પળેપળ સમય પોતાનું રૂપ બદલતો રહે છે. સમયના સાચા સ્વરૂપને સમજવાનું કામ અત્યંત મુશ્કેલ છે. કવિઓ, વિચારકો, ફિલસૂફો અને આર્ષદ્રષ્ટાઓએ, પોતપોતાની રીતે સમયને જોવાના અને મૂલવવાના પ્રયત્નો કર્યા છે પણ એ દરેકના મત એકબીજાથી સાવ ભિન્ન છે. સમયની ક્ષણો ક્યારેક ઉત્સવ જેવી લાગે છે તો ક્યારેક આંસુ-ભીની! વળી, રોજે-રોજ સંજોગોની ચબરખીમાંથીતો સાવ અણ ધાર્યા લખાણો જ નીકળે છે! બિચારા માણસનું ભોળું ભટાક મન, ભીતર-ભીતર લાખ સવાલો ઘૂંટતું, ચૂપચાપ બેઠું રહે છે અને વળાંક-વળાંકે સમય સતત બદલાતો રહે છે! સમય બધાંને મોં માગી અને મનગમતી ચીજો ક્યાં આપે છે? કોઈ નસીબદારને એ વણમાગ્યે જ બધું આપી દે છે