The Author Jagruti Pandya અનુસરો Current Read વેકેશન તો વિદ્યાર્થીઓનુ!! - ભાગ 4 By Jagruti Pandya ગુજરાતી વાર્તા Share Facebook Twitter Whatsapp Featured Books નારદ પુરાણ - ભાગ 49 સનત્કુમાર બોલ્યા, “ત્યારબાદ ડાબે અથવા જમણે જે બાજુથી શ્વાસ ચ... પ્રેમ થાય કે કરાય? ભાગ - 13 બિલ"એક કામ કરો બધા બિલ ભેગા કરીને કેવિનને આપો તે આપી આવશે."... નફરત ની આગ નફરતના સંસારમાં હવે રમીએ આ રમત એક એક માણસે જોડાઈ, બાંધી દઈ... સિંદબાદની સાત સફરો - 7 7. આજે શરૂથી જ આતુર અને સંપૂર્ણ મૌન સભાને ઉદ્દેશી સિંદબાદે આ... નિતુ - પ્રકરણ 48 નિતુ : ૪૮ (ટાઈમ્સનું પુનરાવર્તન) નિતુએ અચાનક ટકોર કરી અને બો... શ્રેણી વાર્તા આધ્યાત્મિક વાર્તાઓ ફિક્શન વાર્તા પ્રેરક કથા ક્લાસિક નવલકથાઓ બાળ વાર્તાઓ હાસ્ય કથાઓ મેગેઝિન કવિતાઓ પ્રવાસ વર્ણન મહિલા વિશેષ નાટક પ્રેમ કથાઓ જાસૂસી વાર્તા સામાજિક વાર્તાઓ સાહસિક વાર્તા માનવ વિજ્ઞાન તત્વજ્ઞાન આરોગ્ય બાયોગ્રાફી રેસીપી પત્ર હૉરર વાર્તાઓ ફિલ્મ સમીક્ષાઓ પૌરાણિક કથાઓ પુસ્તક સમીક્ષાઓ રોમાંચક કાલ્પનિક-વિજ્ઞાન બિઝનેસ રમતગમત પ્રાણીઓ જ્યોતિષશાસ્ત્ર વિજ્ઞાન કંઈપણ ક્રાઇમ વાર્તા નવલકથા Jagruti Pandya દ્વારા ગુજરાતી વાર્તા કુલ એપિસોડ્સ : 4 શેયર કરો વેકેશન તો વિદ્યાર્થીઓનુ!! - ભાગ 4 (1) 1.2k 2.8k 2 વેકેશન તો વિદ્યાર્થીઓનુ!! ભાગ - 4વેકેશનમાં વિકસો !!!નમસ્તે વ્હાલાં બાળકો, કેમ છો ? મજામાં ને ? હવે તો તમે બરાબર વેકેશનનાં મૂડમાં હશો. અગાઉ જણાવ્યા મુજબ તમે તમારું વેકેશનનું આયોજન કરી દીધું હશે. વેકેશનને આનંદમય બનાવવાં માટેનું સમયપત્રક પણ તૈયાર થઈ ગયું હશે. સાથે સાથે તમારું પરિણામ પણ આવી ગયું હશે. તો આવેલા પરિણામને આધારે તમારે તમારાં કામનું આયોજન કરવાનું છે. વેકેશનને આનંદમય બનાવવાં માટે બાકી રહેલી વાતો ફરીથી આજે કરીશું. તમે છો ને તૈયાર ? હા, તો ચાલો જાણીએ! પરિણામ શું આવ્યું ? બાળકો, તમારી વાર્ષિક પરીક્ષાનું પરિણામ આવી ગયું હશે. આવેલ પરિણામને લઈને, સારા પરિણામથી ફુલાઈ જવું નહીં કે ખરાબ પરિણામને લઈને હતાશ થવું નહીં. પરિણામ જૂવો. તમે કેટલી મહેનત કરી હતી ? કેવાં પેપર લખ્યાં હતાં ? કેવાં ગુણ આવ્યા? હવે કયા કયા વિષયોમાં વધારે મહેનત કરવાની જરૂર છે. તે વિષય માટે દરરોજ એક કલાક ફાળવો. આવેલ પરિણામને ભૂલી જઈ આગળ ઊત્તમ પરિણામ માટે લાગી જાઓ.હોસ્પિટલ કે અનાથાશ્રમની મુલાકાત : વેકેશન દરમિયાન એક વખત અચૂક હોસ્પિટલ કે અનાથાશ્રમની મુલાકાત લો. ત્યાં જઈને જૂવો કેવી કેવી પરિસ્થિતિ માંથી લોકો પસાર થાય છે ! કેવાં કેવાં રોગો થાય છે ? આ બધાં પરથી તમને ખ્યાલ આવશે કે શરીરને સાચવવું કેટલુ જરૂરી છે. આપણું શરીર અને એક એક અંગ કેટલું ઉપયોગી અને કિંમતી છે. ભગવાને આપણને સર્વાંગ સુંદર બનાવ્યા છે તે માટે ભગવાનનો આભાર માનો. અનાથાશ્રમની મુલાકાત પરથી તમને ખ્યાલ આવશે કે તમે કેટલાં સદનસીબ છો કે તમારી પાસે તમારાં મમ્મી પપ્પા છે. મમ્મી પપ્પાનો પ્રેમ તમને મળ્યો છે. ઐતિહાસિક સ્થળોની મુલાકાત: તમારાં ગામની આસપાસ કે તમારાં મામાના કે ફોઈના ગામની આસપાસ જો કોઈ ઐતિહાસિક સ્થળ આવેલું હોય તો તેની મુલાકાત અવશ્ય લો. ત્યાં જઈને તેનો ઈતિહાસ જાણો. તેનું મહત્ત્વ સમજો. પહેલાંના સમયમાં કેવી કેવી પરિસ્થિતિ અને પરંપરાઓ હતી તે જાણો. તેનું ઊંડાણપૂર્વકની માહિતી મેળવી અને લખો. આ બધી જ વિગતો ઘરે જઈને તમારાં મમ્મી પપ્પા, ભાઈ બહેન અને મિત્રોને જણાવો.ખેતરની મુલાકાત : વેકેશનમાં અવશ્ય એક્વાર ખેતરની મુલાકાત લો. ખેતરે જઈને જૂવો. જગતનો તાત કેટલી બધી મહેનત કરીને અનાજનો દાણો ઉગાડે છે અને તે આપણાં ઘર સુઘી કેવી રીતે પહોંચે છે. આપણને ખ્યાલ આવશે કે અનાજનો બગાડ કરાય કે નહીં. ખેતરમાં ઉગાડવામાં આવતાં શાકભાજી, ફળો, અનાજ અને કઠોળ માટે કેવી રીતે અને કઈ કઈ પ્રક્રિયાઓ માંથી પસાર થવું પડે છે? ખેતર કેવી રીતે ખેડાય! બીજ કેવી રીતે વવાય? પાક તૈયાર થઈ ગયા પછી કેટલાં સમયમાં લણણી કરાય? આ બધી જ વિગતો જાતે જૂવો, જાણો અને લખો. ખૂબ આનંદ આવશે.કરકસરનો ગુણ : કહેવત છે ને ' ત્રેવડ ત્રીજો ભાઈ ' હા, સમય અને સંપત્તિ કદી વેડફાય નહીં. કરકસરનો ગુણ તમને જીવનનું મૂલ્ય સમજાવશે. કરેલી કરકસર તમને સંકટનાં સમયે કામમાં લાગશે. સાથે સાથે તમારાં મિત્રો કે સગાં સંબંધીઓને પણ કામમાં લાગશે. આ એક ગુણ કેળવવાથી તમને બીજાં અનેક ફાયદા થશે. આ વેકેશનમાં નાકામની કે ખૂબ મોંઘી વસ્તુઓ ન ખરીદતાં જરૂરી અને ટકાઉ વસ્તુઓ ખરીદી કરો. આપણાં રૂપિયા એવી વસ્તુઓ માટે ખર્ચો કે જે ખૂબ જ જરૂરી હોય અને લાંબા સમય સુધી તેનો ઉપયોગ થાય. વેકેશનમાં રોજ એક વાર્તા: હા, બાળકો આ વાત ખાસ જરૂરી છે. આખુ વેકેશન રોજ એક વાર્તા. દાદા દાદી કે મમ્મી પપ્પા પાસેથી રોજ એક વાર્તા અવશ્ય સાંભળો. અને હા, તમારે પણ રોજ એક વાર્તા કહેવાની છે. અને શક્ય હોય તો વાર્તા લખવાની પણ છે. તમે વિચારો વેકેશનમાં તમે કેટલી બધી વાર્તાઓ સાંભળશો? લખશો? કહેશો? ઓહો હો!!! તમે તો અઢળક વાર્તાઓના માલિક બનશો! તો જોયુંને બાળકો ! વેકેશનને આનંદમય બનાવવાં માટે કેટલું બધું આપણી પાસે છે? આ વાત કદીના ભૂલાય. આ વેકેશનનો ભરપૂર ઉપયોગ કરજો. વેકેશનને ટી.વી., મોબાઈલ કે અન્ય નકામા કામોમાં વેડફશો નહીં. તો છો ને તૈયાર? અને હા, મને પણ ફોન કરીને જણાવશો કે તમે આ વેકેશનમાં શું કરવાના છો. ‹ પાછળનું પ્રકરણવેકેશન તો વિદ્યાર્થીઓનુ!! - ભાગ 3 Download Our App
