ઉમ્ર વધતા એક વસ્તુ તો સમજાય જ જાય છે કે ,
સાચી સંપતિ પૈસો ન હતો .
પણ સાચી સમ્પતિ એ હતી કે ,
જેને આપણે ઉમર ના એક પડાવ પણ છોડી ને આવ્યા તે .
બાળપણ ના મિત્રો ,
જુવાની નો પ્રેમ ,
શિક્ષક ની ડાટ ,
એની જોઇને આવતી મલકાટ .
ક્યારે વિચાર્યું ન હતું કે ,
જે સમય આજે ચાલી રહ્યો છે .
તે આટલો કીમતી હશે .
કે એક દિવસ દુનિયાની તમામ સંપતી એક બાજુ અને ,
બાળપણ બીજી બાજુ હશે .
આજે પણ જયારે એ ગલીઓ માંથી નીકળું છું .
ત્યારે એ ખાલી પટ જોઈ ને મન માં સોપો પડી જાય છે .
એમ લાગે છે . જાણે કાલ ની જ વાત હતી .
એ મેદાન પણ ૧૦ - ૧૫ જણા ડબલ્યુ .ડબ્લ્યુ . એફ રમતા હતા .
અડવા - દાવ રમતા હતા .
અને રાત પડે ને થપ્પો - થપ્પો રમતા .
ઘણી વાર થપ્પા થી કંટાળી ને આઈસ - પાઈસ રમતા .
જયારે પણ કોઈ નવા ઘર ના ખાડા ખોદાતા જોવું .
ત્યારે ફરી એ બાળપણ ની યાદો તાજી થઇ જાય .
ખાડા કુદીને ને રમવું .
એ દીવાલો ઉપર ચડવું .
અગાસીઓ ઠેકી ને દોડવું ...
એક વાર મન માં લાગી આવે છે ...
કે સાલું આટલી મોટી કીમત ચૂકવવી પડે મોટા થવાની ...
એ વર્ગ , એ શાળા નું મેદાન આજે પણ નજરે પડે ,
ત્યારે આંખ માંથી દડ - દડ આંશુ ની ધારા વહી જાય છે .
જાણે વર્ષો જૂની ખોવાયેલી પ્રેમિકા ને કેમ જોઈ ન લીધી હોય .
શાળા નો એ પહેલો દિવસ ,
રીશેસ વખતે એક બીજાનો નાસ્તો ખાવો .
સાલું અત્યારે ગમે તેવો મોંઘો નાસ્તો કરી લ્યો .
પણ એ નાસ્તા ની તુલના માં આ બધા ફિક્કા લાગે છે .
આજે દુનિયાભર ની વાતો ખબર હોવા છતાં .
પણ જે વાતો નાનપણ માં થતી તેની વાત જ અલગ છે ...
ત્યાર ની સીરીયલો એટલે વાત જ મૂકી દ્યો ,
અત્યારે પણ બધા ને મોઢે હશે .
અહા શું વાત કરું ...
કે ક્યાંથી વાત કરું ?
એ સાકાલાકા બુમ બુમ ની પેન્સિલ ,
શું ફ્રૂટી નો જાદુઈ હીરો અને સોનપરી ,
હાતિમ આહા વન ઓફ ધ બેસ્ટ હીરો ઓફ અવર જનરેશન ...
અકડ બકડ બમ્બે બોલ ,
આવા તો કેટલાય SHOW હતા ...
યાદી બનાવી તોય થાકી જવાય ...
એ ૩ રૂપિયા વાળી બાટલી ...
કાચ માં આવતી ...
પી ને પછી જમા કરાવી જવાની રહેતી ....
ખરેખર કદી ન હતું વિચાર્યું કે આ દિવસો આટલા કીમતી હશે ...
આજે પણ જયારે નવરો થાઉં છું ત્યારે શૈશવ ના સ્મરણો માં ખોવાઈ જાવ છું ...
બસ મિત્રો આજ ના માટે આટલું ઘણું છે .
મારે માત્ર એક જ લેખ લખી ને સૌ ને બાળપણ યાદ નથી કરાવું .
પણ મારે એવી રીતે બાળપણ નું આબેહૂબ ચિત્ર રજુ કરવું છે .
કે તમે લોકો વાચો નહિ પણ તમે લોકો તમારા બાળપણ ને વાચવાની સાથે અનુભવો ..
તો આ લેખ ના અંત માં તમારો પ્રતિભાવ જરૂર આપજો જેથી હું ...
જલ્દી બાળપણ ભાગ -૨ તમારી સમક્ષ રજુ કરી શકું ..
મિત્રો તો તૈયાર થઇ જજો બાળપણ ની યાદો માં ડૂબવા .....
