આ વાર્તા મધમધતા રંગબેરંગી પુષ્પો અને ઉજવણીઓથી ભરેલ એક યુનિવર્સિટી કેમ્પસમાં શરૂ થાય છે, જ્યાં વિદ્યાર્થીઓના કોન્વોકેશન માટે તૈયારીઓ ચાલી રહી છે. કેમ્પસમાં રાજકીય નેતાઓ, શિક્ષણશાસ્ત્રીઓ અને સમાજનાં આગેવાનોએ હાજરી આપી છે, અને દરેકના હૃદયમાં ખુશી છે. કોન્વોકેશનનું આ અવસર દરેક માતા-પિતાનો ગર્વ છે, કારણ કે તેઓ પોતાના સંતાનોની મહેનતને માન્યતા આપે છે. વિદ્યાર્થીઓના નામ જાહેર થતા, ડો. ઉપવન મલ્હોત્રા અને ડો. ગુલમહોર બરફીવાલા નામનો ઉલ્લેખ થાય છે, અને એવા આનંદનો માહોલ સર્જાય છે જેમણે બંનેના પરિવારો વચ્ચેની મૈત્રીને ઉજાગર કરી છે. ઉપવન ગુલમહોરને પ્રપોઝ કરે છે, અને બંનેને લગ્નની તૈયારીમાં ઝાઝો સમય બગાડવા નથી, કારણ કે તેઓએ પી.જી.ની તૈયારી કરવી છે. આ પછી, તેમના વડીલોએ આર્યસમાજની વિધિ દ્વારા બંનેને ભગવાનની સાક્ષીએ એકબીજાની સાથે જોડાવાની મંજૂરી આપી છે, જે તેમના પ્રેમ અને મૈત્રીને મજબૂત બનાવે છે.
સ્વપ્નશિ૯પી
Heena Hemantkumar Modi 
દ્વારા
ગુજરાતી પ્રેમ કથાઓ
વર્ણન
મધમધતા રંગબેરંગી પુષ્પો, તેમની મનમોહક ખુશ્બૂઓ અને લાઈટીંગ ડેકોરેશનથી આખું કેમ્પસ જાણે આસમાનમાં તારલાઓથી મઢેલ કોઈ ગ્રહની જેમ આકર્ષિત લાગી રહ્યું હતું. કેમ્પસમાં આવેલ ગેસ્ટહાઉસમાં સવારથી જ તડામાર તૈયારીઓ ચાલી રહી હતી. રાજકીય નેતાથી માંડી શિક્ષણશાસ્ત્રીઓ અને સમાજનાં આગેવાનોનાં પગરણથી કેમ્પસ ધમધમી રહ્યું હતું. હર્ષોલ્લાસનું વાતાવરણ અને વિદ્યાર્થીઓમાં પણ ગજબની સ્ફૂર્તિથી કેમ્પસ કિલ્લોલ કરી રહ્યું હતું. કેમ્પસની બહાર શાંત શહેરમાં પણ ભારે અવરજવર વર્તાઈ રહી હતી. બધી હોટેલ્સ વાલીઓથી ફૂલ થઈ ગઈ હતી. બસ દરેકની મીટ ઘડિયાળનાં કાંટા પર હતી.‘કયારે પાંચ વાગશે? માંડ ચાર વાગ્યા હશે ત્યાં આખું ઓડિટોરિયમ ખીચોખીચ ભરાઈ ગયું હતું.