાં કોઈક એવું ચુંબકીય-તત્વ હોય, જેને કારણે જોનારની નજર ત્યાંથી ખસવાનું નામ જ ન લે...તેનાં લચકદાર, ઘાટીલા, સુડોળ અંગોમાં છલકાતું અપ્રિતમ લાવણ્ય, કે જે મનગમતી કલ્પનાઓ કરવા માટે મનને મજબુર કરી દે..! . વિચાર કરો, કે હૃદયના ધડ્કારાઓ પુરઝડપે વધારી દે, તેવી આ ધક ધક ગર્લનો સામનો, કોઈ તરવરીયા અને જોશીલા નવયુવાનને સાવ અચાનક જ થઇ જાય, તો તેનાં સમગ્ર બદનમાં અનાયાસે જ દોડવા લાગેલી વીજળીઓના ઝણઝણાટને તેનાં યુવાન અંગો કેવી રીતે અવગણી શકે . તે યુવાનની હાલત કેવી થઇ જાય, ખાસ કરીને ત્યારે, કે જયારે તેની પોતાની પ્રેમિકા ત્યારે ત્યાં મોજુદ જ હોય એ પ્રેમિકા, કે જે આ યુવાનના હૃદયના કોઈ ખૂણામાં સદાય વસેલી હોય. પણ રાતની એકલતામાં આ યુવકના હ્રદયમાં ચુપકેથી પેસીને આ ધકધકીયાણી જો પોતાના હાથ-પગ પહોળા કરી, આ યુવકનાં સમગ્ર હૃદય પર પૂર્ણપણે કબજો જમાવી લે, તો આ યુવકે પોતાની પ્રેમિકાને આપેલ વફાદારીના વાયદાઓનું શું થાય . મનમાં મોજુદ મનગમતીનો મજબુત પ્રેમ આ હુમલાખોર હસીનાનાં હુડદંગનો સામનો કેટલો કરી શકે . માસૂમ પ્રેમની મૂંઝવણભરી પરિસ્થિતિ એટલે... ધક ધક ગર્લ