પરેશભાઈ પ્રીતિના લગ્નની તૈયારી એકદમ ઉત્સાહથી કરી રહ્યા હતા. બધું જ ખુબ બારીકાઈથી ઉકેલી રહ્યા હતા. પહેલું કામ કંકોત્રીનું લિસ્ટ બનાવવાનું નક્કી કર્યું હતું. ખુબ અંગત લોકોને જ આમંત્રિત કરવાના હતા. પરેશભાઈની ઓળખાણ અને નામ એટલું ખ્યાતિ પામેલું હતું કે અમુક લોકો તો એમના પ્રસંગમાં સામેથી જ જોડાવા આગંતુક હતા. પણ બધાની વ્યવસ્થા અને પ્રસંગ સારી રીતે કોઈ વિઘ્ન વગર પરિપૂર્ણ કરવા માટે યોગ્ય સંખ્યાનું લિસ્ટ કરવું જરૂરી જ હતું. પરેશભાઈ અને તેમના ભાઈ બંને સાથે બેસીને આ કામને ન્યાય આપ્યો હતો. એ પછી એક પછી એક બધી જ વિધિઓની યાદી અને એમાં જરૂરી એવી બાબતોની નોંધણી પણ ડાયરીમાં કરી