જૈન સંઘની વ્યવસ્થા ચાર મુખ્ય ઘટકોમાં વહેંચાય છે: સાધુ, સાધ્વી, શ્રાવક અને શ્રાવિકા. દરેક તીર્થંકર પોતાના સમયમાં આ સંઘની સ્થાપના કરે છે, જેની માંડણી વિશિષ્ટ આચાર સંહિતાના આધારે થાય છે અને તેમાં સત્તાને સ્થાન નથી. સંઘના સભ્યો વ્યક્તિગત આત્મસાધનામાં નિષ્ઠાવાન રહે છે, અને તેનાથી પ્રેરિત થઈને શ્રાવક અને શ્રાવિકા ધર્મ અને સદાચાર તરફ આગળ વધે છે. સાધુ અને સાધ્વી તેમનાં મૌલિક ધ્યેય તરીકે મોક્ષને પ્રાપ્તિ માટે જીવતા હોય છે. તેઓ પોતાના જીવનમાં પાંચ મહાવ્રત અને નિશ્ચિત આચારસંહિતાનું પાલન કરે છે. તેઓ શ્રાવક અને શ્રાવિકાઓ માટે આદર્શ બની રહે છે અને તેમના ઉપદેશ દ્વારા માનવતાના ઉત્તમ મૂલ્યોને પ્રસારિત કરે છે. શ્રાવક અને શ્રાવિકા તીર્થંકર દ્વારા નિર્દેશિત બાર વ્રતનું પાલન કરે છે અને સાધુ-સાધ્વીની સેવા કરે છે. તેઓ ધર્મની આરાધના માટે વિવિધ સંસ્થાઓનું સંચાલન કરે છે અને સામાજિક અને આર્થિક રીતે નબળા સાધર્મિકોને મદદ કરે છે. તેઓ જૈન ધર્મના પ્રચાર માટે વિવિધ પ્રવૃત્તિઓમાં જોડાય છે, જેમ કે પુસ્તક પ્રકાશન અને પ્રવચન, તેમજ કુદરતી આફતો દરમિયાન દાન આપે છે.

shreyansh દ્વારા ગુજરાતી આધ્યાત્મિક વાર્તાઓ

Writen by shreyansh

Category આધ્યાત્મિક વાર્તાઓ