સુંદરતાનો ખૂની ખેલ ડો. હિના દરજી પ્રકરણ - ૧ મારી પ્રથમ નવલકથા ‘ત્રણ વિકલ્પ’ને માતૃભારતી પર આપલોકોના સાથ સહકારથી ખૂબ સારો પ્રતીભાવ પ્રાપ્ત થયો એના બદલ હું આપલોકોની ખૂબ આભારી છું. હવે તમારી સમક્ષ મારી પ્રથમ લધુનવલ લઈને આવી છું. આશા રાખું છું એ તમને લોકોને ખૂબ પસંદ આવશે. આ એક કાલ્પનિક વાર્તા છે. એક સ્ત્રી પોતાની સુંદરતા જાળવી રાખવા માટે કેવી રીતે ખૂની ખેલ કરે છે તે સમજાવવાનો પ્રયાસ કરેલો છે. દીવ એટલે ગુજરાતનું ગોવા. સુંદર રમણીય દરિયા કિનારો. સહેલાણીઓ માટેનું મનગમતું સ્થાન. રાતના બે વાગ્યાની આસપાસનો સમય હતો. દીવનાં દરિયા કિનારે મોજાઓના અવાજ સિવાય નીરવ શાંતિ