આ વાર્તા મગની આરોગ્યલાભ અને તેના વિવિધ વાનગીઓ વિશે છે. મગને તાકાત અને પોષણ માટે શ્રેષ્ઠ માનવામાં આવે છે, અને તેને ડાયેટમાં સમાવિષ્ટ કરવાની સલાહ આપવામાં આવતી છે. ફણગાવેલા મગનું સેવન ઇમ્યુનિટી મજબૂત બનાવે છે અને વજન ઘટાડવામાં મદદરૂપ થાય છે. મગની એક જાણીતી પંક્તિ કહે છે કે તે પ્રોટીનયુક્ત છે અને સ્નાયુ મજબૂત કરે છે. વાર્તામાં ફણગાવેલા મગનું શાક બનાવવાની વિધિ અને સામગ્રી આપવામાં આવી છે, જેમાં ફણગાવેલા મગ, બટેટા, ટામેટા, આદુ, લસણ, મસાલા વગેરેનો સમાવેશ થાય છે. તેથી, મગના આરોગ્યલાભો અને તેની સ્વાદિષ્ટ વાનગીઓથી પરિવારને બીમારીથી બચાવવાનો ઉલ્લેખ છે, તેમજ મગદાળનો હલવો બનાવવાની સામગ્રી અને રીત પણ આપવામાં આવી છે.
મગની મસ્ત વાનગીઓ
Mital Thakkar 
દ્વારા
ગુજરાતી રેસીપી
વર્ણન
મગને આરોગ્ય માટે શ્રેષ્ઠ માનવામાં આવે છે. કોઈ ડાયેટ પર હોય કે પછી બિમાર હોય તેને સૌથી પહેલાં મગ ખાવાની સલાહ અપાય છે. મગને તાકાત પ્રદાન કરનાર માનવામાં આવે છે. એટલે જ આપણે ત્યાં વર્ષોથી કહેવાય છે કે મગથી સારા ચાલે પગ. પ્રોટીન અને વિટામિન્સથી ભરપૂર એવા મગ ભાગ્યે જ કોઈને પસંદ ન આવતા હોય તેવું બને. દરેક ઘરમાં મગની દાળ બનતી જ હોય છે. ફણગાવેલા મગનું સેવન આરોગ્ય માટે અનેક રીતે લાભકારી છે. ફણગાવેલા મગને બાફીને સવારે નાસ્તામાં ખાવાથી વધારે ફાયદો આપે છે. તેનાથી ઇમ્યુનિટી મજબૂત બને છે. વજન ઘટાડવા બાફેલા મગ સૌથી વધારે હિતકારી ગણાય છે. કેમકે તેમાં ઓછી કેલેરી હોય છે. અને ફાઇબર વધુ હોવાથી પાચનશક્તિ સારી રહે છે. મગ માટે એક પંક્તિ બહુ જાણીતી છે. મગ કહે હું લીલો દાણો, મારા ઉપર ચાંદું, નિત્ય સેવન મારું કર તો માણસ ઉઠાડું માંદું. તે પ્રોટીનયુક્ત પણ હોવાથી સ્નાયુ મજબૂત બને છે. બધા પ્રકારના કઠોળમાં મગ ઔષધ જેવું કઠોળ છે. મગ પચવામાં હલકા, નિર્દોષ અને બળવર્ધક છે. આથી ગૃહસ્થોથી માંડીને જૈન મુનિઓમાં તેમજ અઠ્ઠાઈ ઉપવાસ કરતાં જૈનોમાં મગનો ઉપયોગ મોટા પ્રમાણમાં થાય છે. આવા ગુણકારી એવા મગની વિવિધ વાનગીઓ બનાવી તમે તમારા પરિવારને સારા આરોગ્યની ભેટ આપી શકો છો.