દોસ્તો,આજે બસમાં જવાનું થયું. મારી બાજુમાં એક બહેન બેઠા હતાં. કંઈક ગંભીર વિચારમાં હોય એવું લાગ્યું. એમની આંખો પાણી હતી અને એ દુનિયાથી છુપાવતાં હતા. હું હજુ એમને કંઈ પૂછું એ પહેલાં તો એ બસમાંથી ઉતરી ગયા અને એટલી ઝડપથી કે એમની ડાયરી એમના પર્સમાંથી પડી ગઈ તો પણ એમને ખબર ન પડી. ડાયરીમાંથી એમનો કૉન્ટેક્ટ નંબર મળી જાય એમ વિચારી મેં એ ડાયરી ખોલી પણ એમાં તો એમણે એમના મનની વાત લખી હતી. આમ કોઈની ડાયરી ન વંચાય એ ખબર હતી પણ પહેલાં જ પાના પર લખ્યું હતું કે મારી શું ભૂલ ...વધુ વાંચો

આ સમયે મારો ભાઈ છઠા ધોરણમાં હતો. બેન દસમા ધોરણમાં હતી. ભાઈ કોઈવાર શાળાએ જાય કોઈવાર ન જાય. કોઈ કોઈ બહાના કરીને રજા પાડે. પછી ખબર પડી કે એપેન્ડિકસ છે એટલે એનું ઓપરેશન કરાવ્યું. આમ એને શાળાએ ન જવાનું બહાનું મળી ગયું. બેન દસમાં ધોરણમાં હતી. એ સારા ટકાએ પાસ થઈ ગઈ. પપ્પાએ એને સાયન્સ લેવાનું કહ્યું પણ એણે કોમર્સ લીધું. પપ્પાને ન ગમ્યું.આમ જ બે વર્ષ વીતી ગયા. હું દસમા ધોરણમાં આવી. અમારું સંયુક્ત કુટુંબ એટલે વાંચવાની મોકળાશ મળે નહીં. એક દિવસ મામા ઘરે આવ્યા. એમણે કહ્યું તું મારી સાથે ઘરે ચાલ પરીક્ષા સમયે આવી જજે. ક્યારેક ટ્યુશન ...વધુ વાંચો

નવરાત્રિ આવે છે એમ વિચારી હું મનોમન ખુશ થતી હતી કે પાછા એ મને જોવા મળશે. અને હું મામાને ગઈ. ગરબા શરુ થયા ને હું ફળિયામાં ગઈ. મેં એમને જોયા. એક અલગ જ ખુશી દિલમાં વરતાઈ રહી હતી. ત્યાં ગરબા મોટા પાયા પર થાય એટલે અંદર બહાર ત્રણ ચાર રાઉન્ડ થાય. મેં આ સમયે જોયું કે એ, એના મિત્રો અને મારા મામા બધા સાથે જ રહેતા હતા. મેં પહેલાં પણ મેં જોયું હતું કે મામાના ઘર પાસેથી પસાર થાય ત્યારે મામા જો ઘરે હોય તો મામાને બોલાવીને જ જાય. આ નવરાત્રિમાં મને ખબર પડી કે એ તો મામાના મિત્રે ...વધુ વાંચો

બસ. નવરાત્રિ પૂરી થઈ ને ફરી ઘરે આવી શાળા - ટ્યુશન શરૂ થઈ ગયા. એક દિવસ હું શાળાએથી છૂટી ઘરે આવતી હતી તો મેં અમારી શાળાના દરવાજા પાસે એમને એમના મિત્રો સાથે ઉભેલાં જોયા. મને લાગ્યું કે ના એ ક્યાંથી અહીં આવે પણ મેં વળી વળીને ખાતરી કરી કે ના છે તો એ જ. પણ અહીં ક્યાંથી ? એ સવાલ સતત મારા મનમાં હતો. અને ઘરે આવી તો મામા ઘરે બેઠા હતા. નવરાત્રિ ૫ત્યા પછી મારા કાનમાં મામાના શબ્દો વારંવાર સંભળાતા હતા કે સમીરે કહ્યું ? ને મને યાદ આવ્યું કે આ નામ તો અમારા ઘરમાં વારંવાર મમ્મી દ્વારા ...વધુ વાંચો

પછી તો લગભગ દરેક આંતરે દિવસે હું એમને મારી શાળાના પ્રાંગણમાં જોતી. એ, મામા અને એમના મિત્રો ક્રિકેટના કપડામાં મળતા. મને વિચાર આવ્યો કે અત્યાર સુધી નહીં ને હવે જ કેમ મને એ દેખાય છે ? કદાચ એવું પણ હોય કે હું અહીં ભણું છું એવીખબર પડી હોય અને એેટલે એ અહીં આવતા હોય. હું એમને જોતી, અને ચાલી નીકળતી. એમની સાથે મામા હોય તો હું મામા સાથે પણ વાત ન કરતી બસ ત્યાંથી નીકળી જતી. પણ મનમાં હંમેશા એક ખુશી થતી. એમને જોઈને કંઈક અલગ જ આનંદ મળતો. આમ ને આમ દિવસો વીતતાં હતા. બેન હજી એ છોકરાને ...વધુ વાંચો

એ સમયે મારું બધું જ ધ્યાન ફક્ત ભણવા પ૨ હતું. હું ખૂબ જ મહેનત કરતી હતી. ફોઈના ઘરે ફોઈ નોકરી કરતાં હતા. એમનો દિકરો કોલેજમાં હતો અને દિકરી દસમાં ધોરણમાં. એમની દિકરી ભણવામાં સામાન્ય હતી. પણ હું ત્યાં ગઈ એટલે એ મારી સાથે વાંચવા બેસી જતી. ફોઈ ખુશ હતા કે એમની દિકરી મારી સાથે ભણવા બેસતી અને ન આવડે તો મને પૂછી પણ લેતી. દિવસે વીતતાં નવરાત્રિ નજીક આવી ગઈ. પણ આ વખતે મારાથી મામાને ત્યાં જવાય એવું મને લાગતું ન હતું કારણકે ટ્યુશન, શાળા અને વળી પ્રથમ પરીક્ષા પણ નજીક આવી રહી હતી. પણ મમ્મી પપ્પા એક દિવસ ...વધુ વાંચો

મને ઘણીવાર વિચાર આવતો કે મારા મનમાં જે એમના માટે લાગણી છે એવી લાગણી એમને મારા માટે હશે ? હશે તો જ એ આ રીતે શાળાએ આવતા હતા ને! પણ મને મારા વિચારોનો જવાબ મળતો ન હતો અને હું ફરી પાછી ભણવામાં લાગી જતી. પરીક્ષા પતી ને થોડા સમયમાં દિવાળી આવી. હું ફોઈના ઘરેથી મારા ઘરે આવી. અહી આવીને જોયું કે કંઈ જ બરાબર ન હતું. દરેક વખતની જેમ મમ્મી કામ કર્યા કરતી અને બેન કોઈ ને કોઈ બહાનું કાઢી ઘરની બહાર રહેતી. ભાઈ પણ ભણવામાં ધ્યાન આપતો ન હતો. એ પણ દસમા ધોરણમાં હતો પણ એ પ્રમાણે મહેનત ...વધુ વાંચો

મેં ફરીથી ભણવામાં ધ્યાન લગાવી દીધું. આ વખતે બીજા કોઈ જ વિચારોને મગજમાં આવવા જ ન દીધા. ન એમના ન ઘરના. શાળામાં પ્રિલિમ પરીક્ષાની તારીખ ખાવી ગઈ હતી. હું એમાં વધારે ને વધારે માર્ક્સ લાવવા માગતી હતી. આ પરીક્ષા વખતે મારો કોર્ષ પૂરો કરી દઉં તો પછી મને રિવિઝનનો સમય મળે એમ વિચારતી હતી. પણ થયું કંઈ જુદું જ. મારા પગ પર જે ડાઘા હતા તે ટેન્શનમાં વધશે એમ ડોકટરે કહ્યું હતું અને એમ જ થયું. એ ડાઘા પાણી ભરાયને મોટા ફોડલાં બનવા માંડ્યા હતા અને એમાં ખંજવાળ પણ ખૂબ જ આવતી. ખંજવાળ આવે એટલે એ વધે એમ પણ ...વધુ વાંચો

મારી બોર્ડની પરીક્ષા શરૂ થઈ. સાથે ભાઈની પણ શરૂ થઈ હતી. એની પરીક્ષા સવારે હોય અને મારી બપોરે. પરીક્ષા ઘરે આવું એટલે સાંજ પડી ગઈ હોય. પપ્પા રોજ આવતા મને મળવા. બસ, પરીક્ષા પતાવી ને હું મારા ઘરે પાછી ફરી. ભાઈ તો પરીક્ષા પતાવીને બસ આખો દિવસ રખળ્યા કરતો. આગળ શું ભણવાનો છે એ વિશે કંઈ જ વાત પણ ન કરતો. અને કંઈ પણ જોઈએ એટલે મને આવીને કહેતો કે પપ્પાને કહે કે મને આ અપાવે. હું ત્યારે એની લાગણી ના દુભાય એટલે પપ્પાને કહીને એને એ અપાવી દેતી. મને ત્યારે એમ ન ખબર હતી કે હું એને બગાડી ...વધુ વાંચો

હું ક્રિકેટ રમતી રમતી ઘરમાં ચાલી ગઈ. ખબર ની પણ કેમ હું એમનો સામનો ન કરી શકી ? બસ એમને જોયા કર્યા. એ મામા સાથે થોડીવાર ઊભા રહ્યા અને પછી ગયા. મેં એમને જોયા કર્યા. અમે મામાના ઘરે જ હતા વેકેશનમાં ને એક દિવસ રવિવાર હતો. ફળિયામાં મામા એમના મિત્રો સાથે વોલીબોલ રમતા હતા અને મમ્મીએ કહ્યું જા ફળિયામાંથી ભાઈને બોલાવી લાવ. અને હું ગઈ. પણ ત્યાં જઈને જોયું કે ભાઈ તો એમની સાથે વોલીબોલ રમતો હતો. મેં બસ જોયા કર્યું. જ્યારે રમતમાં બ્રેક પડ્યો ત્યારે ભાઈ એમની બાજુમાં બેઠો હતો. મારે ભાઈને બોલાવવો હતો પણ એનું ધ્યાન મારે ...વધુ વાંચો

પપ્પા બધાને વારાફરતી જોતાં હતા ને તરત જ પૂછ્યું કે બેન ક્યાં છે ? મમ્મીએ ધીરે રહીને આખી વાત થોડીવાર માટે પપ્પા પણ ચૂપ થઈ ગયા. પછી મારા કાકાને કહ્યું પેલાં છોકરાના ઘરે તપાસ કર એ ક્યાં છે ? કાકાએ કહ્યું મેં તપાસ કરી લીધી છે એ ઘરે નથી. એના ઘરના પણ બધા એમ કહે છે કે એમને ખબર નથી. એ દિવસે પણ કોઈએ કંઈ ખાધું નહીં. મને રહી રહીને વિચાર આવતો હતો કે મેં પહેલાં જ ઘરમાં કહી દીધું હોત કે બેન હજી પેલાં છોકરાને મળે છે તો કદાચ પપ્પાએ એને અટકાવી લીધી હોત. પપ્પા, ભાઈ, કાકા, એમનો ...વધુ વાંચો

બેનને પપ્પાએ જ્યાં નોકરીએ લગાડી હતી એ ત્યાં પણ જતી ન હતી. કાકા, ભાઈ બધા જેટલી જગ્યા ખબર હતી બધી જગ્યા પર તપાસ કરીને થાકી ગયા. કશેથી પણ એના કોઈ સમાચાર મળતા ન હતા. આ બાજુ મારી પરીક્ષા નજીક આવી રહી હતી. પપ્પાને પણ સારું ન હતું. આરામ કરવા છતાં એમનું પ્રેશર કંટ્રોલમાં આવતું ન હતું. લગભગ દસેક દિવસ પછી કોઈકે કાકાને બેન ક્યાં છે એની માહિતી આપી. પણ કાકાએ પપ્પાને કહી દીધું કે એને ઘરે બોલાવવાની જરૂર નથી. આગળ જતાં એ તમને ખૂબ હેરાન કરશે. એની સાથે અત્યારથી જ સંબંધ પૂરો કરી દો. આ સાંભળીને હું અને મમ્મી ...વધુ વાંચો

મમ્મીએ કહ્યું કે પપ્પાને ઘણા સમય પહેલાથી ખબર હતી કે બેને પેલા છોકરાને મળવાનું બંધ નથી કર્યુ. એટલે એકવાર ફુઆજી પાસે ગયેલા અને એમને બધી વાત કરી હતી અને કહ્યું હતું કે બેન માટે કોઈ સારો છોકરો બતાવે તો બેનના લગન કરાવી દઈએ. તો ફુઆજીએ એમને કહ્યું હતું કે તમે દહેજમાં કેટલા રૂપિયા આપશો એ કહો તો આપણે એના માટે છોકરો શોધીએ. પપ્પાએ કહ્યું કે એમની પાસે દહેજમાં આપવા માટે કોઈ રૂપિયા નથી. અને હવે તો એ બધા રિવાજ નીકળી ગયા છે તો પછી કેમ આપવું પડે ? ફુઆજીએ કહયું કે ના તમારી પાસે દહેજ આપવાની તૈયારી હોય તો ...વધુ વાંચો

આખરે પપ્પાએ નક્કી કર્યું કે એ બેનને બોલાવી લેશે. એટલે મેં એકવાર પપ્પાને કહ્યું કે મારે બેન ને મળવું અને પપ્પા મને લઈ ગયા હતા એને મળવા માટે. મેં જોયું બેન ખુશ હતી. જેની સાથે એણે લગ્ન કર્યા તે છોકરો જેને હવે મારે જીજાજી કહેવાનું હતું એ પણ હતો. એ બંનેને સાથે ખુશ જોઈને મને ખુશી થઇ. પણ એમની ખુશીએ મારા પપ્પાને કેટલું દુઃખ આપ્યું એ હું ભૂલી શકતી ન હતી. હું ઘરે આવી, પણ મારા મગજમાં એક જ વાત ચાલતી હતી કે આવી ખુશીને શું કરવું કે જેમાં પપ્પાને આટલું બધું દુઃખ થતું હોય. આ વાત જાણે મને ...વધુ વાંચો

મારા મનમાં સતત એ વિચાર હતો કે મામાને ત્યાં જાઉં, એમને ગરબા રમતા જોઉં ને હું મારા નિર્ણય પર ન રહી શકી તો ? પણ ઘરના બધા જ જવા માટે તૈયાર હતા એટલે મારે પણ જવું જ પડ્યું. દર વખતની જેમ મામાને ત્યાં જઈને સાંજની માટલી નો શણગાર કર્યો, આંગણામાં રંગોળી પૂરી અને ગરબા શરૂ થવાની રાહ જોવા લાગી. આ વખતે મેં ચણિયા ચોળી પણ ની પહેર્યા. સાદો ડ્રેસ જ પહેર્યો હતો. મામાએ ઘણા કાલાવાલા કર્યા કે આરતી કરવાની છે, માટલી વળાવવા જવાનું છે, ચણિયા ચોળી પહેરીને તૈયાર તો થા. પણ મેં ના પાડી કે ના હું ખૂબ થાકી ...વધુ વાંચો

મેં જોયું કે એમના મિત્રો હું હતી ત્યાંથી બીજી તરફ જઈ રહ્યા છે. મને થયું હાશ મારે એમનો સામનો કરવો પડે. પણ બીજી જ મિનિટે મેં જોયું કે બધા તો ગયા પણ એ મારી તરફ આવતા હતા.મને સમજાયું જ નહીં કે હું શું કરું ? એમની તરફ જાઉં કે બીજી બાજુ જાઉં એવી અવઢવમાં હું તો જ્યાં હતી ત્યાં જ ઊભી રહી ગઈ. મારાથી એક ડગલું પણ આમ તેમ જઇ શકાયું નહીં. ફળિયામાં બરોબર વચ્ચે. એકવાર તો વિચાર આવ્યો કે ના બધા મિત્રો ગયા એટલે તે પણ મારા સુધી ન આવે પણ એ આવ્યા, મારી નજીક, મારા હાથમાં આરતી ...વધુ વાંચો

અમે માતાજીની માટલી વળાવીને ઘરે આવી ગયા. એ રાત વીતી ગઈ. બીજા દિવસે અમે અમારા ઘરે આવી ગયા. મારા એમને ખોવાનો ડર બેસી ગયો. પણ મેં કોઈ દિવસ એમની સાથે વાત પણ ન કરી હતી કે એમણે પણ મારી સાથે વાત કરી ન હતી. છતાં કેમ આવી લાગણી મારી અંદર પાંગરી રહી હતી એ ખબર જ ન પડી ? હું બારમા ધોરણમાં નાપાસ થયેલી એટલે શાળાએ જવાનું હતું જ નહીં કે કદાચ એ ત્યાં આવે અને હું એમને જોઈ લઉં. પણ એ શક્ય ન હતું. પણ હું એ ભૂલીને ઘરમાં મમ્મીને મદદ કરતી. મારી પરીક્ષા પતી ગઈ હતી, મારા ...વધુ વાંચો

અમે મામાના ઘરેથી નીકળી ગયા. હું ખુશ હતી કે એ મને જોવા મળ્યા. વળી, એ પણ ખાતરી થઈ કે દશેરાના દિવસની મારી વર્તણૂક નું ખોટું નથી લાગ્યું. જો એવું કંઈ હોતે તો એ મામાના ઘરે આવીને બેસતે જ નહીં. હવે મને એમ લાગવા માંડયું કે એમને પણ હું ગમું જ છું. આમ જ વિચારતાં વિચારતાં અમે ઘરે આવી ગયા. પાછું બધું જેમ ચાલતું હતું એમ ચાલવા લાગ્યું. મારું અને મારા ભાઈનુ રિઝલ્ટ આવી ગયું. હું પાસ થઈ ગઈ પણ ભાઈ ફરી પાછો નાપાસ થયો. એણે ફરી પરીક્ષા આપવાની ના પાડી. પણ પપ્પાએ કહ્યું કે દસમું ધોરણ તો પાસ કરવું ...વધુ વાંચો

મેં કોલેજમાં એડમીશન લઈ લીધું. પપ્પાએ કહયું કે અત્યારે અહીંની કોલેજમાં એડમીશન લઈ લે બીજા વર્ષે માઈક્રોબાયોલોજીની કોલેજમાં એડમીશન લેશું કારણ કે પહેલું વર્ષ બધે સરખું હોય છે અને માઇક્રોબાયોલોજી ની કોલેજ બીજા શહેરમાં હતી. કોલેજ શરૂ થઈ ગઈ. હું કોલેજ જતી પણ મારી આંખો હંમેશા એમને શોધતી. પણ એ ન દેખાતા. પછી થયું કે કદાચ હવે એ અહીં ન પણ આવતા હોય. ને પછી હું ભણવામાં વ્યસ્ત થઈ ગઈ. ભાઈ કંઈ કરતો ન હતો એટલે પપ્પાએ એને નોકરીએ લગાડી લીધો. બેન પણ શ્રીમંત કરીને ઘરે આવી હતી. ભાઈ રોજ સવારે શેરીના એના મિત્રો સાથે પુલ પર ચાલવા જતો ...વધુ વાંચો

સાંજ પડી. ભાઈ રોજ આવે એ સમયે ઘરે આવ્યો. મમ્મીને રડતી જોઈ પૂછ્યું શું થયું ? પપ્પાએ કહ્યું તું હતો ? ભાઈએ કહ્યું નોકરી પર હતો. પપ્પાએ કહ્યું પેલા ભાઈનો ફોન હતો. તું ચાર પાંચ દિવસથી નોકરી પર નથી જતો એમ કહ્યું તું ક્યાં હતો ? તો ભાઈએ એકદમ નફ્ફટાઈથી કહ્યું હા, મારે આ નોકરી નથી કરવી. હું તો આખો દિવસ બગીચામાં બેસી રહેતો હતો. આ સાંભળીને બધા અવાક થઇ ગયા. આખો દિવસ બગીચામાં બેસી રહે ને કોઈ કંઈ ભોળવીને એને લઈ જતે તો ? મમ્મી તો વધારે રડવા માંડી. ને કહેવા લાગી કે સારુ તારે ના જવું હોય ...વધુ વાંચો

મને ચિંતા થવા લાગી. નવરાત્રિ ન ઉજવાશે તો હું એમને જોઈશ કેવી રીતે ? હવે તો એ કોલેજ પર નથી આવતા. મને જાણે ડ૨ લાગ્યો એમને ખોવાનો. મને ત્યારે ખબર ન પડતી હતી કે મારી આ લાગણીને જ પ્રેમ કહેવાય. બસ એટલી જ ખબર હતી કે એમને જોઉં ને મારા દિલમાં કંઈક અલગ જ ખુશી થાય. કોઈ વખત નહીં પણ આ વર્ષે મારા કાકીના પિયરમાં પણ માતાજીની માટલી મુકાઈ હતી. કાકીનું પિયર પણ અમારી શેરીમાં જ હતું. એ વર્ષે દર્શેરાની બે તિથિ હતી. પહેલી તિથિએ અમે મામાના ઘરે ગયા હતા. એ વર્ષે ખરેખર મામાને ત્યાં નવરાત્રિની ઉજવણી ન થઈ. ...વધુ વાંચો

એક દિવસ મારી બહેનપણીએ મને પૂછી જ લીધું કે સાચું બોલ શું વાત છે ? તું આમ વારે વારે કેમ છે ? મેં એની વાતનો કોઈ જવાબ ન આપ્યો. બસ એટલું જ કહ્યું કે મારું માથું દુખે છે ઉતરતું જ નથી. આજે દવા લઈ આવા સારું થઇ જશે. હું એને શું કહેતે ? એને સાચી હકીકત કહેતે ને કદાચ એ કોઈ દિવસ મારા ઘરમાં કોઈને કહી દે તો ? અને એેટલે જ મેં એને કંઈ ના કહ્યું. ને હવે મને લાગ્યું કે મારે મારી જાતને સંભાળવી પડશે નહીંતર ઘરમાં પણ કોઈને શંકા જશે. મેં મારી જાતને સંભાળી લીધી. હવે ...વધુ વાંચો

આમ ને આમ રાતે રડતા રડતા દિવસ વીતતા હતા. કોલેજમાં ઈન્ટરનલ પરીક્ષા આવી ગઈ. મારાથી કોઈ મહેનત જ ન હું નાપાસ થઈ. પપ્પાએ પૂછયું કે કેમ આવું થયું ? પણ હું જવાબ ન આપી શકી. પછી વિચાર આવ્યો જેના માટે મેં એમનાથી અંતર બનાવી રાખ્યું હતું એ મારું ભણવાનું જ હું ભૂલી રહી છું. એમને તો ગુમાવી ચૂકી પણ ભણવાનું છૂટે એ બિલકુલ ન ચાલે. મારે તો પપ્પા માટે ભણવાનું છે. કંઈક કરવાનું છે અને એટલે તો એમના વિશે કોઈને ક્યારેય વાત નથી કરી પછી એ છૂટી જાય એ કેમ ચાલે ? અને મેં મહેનત કરવાનું શરૂ કરી દીધું. ...વધુ વાંચો

મારી બહેનપણીએ મારી સામે જોયા જ કર્યુ. મારી આંખોમાં આંસુ આવી ગયા ને મેં એનાથી મોં ફેરવી લીધું. એટલે જ એણે મને પૂછયું સાચું બોલ વાત શું છે ? ને મેં એને બધી જ વાત કરી. એને પણ સમજાયું કે ન કહેવાથી શું થઈ શકે છે ? છતાં એણે એને જે છોકરો ગમતો હતો એને કહેવાની હિંમત તો કરી જ નહીં. એણે મને કહ્યું કે આ તો ઉંમરનું આકર્ષણ હોય શકે છે. સમય જતાં તું પણ ભૂલી જઈશ એને. એની વાત સાંભળીને મને પણ લાગ્યું કે હા વાત તો સાચી છે. કદાચ આકર્ષણ જ હશે. ભૂલી જઈશ એને. સમય ...વધુ વાંચો

મને કંઈ સમજાતું જ ન હતું. બસ એમની યાદ આવતી હતી અને આંખમાં આંસુ આવતા હતા. પણ હું એને મારા ભણવા પર ધ્યાન આપવા માંડતી. નવરાત્રિ આવી ને ગઈ. હું એમને જોવા ન ગઈ. દશેરાની રાત એમને જોયા વિના વિતી ગઈ. રાતે આંખો રડતી ને દિવસે મન રડતું. પણ ઘરમાં કોઈને કંઈ પણ શંકા જાય એવું હું કરતી નહીં. દિવાળી પણ આવી ગઈ. મામા ફરી મને ઘરે રહેવા લઈ જવા આવ્યા. હું ન ગઈ. મામાએ પૂછ્યું પણ ખરું કે કંઈ થયું છે તું આવતી જ નથી ઘરે પણ મેં વાત ટાળી દીધી. મેં ફક્ત ભણવા પર ધ્યાન આપવા માંડ્યુ. ...વધુ વાંચો

મારી નોકરી ચાલુ હતી. ભાઈ ઘરે જ હતો. મેં પપ્પાને કહ્યું ભાઈને કોમ્પ્યુટર કલાસમાં મૂકી દો. કદાચ કોઈ સારી મળી જાય એને. પપ્પાએ ભાઈને પૂછયું તું કોમ્પ્યુટર કોર્ષ કરીશ ? ભાઈએ હા પાડી. એટલે પપ્પાએ ભાઈને પણ કોમ્પ્યુટર કલાસમાં મૂકી દીધો. મારો અને એનો સમય જુદો હતો. હું સવારે જતી હતી એનો સમય બપોરનો હતો. પણ તે ત્યાં પણ સરખું જતો ન હતો. કોઈ દિવસ જાય કોઈ દિવસ ન પણ જાય. આમ જ દિવસ પસાર થતાં હતા. મમ્મીએ પપ્પાને મારા માટે છોકરો શોધવાનું કહ્યું. પણ પપ્પાએ કહ્યું કે હજી વાર છે પછી શોધીશું. આમ પણ હું લગ્ન માટે તૈયાર ...વધુ વાંચો

મને હજી પણ એમ જ હતું કે પપ્પા અત્યારે મારા લગ્ન માટે ઉતાવળ નહીં કરે કારણ કે હજી ભાઈ નોકરી નથી કરતો. મમ્મીએ મામાને પણ કહ્યું કે મેં તારા બનેવીને કહ્યું છે કે હવે આના માટે છોકરો જોવાનું શરૂ કરે તો તરત જ મામાએ મમ્મીને કહ્યું મોટીબેન તમે બનેવીને કહેજો કે સારો છોકરો જુએ આ તો તમે જ્યાં કહેશો ત્યાં કરી દેશે એને ગમે છે કે નથી ગમતું કંઈ જ નહીં કહે એટલે સમજી વિચારીને છોકરો જોજો. મામાની વાત સાંભળીને મને વિચાર આવ્યો કે મામા આટલું સારી રીતે મને ઓળખે છે કે પછી મામાને ખબર હશે કે મને એમના ...વધુ વાંચો

મારી વાત સાંભળીને પપ્પાએ કહયું કે ના મેં વાત નથી કરી. એટલે મેં એમને કહ્યું કે તો પછી વાત અને પછી આ વાતને આગળ વધારજો. પપ્પાએ કહ્યું હું મારા મિત્રને કહીશ. તમે ફરી એક વાર મળજો અને ત્યારે તું વાત કરી દેજે. આ પહેલી વખત હતું કે પપ્પાએ કોઈ વાત જાતે ન કરીને મારી પાસે કહેવડાવી હોય. (પણ મને અત્યારે એટલે કે મારા પચાસ વર્ષ પૂરા થયા ત્યારે ખબર પડી કે પપ્પા હકીકતનો સામનો જાતે કરતા ન હતા ને મારી પાસે કરાવતા હતા, બધું બરાબર થઈ જાય પછી નિરાંતે બેસી જતા). મેં હા પાડી. મને એક એવી આાશા હતી ...વધુ વાંચો

મામાએ મમ્મીને એમ પણ કહ્યું કે શહેરમાં પણ તો એના માટે છોકરો મળશે જ ને ગામમાં કેમ લગ્ન કરાવવા ? પણ મમ્મી પણ પપ્પા જે કહે તે જ કરતી એટલે એણે પણ કોઈ વાંધો ન ઉઠાવ્યો. મામાએ મને કહ્યું કે તું ના પાડ. ગામમાં કેમ લગ્ન કરવા છે ? પણ મને વિચાર આવેલો કે તમે મારા પગ પર ડાઘા જોયા પછી પણ તૈયારી બતાવી છે મતલબ તમે સારા જ છો. અને પપ્પાએ બધું જોઈને પછી જ વાત આગળ ચલાવી હોય એટલે ના પાડવાનું કોઈ કારણ મારા તરફથી હતું જ નહીં. એટલે મામાએ હારી થાકીને વાત પડતી મૂકી. તમે ઘરે ...વધુ વાંચો

હું આખા રસ્તે વિચારતી હતી કે તમને ડર લાગે છે કે હું તમને તમારા માતા પિતાથી અલગ કરી દઈશ. જ એ સિવાય બીજી કોઈ વાત ન કરી. આપણે ગામ તમારા ઘરે પહોંચ્યા. તમારા ઘરે તો તમારા માતા પિતા સિવાય કુટુંબીઓ અને આખા ફળિયાના લોકો હતા. હું તો જોઈને નવાઈ પામી કે આ બધું શું છે ? પછી તમે કહ્યું કે અહીં તો આવું જ ચાલે. કોઈ એક ઘરની ખુશી હોય તો બધા જ એમાં સામેલ હોય. મને એમાં કંઈ વાંધો ન હતો પણ જતા પહેલાં તમે એકવાર કહ્યું હોત કે આવું હશે તો મને આવો આંચકો ન લાગતે. ઘરમાં ...વધુ વાંચો

પપ્પાને રડતા જોઈને મને કંઈક ભાન આવ્યું. મેં એમને પૂછ્યું તમે કેમ રડો છો ? શું થયું ? પપ્પાએ કહ્યું તું લગ્ન માટે કેમ ના પાડે છે ? તું જાણે છે કે તારો ભાઈ કંઈ કરતો નથી તો આગળ જતાં એ ક્યાંથી અમને સાચવશે? તું લગ્ન કરીશ તો આગળ જતાં તું અમને સાચવી શકીશ. આ છોકરો સારો છે. કંપનમાં નોકરી છે. જમીન છે અને ઓળખાણમાં જ છે એટલે ભવિષ્યમાં વાંધો ન આવે. વળી, તમારી બેનના સસરા એટલે કે મારા પપ્પાના મિત્રએ એમને કહ્યું હતું કે તેઓ મને સરકારી નોકરી અપાવવામાં મદદ કરશે. એટલે પપ્પાએ કહ્યું તું લગ્ન કરી લે ...વધુ વાંચો

બીજા દિવસે તમે મને ઘરે મૂકી ગયા. મમ્મીએ પપ્પાએ બધાએ પૂછયું કે કેવું લાગ્યું ત્યાં ? બધા સારા છે મેં એમને કહી દીધું કે તમારા ગયા પછી મને આવું બધું કહ્યું તમારા મમ્મીએ. તો પપ્પા કહે એ તો એમ જ વાત કરી હશે કે અમારી દિકરીને અમે આટલું આપ્યું હતું. આપણી પાસે એમની કોઈ માગણી નથી. મેં પણ પપ્પાએ કહ્યું એટલે માની લીધું કે એવું જ હશે. ફરી મારી નોકરી શરૂ થઈ ગઈ. ભાઈ પણ કોઈક જગ્યાએ જતો હતો. પણ એટલામાં મેં FM Radio માં અરજી કરી ઈન્ટરવ્યુ આપ્યો હતો ત્યાંથી કોલ લેટર આવી ગયો. પણ મારે અમદાવાદ જવાનું ...વધુ વાંચો

હું ઘરમાં કંઈ બોલતી ન હતી. મને હવે ડર લાગતો હતો કે તમે લગ્ન ની ના ન પાડી દો એટલામાં આપણા લગ્નની તારીખ નક્કી થઈ ગઈ. મને થોડી હાશ થઇ. તમે મળવા આવેલા તમારી રજાના દિવસે. એટલે મને શાંતિ થઈ કે હવે તમે લગ્ન માટે ના ન પાડો. લગ્નની તારીખ નક્કી થઈ એટલે લગ્નની ખરીદી પણ શરૂ થઈ ગઈ. તમારા ઘરેથી એક દિવસ મમ્મી, બેન ને કાકી આવ્યા હતા મારા માટે સાડી લેવા. મને પણ બોલાવેલી પસંદ કરવા. આ વખતે પણ એવું જ થયું. મેં જે પસંદ કરી તે ન લીધી અને બેને જે નક્કી કરી મારા માટે તે ...વધુ વાંચો

એ ગરબાની રાત મને ખૂબ લાંબી લાગી. કારણ કે છેલ્લા ચાર વર્ષથી મેં ગરબા રમવાનું છોડી દીધું હતું. મને જૂની વાતો એ રાતે ફરી યાદ આવી ગઈ. બીજા દિવસે હું ઘરે આવી ગઈ. મને કંઈ ગમતું ન હતું. હું ફરી જાણે ચાર વર્ષ પહેલાના દિવસોમાં જીવી રહી હતી. પણ હું વધારે એ રીતે રહી શકું એમ ન હતું. અને ફરી હું વર્તમાનમાં આવી ગઈ. થોડા દિવસમાં તમારો જન્મ દિવસ આવ્યો. મારા ઘરેથી તમને ભેટ તરીકે બ્રેસલેટ આપ્યું હતું. તમે મને ફરી એ દિવસે તમારા ઘરે લઇ ગયા. ત્યાંથી આવતા રસ્તામાં તમે મને એક ખેતરમાં લઈ ગયા અને ફરીથી ત્યાં ...વધુ વાંચો

એ દિવસથી તમારા બેન બનેવી પણ તમારા ઘરે રહેવા આવી જવાના હતા. એ દિવસે સાંજે તમે મને ફોન કર્યો કે આપણે લગ્ન પછી ક્યાં ફરવા જઈશું ? હજી હું કંઈ કહું તે પહેલાં જ તમે કહ્યું કે બનેવી કહે છે કે મહાબળેશ્વર જઈશું અને એમ પણ કહ્યું કે આપણી સાથે બેન બનેવી પણ આવશે અને બાજુમાં તમારી જ ઉંમરના કુટુંબી કાકા છે જેના અત્યારે જ લગ્ન થયા છે તે પણ આવશે. દર વખતની જેમ મેં તમે જે કહ્યું તે માની લીધું. આ બાજુ મારા કાકા એ પપ્પાને કહ્યું કે જો તમે સામેવાળાને લગ્નમાં બોલાવવાના હશો તો એ લોકો લગ્નમાં ...વધુ વાંચો

મેં રડવાનું બંધ કરી દીધું. થોડી વારમાં જાન પણ આવી ગઈ ને બધા જાન આવકારવા ચાલ્યા ગયા. મારી પાસે દાદી હતા. પણ વાડીમાં જાણે નીચેથી કોઈના લડવાનો અવાજ આવતો હતો પણ કંઈ ખબર પડતી ન હતી. થોડીવારમાં મારા કાકાની છોકરી આવી મારી પાસે મેં એને પૂછ્યું શું થયું કેમ નીચેથી ખૂબ અવાજ આવતો હતો તો એણે કહ્યું કે જાન તો આવી ગઈ પણ તમારા એક કાકા ને વ્યવસ્થા અધૂરી લાગી એટલે થોડી બોલાચાલી થઈ ગઈ. આ વાત જાણીને હું ફરી રડવા લાગી. મને મારા પપ્પાની ફિકર થતી હતી. આગલા દિવસે જ એમના ધબકારા અને પ્રેશર વધી ગયા હતા. લગ્ન ...વધુ વાંચો

આપણે ઘરે આવી ગયા. ઘરે આવીને જે વિધિ હોય તે પતાવી અને પછી સૂવાની તૈયારી કરી. પણ આપણા ઘરે તમારા માસી માસાજી, બેન બનેવી રોકાયલા હતા એટલે આગળના રુમમાં બેન બનેવીને પથારી કરી આપી અને વચ્ચેના રુમમાં આપણે, મમ્મી પપ્પા અને માસી માસાજી બધા સાથે સૂઇ ગયા. મને થયું કે મને તો એમ કહ્યું હતું કે ઉપરનો રુમ તૈયાર કરાવવાનો છે તો એ કેમ હજી સુધી નથી થયો. મારાથી તો પૂછાયું પણ નહીં. પણ આવી રીતે બધાની સાથે સૂવામાં જરા સંકોચ થયો. એક તો સાડી પહેરીને સૂવાનું. ફાવે પણ નહીં. એવું લાગ્યું જાણે આખી રાત જાગતી જ રહી. બીજા ...વધુ વાંચો

બધા ઘરે ગયા પછી આપણે ફરવા ગયેલા તે કપડા ધોઈને ઈસ્ત્રી કરીને કબાટમાં મૂકવા મેં કબાટ ખોલ્યો તો કબાટ જે રીતે ગોઠવીને ગયેલી એ રીતે ન હતો. છતાં હું કંઈ બોલી નહીં ને મેં આપણા કપડાં અંદર ગોઠવી દીધા. ને એટલામાં મમ્મી બોલ્યા કે આપણી બે ચાદર મળતી ન હતી તે મને એમ થયું કે કદાચ તમારા કબાટમાં મૂકાઇ ગઈ હશે એટલે મેં તમારો કબાટ ખોલ્યો હતો પણ મારાથી એ ન ખૂલેલો એટલે સામેવાળા બેનને બોલાવીને ખોલાવેલો. પણ પછી એ ચાદર તો મારા જ કબાટમાંથી મળી. તમે કહ્યું કંઈ વાંધો નહીં. પણ મને જરા ખટક્યું. કે કબાટમાં દરેક વસ્તુ ...વધુ વાંચો

તમે મને પૂછયું તારો પગાર આવી ગયો ? મેં ના પાડી કે એક બે દિવસમાં આવશે. એટલે તમે મને કે પગાર આવે એટલે સીધો મમ્મીના હાથમાં આપી દેજે. મને સમજાયું નહીં કે તમે કેમ આમ કહ્યું ? પછી તમે મને કહ્યું કે તને જ્યારે જોઈએ ત્યારે મમ્મી પાસે પૈસા માગી લેજે ના નહીં પાડે. હું તો મારા પિયર હતી ત્યારે પણ મારો પગાર પપ્પાને જ આપી દેતી. એટલે અહીં પણ હું એમને આપી જ દેતે પણ તમારે મને આ કહેવાની જરૂર કેમ પડી એ ન સમજાયું. બે ત્રણ દિવસમાં મારો પગાર આવ્યો અને મેં આવીને મમ્મીને આપી દીધો. મમ્મીએ ...વધુ વાંચો

એ સમયે મારા પપ્પાના એક શેઠ જે આપણા લગ્ન વખતે બહારગામ હતા એ આવ્યા અને એમણે પપ્પાને કન્યાદાનનું કવર પપ્પાએ મને પૂછયું કે આ પૈસાનું તને શું અપાવું ? જે જોઈએ તે કહી દેજે તારા ઘરે પૂછીને. મને તો ત્યારે જ ઈચ્છા થઇ ગઈ હતી કે એમને કહી દઉં કે પંખો અપાવી દો પણ એકવાર તમને પૂછવું પડે ને એેટલે મેં કઈ ના કહ્યું. ઘરે આવીને મેં વાત કરી તો તરત જ મમ્મીએ કહી દીધું કે તારા પપ્પાને કહી દેજે કે આપણે ત્યાં જ્યુસ મશીન નથી તો એ લઈ આપે. મેં તમારી સામે જોયું પણ તમે તો કંઈ બોલ્યા ...વધુ વાંચો

બળેવના બીજા દિવસે મેં તમને કહ્યું કે અત્યારે કંઈ વાંધો નથી આવતો પણ બેનની ડિલિવરી નજીક છે અને ડિલિવરી એ અહીં રહેવા આવશે ત્યારે શું કરીશું? શું ત્યારે આપણે મમ્મી પપ્પા સાથે એક રુમમાં સૂઈ જશું ? જેમ લગ્ન કરીને આવી ત્યારે સૂઈ ગયેલાં ? તમને કંઈ શરમ ન આવે પણ મને તો આવેને ? કંઈ તો વિચાર કરો. તો તમે કહ્યું કે પણ હું શું કરું ? આપણી પાસે પંખો લાવવા માટે પૈસા જ નથી ને મેં તમને કહ્યું હતું કે મારા બળેવના પૈસા છે તેમાંથી આપણે પંખો લઈ આવીએ. ને તમે માની ગયેલાં. ને તમે મને ઓફિસ ...વધુ વાંચો

ઘરે આવ્યા પછી મમ્મીએ કહ્યું બેન માટે મેથીના લાડુ બનાવવાના છે તો તમે સામાન લઈ આવો. આપણે સામાન લેવા ગયા અને મેં રસ્તામાં તમને કહ્યું કે આપણે શહેરમાં જતાં જ છીએે તો મારા ગળાના દુખાવા માટે દવા લેતા જઈએ. બનવા સંજોગ એવું થયું કે સામાન લેવામાં વાર લાગી અને દવા લેવામાં પણ વાર લાગી. એટલે ઘરે પહોંચતા અંધારું થઈ ગયું. આમ પણ આપણે બપોર પછી નીકળ્યા હતા એટલે સાંજ પડવી સ્વાભાવિક હતી પણ જરા વધારે મોડું થઈ ગયું. આપણે ઘરે પહોંચ્યા ને જોયું કે માસી માસાજી રહેવા આવ્યા છે. આપણે હજી એમને ખબર અંતર પૂછીએ એ પહેલાં તો મમ્મીએ ...વધુ વાંચો

એક દિવસ હું મારા ઘરે ગઈ હતી. ત્યાં પપ્પાએ મને અચાનક જ પૂછ્યું કે તું ખુશ છે ને સાસરામાં મેં હા પાડી. કે હા હું ખુશ છું. કોઈ તકલીફ નથી. તો પપ્પાએ કહ્યું તારા સાસુ મને મંદિરમાં મળ્યા હતા. એમણે કહ્યું કે તમારી છોકરી રોજ રડે છે એને લઈ જાવ તમારા ઘરે. તમને ખબર હશે કે મમ્મી મહિનામાં એકવાર વહેલી સવારે શહેર જતા અને માર્કેટમાંથી જરૂરી સામાન લઈ આવતા અને સાથે એ મંદિરે પણ જતાં જ્યાં પપ્પા વર્ષોથી રોજ સવારે જાય. એમ જ એક દિવસ મમ્મી પપ્પાને મળી ગયા હશે ને આવી વાત કરી. મેં પપ્પાને કહ્યું કે ના ...વધુ વાંચો

પછી તમારી વર્ષગાંઠ આવતી હતી મેં તમને કહ્યું હતું કે આપણે એ દિવસે બહાર જમવા જઈશું. પણ તમે કહ્યું ના મમ્મી પપ્પા ઘરે હોય આપણાથી ન જવાય. મેં માની લીધું. પછી દિવાળી આવી. મોટેભાગે અમારા ઘરે એવું થતું કે દર દિવાળીએ પપ્પા બધા માટે નવા કપડા લાવતા. પણ અહીં તો મેં એવું કંઈ જોયું જ નહીં. પણ મમ્મીએ એમ કહ્યું કે આ વખતે બેનની ડિલિવરી નો ખર્ચો કર્યો એટલે દિવાળીમાં નવા કપડા ન લઈશું તો ચાલશે. જે છે તે પહેરી લઈશું. મારી પાસે તો હા કહેવા સિવાય છૂટકો જ ન હતો. અને દિવાળી ચાલી ગઈ. હું મારા ઘરે રહેવા ...વધુ વાંચો

રાતની મેચ હતી. આઠ વાગ્યે ચાલુ થયેલી. બનેવી મેચ જીતી ગયા હતા. એેટલે તેઓ એમના ઘરે જતા પહેલા આપણા આવ્યા. ઘરે મમ્મી પપ્પાને મળીને એ નીકળી ગયા. પપ્પા ખૂબ ખુશ હતા કે મારા જમાઈ આપણા ગામમાં આવીને ફાઈનલ મેચ જીતી ગયા. આ બધું પૂરું થતા લગભગ બે વાગી ગયા. બીજા દિવસે તમારે સવારે વહેલા નોકરીએ જવાનું હતું એટલે લગભગ સાડાચાર વાગ્યે તો આપણે ઊઠી પણ ગયા. તમે નોકરીએ ગયા પછી હું ફરી સૂઈ ગઈ કારણ કે મારે એ દિવસે સરકારી નોકરી માટેની પરીક્ષા આપવા જવાનું હતું. પણ એકાદ કલાકમાં જ મમ્મીએ બૂમ પાડી કે જલ્દી નીચે આવ પપ્પાને કંઈ ...વધુ વાંચો

મેં મમ્મીને કહ્યું કે આજે મારી નોકરીનો છેલ્લો દિવસ હતો. મારી ઓફિસ બંધ થઈ ગઈ છે. એ દિવસે તમારી બપોરની ડ્યુટી હતી એટલે તમે રાતે ૧૦.૩૦ વાગ્યે ઘરે આવે. ત્યારે આપણા ઘરે ફોન તો હતો નહીં અને એ જમાનામાં મોબાઈલ નું તો હજુ નામ નિશાન પણ ન હતું. એટલે મારી નોકરી વિશે તમને કહેવા માટે મારે રાત્રે તમે ઘરે આવો ત્યાં સુધી રાહ જોવાની હતી. પણ મમ્મીને તો પગાર આપ્યો એટલે કહેવું જ પડ્યું કે હવે મારી ઓફિસ બંધ થઈ ગઈ છે. આ સાંભળીને મમ્મી ત્યારે તો કંઈ પણ ન બોલ્યા પરંતુ પછી બહાર ઓટલા પર બેસીને એટલું બધું ...વધુ વાંચો

એ ભાઈ ઘરે આવ્યા. એટલે સ્વાભાવિક રીતે ચા નાસ્તો કરાવવો પડે. તમે પણ ઘરે હતા. પણ તમે એમની સાથે રીતે વાત પણ ન કરી. ઉલ્ટાનું એમના ગયા પછી તમે મને એમ કહી દીધું કે આમ કોઈ આપણા ઘરે આવવું ન જોઈએ. જે ધંધા કરવા હોય તે બહાર કરવાન ઘરમાં નહીં લાવવાના. તમે જે આ શબ્દો બોલેલા એના પડઘા આજે વર્ષો પછી પણ મારા કાનમાં એમ જ છે. તમે જે બોલ્યા એનો અર્થ સીધો મારા ચારિત્ર્ય પર શંકાનો હતો. મેં તમને પૂછયું કે તમે જે આ બોલ્યા તેનો અર્થ ખબર છે તમને ? તમે એમ કહેવા માગો છો કે હું ...વધુ વાંચો

મમ્મીએ દવાખાના માટે પૈસા પણ ગણીને જ આપ્યા હતા. મોટે ભાગે આપણે અમારા ફેમિલિ ડોકટર પાસે જતા એટલે વધારે થતા ન હતા. આપણે અમારા ફેમિલિ ડોકટરને ત્યાં ગયા. એમણે એમ કહ્યું કે તમે થાઈરોઈડ વાળા ડોકટરને એકવાર મળી આવો. આપણે ત્યાંથી એ ડોકટરને મળવા ગયા. એમણે અમુક રિપોર્ટ કરાવવા માટે કહ્યું. પણ આપણી પાસે વધારે પૈસા ન હતા. એટલે આપણે મારા ઘરે ગયા. મેં મમ્મીને કહ્યું કે અમે તો ખાલી બતાવવા આવેલા પણ ડોકટરે રિપોર્ટ કરવા કહ્યું છે ને અમે વધારે પૈસા નથી લાવ્યા. અત્યારે તું પૈસા આપ પછી હું ફરી આવીશ ત્યારે આપી જવા. ને આપણે રિપોર્ટ કરાવ્યા. ...વધુ વાંચો

આપણે ઘરે ગયા. મમ્મીએ પૂછયું કેમ આટલું બધું મોડું થયું ? આપણે મમ્મીને શાંતિથી બધી વાત કરી. વાત સાંભળીને ખુશ થઇ ગયા. તમે મમ્મીને કહ્યું કે આજે જે ગાયનેક ડોકટરને બતાવીને આવ્યા છેલ્લે સુધી એમની જ દવા ચાલુ રાખવી એમ થાઇરોઇડ વાળા ડોકટરે કહ્યું છે. મમ્મીએ તરત જ કહ્યું કંઈ વાંધો નહીં. પણ દવા બરાબર કરવાની. એમાં જરા પણ ચૂક થવી ન જોઈએ. હકીકતમાં એવું હતું કે આપણા પહેલાં આપણા કુટુંબમાં છેલ્લા ત્રણ કાકાના લગ્ન થયા હતા પણ એ ત્રણેયને ત્યાં વર્ષો વીતી ગયા પછી પણ કોઈ સંતાન ન હતું. એટલે ક્યાંક ને ક્યાંક આપણા સૌના મનમાં એવો ડર ...વધુ વાંચો

સીમંત કરવાનો સમય નજીક આવતા મારા મમ્મીએ પૂછાવ્યું હતું કે શું વ્યવહાર કરવાનો હોય. કારણ કે અમારે ત્યાં કોઈ પ્રસંગ આવ્યા ન હતા ને કોઈ એવું સગું પણ ન હતું જે મમ્મીને આ વિશે કોઈ માહિતી આપી શકે. પણ આપણે ત્યાંથી મમ્મીએ પણ કંઈ બરાબર જવાબ આપ્યો ન હતો. હું જ્યારે મારા ઘરે ગઈ ત્યારે મમ્મીએ પૂછયું પણ ખરું કે તને કંઈ કહ્યું કે શું વ્યવહાર કરવાનો હોય તો મેં ના પાડી કે મને કંઈ કહ્યું નથી. પછી મમ્મીએ મામાના ઘરે પૂછાવી જોયું કે સીમંતમાં શું વ્યવહાર કરવાનો હોય અને તે પ્રમાણે પછી બધી તૈયારી કરી. સીમંતની વિધિ પૂરી ...વધુ વાંચો

મમ્મીની વાત સાંભળીને મને આશ્ચર્ય થયું. કે મારા જીવનમાં આટલી મોટી તકલીફ આવી હતી ને મને કંઈ ખબર જ પડી. મમ્મી, પપ્પા કે ડોકટરે કોઈએ પણ મને મારા માતૃત્વની અનિશ્ચતતા વિશે કંઈ ખબર જ ન પડવા દીધી. પણ હું ખુશ હતી. આ બધી તકલીફો છતાં હું મા બનવાની હતી. હવે હું ભગવાનને પ્રાર્થના કરતી હતી કે બધું સારું થઇ જાય. હું હેમખેમ મારા સંતાનને જન્મ આપું અને આપણો સંસાર સારી રીતે આગળ વધે. હવે હું વિચારતી કે આવનાર સંતાનને હું ક્યારેય કોઈ તકલીફ ન પડવા દઈશ. હું આ સમયે મારા ઘરે હતી. ને તમે એકવાર મને મળવા આવ્યા હતા. ...વધુ વાંચો

મને દુખાવો ઉપડતા તરત જ જીજાજીને બોલાવ્યા અને એમની રિક્ષામાં અમે હોસ્પિટલ ગયા. ડોકટરે કહ્યું ડિલિવરીનો દુખાવો છે પણ વાર લાગશે. કદાચ કાલ સવાર પણ થઈ જાય. ડોકટરે કહ્યું કે અહીં રોકાવાનો અર્થ નથી ઘરે જાવ અને જ્યારે એમ લાગે કે હવે દુખાવો સહન થાય એવો નથી ત્યારે આવી જજો. એટલે અમે પાછા ઘરે આવી ગયા. મમ્મીએ જલ્દીથી ઘરના બધા કામ પતાવી દીધા. મમ્મી સાંજે એકલા જ મંદિરે જઈ આવ્યા. સાંજનું બધાનું જમવાનું પતાવીને પરવારતા મમ્મીને લગભગ રાતના નવ વાગી ગયા. હું આમ તો ઘરમાં હરતી ફરતી જ હતી. બસ દુખાવો થતો હતો. મમ્મીએ કહ્યું કે તમારો ફોન આવે ...વધુ વાંચો

આ એ સમયગાળો હતો જ્યારે મને મારો ભૂતકાળ બિલકુલ યાદ ન હતો. જ્યારથી મને હું મા બનવાની છું એ પડી હતી ત્યારથી જાણે મારી દુનિયા આપણા સંતાનની આસપાસ ફરતી હતી. બસ, દિકરાના જન્મતાની સાથે મને ફક્ત આપણો સુખી સંસાર દેખાતો હતો. આમ તો જ્યારથી આપણા લગ્ન નક્કી થયા ત્યારથી મેં કોઈ દિવસ ભૂતકાળ યાદ કર્યો જ ન હતો કે ન મને ક્યારેય યાદ આવ્યો હતો. પણ જ્યારે આપણા દિકરાનો જન્મ થયો ત્યારે મને સતત એક વિચાર આવતો હતો કે મારા જીવનની આ સૌથી મોટી ખુશી હું એમની સાથે વહેંચું. મારે મારી ખુશી ની વાત એમને કરવી હતી કેમ ખબર ...વધુ વાંચો

મમ્મીનો જવાબ સાંભળીને મેં મારી મમ્મીને કહ્યું કે તને જે યોગ્ય લાગે તે કરજે એમણે કંઈ કહ્યું નથી. દિકરાને આવવાના હતા એના આગલા દિવસે ઘરમાં મમ્મી પપ્પા બેન બનેવી બધા ખૂબ જ તૈયારી કરતા હતા. એ સમયે મારા કાકીએ મમ્મી ને બિલકુલ મદદ ન કરાવી. જ્યારે એમની દિકરીના લગ્નના સમયે મારી મમ્મીએ એમના બધા જ કામ ઉપાડી લીધા હતા અને કહ્યું હતું કે ઘરમાં હું જોઈ લઈશ તું બહારના કામ પતાવ. દિકરાને રમાડવા આવવાના હતા તે એમની દિકરીને પણ કહ્યું હતું કે તું પણ આવજે થોડી મદદ રહેશે પણ એણે કહ્યું કે અત્યારે એનાથી ના અવાશે. પછી આવી જશે. ...વધુ વાંચો

જે પણ હોય આપણા દિકરાના નામ કરણનો પ્રસંગ સારી રીતે પતી ગયો. એકાદ અઠવાડિયા પછી મમ્મી પણ બા અને સાથે આવીને દિકરાને રમાડી ગયા હતા. એમને પણ મારા ઘરેથી જે વ્યવહાર કરવાનો હોય તે કર્યો હતો. એ લોકો પણ મારા ઘરેથી ખુશ થઈને જ ગયા હતા. દિવસો પસાર થતા હતા. દિકરો લગભગ એક મહિનાનો થયો ત્યારે મમ્મી ના પિયરના ગામમાં કોઈકના લગ્ન હતા. ત્રણ દિવસનો કાર્યક્રમ હતો. તમે અને મમ્મી ત્યાં ગયા હતા. તમે બે દિવસ રહીને ત્યાંથી આવી ગયા પણ ત્યારે જ ખબર પડી કે આપણે ત્યાં બાજુમાં કાકી રહે તેમના જમાઈનું મૃત્યુ થયું છે. તમે તો ત્યાં ...વધુ વાંચો

એક દિવસ તમે આવ્યા અને કહ્યું કે સ્કૂટર બરાબર ચાલતું નથી ફરી પાછો ખર્ચો કરવો પડશે. મમ્મીએ કહ્યું છે તારી પાસે દીકરાના નામ કરણના જે પૈસા આવ્યા હોય તે અત્યારે મને આપ પછી મમ્મી આપી દેશે તને. મેં એ વખતે વધારે વિચાર્યું પણ નહીં કારણ કે તમે સ્કૂટરને કારણે હેરાન થતા હતા એટલે જે પણ રૂપિયા હતા એ બધા તમને આપી દીધા. તમે ફરી પાછું કહ્યું કે મમ્મી પછી આપી દેશે તને. અને તમે એ પૈસા લઈને ચાલ્યા ગયા હતા. એક દિવસ આપણા ફળિયાના લોકો દિકરાને રમાડવા ઘરે આવ્યા. બધા ખુશ હતા અને એમ કહેતા હતા કે જલ્દીથી દિકરાને ...વધુ વાંચો

હું એક નવા સપના સાથે આપણા ઘરે આવી રહી હતી કે હવે બધું સારું થઈ જશે. આપણા દિકરા સાથેના સુખી સંસારના સપના મારી આંખોમાં હતા. મને એમ લાગતું હતું કે મમ્મીને મારા પ્રત્યે ભલે નારાજગી હશે પણ આપણો દિકરો એમને વ્હાલો જ હશે. કારણ કે મેં મમ્મીને બેનના દિકરા દિકરીને લાડ કરાવતા જોયા છે. એમના માટે અધીરા થતા જોયા છે. તો આપણો દિકરો પણ તો એમને લાડકો જ હશે અને એટલે જ મને એમ હતું કે હવે આપણો સુખી સંસાર શરૂ થશે. અને એ વિચારતાં વિચારતાં ઘર આવી ગયું. અમે ગાડીમાંથી નીચે ઉતર્યા. મમ્મીએ મારા અને દિકરાના ઓવારણા લીધા. ...વધુ વાંચો

મને એમ લાગ્યું કે હું લગ્ન કરીને આવી હતી એ દિવસો ફરી પાછા આવી ગયા. ફરીથી આપણી પોતાની જીંદગી કંઈ ન હતું. આગળના રુમમાં આપણી પથારી, મતલબ ફળિયામાંથી પસાર થનાર દરેકને એ પથારી દેખાય. બારી બારણા તો બધા સૂઈ જાય ત્યાં સુધી બંધ ન કરાય એટલે આવતાં જતાં દરેકને આપણી પથારી દેખાય. મને એટલી બધી શરમ આવતી હતી કે મારી બહાર નીકળીને કોઈ સાથે વાત કરવાની હિંમત જ ન થતી હતી. ને તમે તો આવીને બધું બરાબર હોય એમ સૂઈ ગયા. મને ખબર જ ન પડતી હતી કે આપણે ક્યાં સૂવાનું છે એ મમ્મી કેમ નક્કી કરતા હતા. ને ...વધુ વાંચો

સાંજ થવા આવી. મેં ફ્રીઝમાં જોયું સાંજે કરવા માટે કોઈ શાક હોય તો મૂકી દઉં એમ વિચારીને. પણ એટલામાં મમ્મી આવી ગયા. અને મને કહ્યું કે લે હવે દિકરાને રાખ હું રસોઈ બનાવી દઉં. મેં એમને કહ્યું પણ ખરું કે હું બનાવી દઉં છું તમે દિકરાને રમાડો. પણ એ ન માન્યા. આમ પણ એમના મોઢામાંથી એકવાર જે શબ્દ નીકળી જાય તે કરવું જ પડે. એટલે પરાણે હું દિકરાને લઈને આગળ આવી ગઈ. તમે તો આવીને બહાર ફળિયામાં બેસવા નીકળી ગયેલાં. ને આમ પણ તમને કંઈ કહેવાનો અર્થ હતો જ નહીં. એટલે હું શાંતિથી દિકરાને લઈને બેસી ગઈ. સાંજ થઈ ...વધુ વાંચો

આમ જ ઘરના કંઈ પણ કામ કર્યા વિના મારા દિવસો જતા હતા. બસ, દિકરાને લઈને બેસી રહેવાનું. મમ્મી બધા કરીને પરવારે પછી એકાદ કલાક દિકરાને રમાડવા બહાર ફળિયામાં લઈ જાય. હું અંદરથી રિબાતી હતી. હું કોને કહું ખબર જ પડતી ન હતી. એટલામાં વેકેશન પડ્યું. બેન ઘરે રહેવા આવ્યા. ત્યારે પણ મમ્મીએ મને કંઈ જ કામ ન કરવા દીધું. બેન આવ્યા હતા એટલે એમના સંતાનોને નવડાવી ને તૈયાર કરવાથી લઈને ખવડાવીને સૂવાડવા સુધીનું કામ મમ્મી કરતા હતા. એ બિલકુલ કામમાંથી પરવારતા જ ન હતા. હું કેટલું પણ કહું મને કંઈ જ કામ ન કરવા દેતા. બેન પણ કશું જ ...વધુ વાંચો

ધીરે ધીરે મમ્મી લગભગ રોજ એમ બોલવા માંડ્યા કે હવે ખર્ચો ઓછો કરજો મારી પાસે પૈસા નથી. પણ મેં કોઈ દિવસ એમની પાસે માગ્યા જ ન હતા. પણ મારી પાસે જે દિકરાના પૈસા હતા એ પણ કંઈ ને કંઈ કામ છે હમણાં આપ પછી આપી દેવા એમ કરીને લઈ લીધા હતા. મારા બળેવના પૈસા હતા એ પણ તમે એમ કરીને લઈ લીધા કે મમ્મી પાસે નથી માગવા અત્યારે જ બળેવ ગઈ એટલે ખર્ચો વધારે થયો છે એટલે નોકરીએ જવા માટે સ્કૂટરમાં પેટ્રોલ ભરાવવા આપ પછી આપી દઈશ. મને સમજ જ ન પડતી હતી કે હું પૈસા માગતી નથી તો ...વધુ વાંચો

મમ્મી કંઈ ને કંઈ બહાનું કરીને મને રોજ જ સંભળાવતા કે હવે મારી પાસે પૈસા નથી. હું તો ઘરે હતી. દિકરો આવ્યા પછી તો આપણે કોઈ દિવસ કશે બહાર ફરવા પણ જતા ન હતા. હા દિકરો બિમાર પડે તો એની દવા લેવા જતા હતા અને એના માટે મમ્મી પાસે પૈસા માગતા હતા કારણ કે તમારો પગાર તો તમે મમ્મીને જ આપી દેતા હતા. તમારી પાસે કોઈ પૈસા રાખતા જ ન હતા. ને મારી તો નોકરી હતી નહીં. જ્યારે હતી ત્યારે મેં પણ તો બધા પૈસા મમ્મીને આપી દીધા હતા તો આપણી પાસે પૈસા કેવી રીતે હોય. મેં પપ્પાને મારી ...વધુ વાંચો

પણ મમ્મીએ કહ્યું કે એ તો થઈ જશે. કરવી તો પડશે. પછી હું કંઈ વધારે બોલી નહીં. લગભગ ત્રણ થાય બધી પાપડી કરતાં. લગભગ સવારે ચાર વાગ્યાથી શરૂ કરીએ બપોરે બે તો વાગી જ જાય. અને સાથે ઘરના કામ તો ખરા જ. બેન તો પાપડી વણીને સૂઈ જાય. પણ પછી બાકીનું બધું કામ મારે કરવું પડતું. મમ્મી ઘરના બીજા કામ કરતાં. પણ પાપડી લેવાનું ભરવાનું બધું સાફ સફાઈ કરવાનું મારે કરવું પડતું. દિકરો નાનો, ભાણિયો નાનો. એ બંનેને ખવડાવવાના સૂવાડવાના, સાચવવાના બધું જ મારે જોવું પડતું. બેન એમના દિકરાને જ નહીં સાચવતા તો આપણા દિકરાને તો સાચવવાના જ ક્યાંથી. ...વધુ વાંચો

બેનને તો કહેવાય નહીં કે મમ્મીએ પૈસા નથી આપ્યા કેવી રીતે કોઈને બતાવવા જઈએ. તમે પણ વિચારતા હતા કે શું કરીએ ? કોઈની પાસે પૈસા માગીએ તો ઘરનું જ ખરાબ દેખાય એટલે મંગાઈ પણ નહીં અને કોઈને કહેવાય પણ નહીં એવી પરિસ્થિતિ હતી. પછી મેં તમને કહ્યું કે અમે પપ્પાના ઘરેથી જે ફેમિલિ ડોકટરને બતાવતા હતા એમને ત્યાં જઈએ. આમ પણ ત્યાં પપ્પાનું ખાતું ચાલે છે કહી દેશું એમાં લખી દેવા માટે. પછી પપ્પાને આપી દઈશું. ને આપણે લગ્નમાંથી એમને ત્યાં નીકળી ને ત્યાં ગયા. એેમણે દિકરાને જોયો, દવા આપી અને કહ્યું કે આજે તમારા ઘરે ન જતા રાત્રે ...વધુ વાંચો

દિકરો બિમાર હતો એમ મમ્મીએ માન્યું કે નહીં એ તો ખબર નહીં પણ એમણે દિકરાને બિલકુલ હાથમાં લીધો પણ બસ ભાણિયાને લઈને રમાડ્યા કર્યું. જાન વલસાડ જવાની હતી. જાન વલસાડ પહોંચે પછી ત્યાંથી ઘરની સ્ત્રીઓએ બીજે જવાનું હતું. એટલે હું, બેન અને બીજા કાકી જે જવાના હતા એ તૈયાર થયા. આ બધા સમય દરમિયાન દિકરો તો મારી પાસે જ હતો ને ભાણિયો મમ્મી પાસે. બીજે જવાનો સમય થયો ત્યારે બેને મમ્મીને કહ્યું લાવ હું ભાણિયાને લઈ જાઉં, તો મમ્મીએ ના પાડી કે ના તું તારે જા એને તો હું રાખીશ. જ્યારે આપણા દિકરાને તો બિલકુલ જોયો પણ નહી ને ...વધુ વાંચો

માસીના ગયા પછી મમ્મીએ કહ્યું કે એને તો આપણી બધા જ વાત ખોટી લાગે. એ બોલે તે બહુ ગણકારવાનું મેં તો કંઈ પણ કહ્યું જ ન હતું. મને ખબર હતી કે હું કંઈ પણ કહું કે ન કહું એમને કંઈ ફરક પડવાનો ન હતો. થોડા દિવસમાં દિકરાનો જન્મદિવસ આવતો હતો. તમે કહ્યું આપણે દિકરાનો જન્મદિવસ ઉજવીશું. મમ્મીને વાત કરી. મમ્મીએ હા પાડી. આપણે કોને કોને બોલાવવા એનું લિસ્ટ બનાવ્યું. મારા ઘરેથી બધાને જ કહેવાનું એમ નક્કી થયું. એટલે મારા ઘરેથી મમ્મી પપ્પા, ભાઈ, બેન-બનેવી, બંને ફોઈ ફુઆ, કાકા-કાકી અને મારા મામા-મામી. આપણે ત્યાંથી બેનના સાસરે બધાને કહ્યું એમના નણંદના ...વધુ વાંચો

દિકરો બિમાર થયો. તમે નોકરીએ ગયા હતા. મને એમ થયું કે મમ્મી પાસે પૈસા લઉં ને બસમાં ચાલી જાઉં લેવા માટે એટલે તમે આવો ત્યાં સુધીમાં તો હું આવી પણ જાઉં. એટલે મેં મમ્મી પાસે દવા લાવવા માટે પૈસા માગ્યા. મમ્મીએ ફરીથી આ વખતે પણ પૈસા ન આપ્યા. કહી દીધું કે મારી પાસે પૈસા નથી. દિકરાને મેં તાવની દવા તો આપી દીધી હતી પણ પછી એને ઝાડા ઉલ્ટી શરૂ થઈ ગયા. મેં મમ્મીને કહ્યું કે મને ફક્ત બસના ભાડા જેટલા પૈસા આપો. તો મમ્મીએ બસમાં આવવા જવાની ટિકિટ જેટલાં જ પૈસા આપ્યા. મેં વધારે કંઈ વિચાર્યું નહી ને નીકળી ...વધુ વાંચો

મેં કંઈ પણ વધારે વિચાર્યું નહીં. થોડા દિવસમાં બેન ફરી રહેવા આવ્યા. આ વખતે પણ બેન આવવાના હતા એના દિવસે મમ્મીએ તમને પૈસા આપ્યા અને કહ્યું કે ભાણિયાઓ માટે ફળ અને નાસ્તા લઈ આવ. તમે લઈ આવ્યા. મેં કે તમે મમ્મીને ક્યારેય એવું નહોતું કહ્યું કે દિકરાની દવા લાવવા પૈસા ન હોય તો ફળ અને નાસ્તા લેવાના પૈસા ક્યાંથી આવે છે ? અરે, કોઈ દિવસ આપણે કોઈ દિવસ આવી વાત અંદરોઅંદર પણ કરી ન હતી. આ વખતે પણ બેન આવીને ગયા અને એ ગયા ત્યારે દર વખતની જેમ મમ્મીએ એમને બે મોટા થેલાં ભરીને આપ્યા હતા. આપણે કોઈ દિવસ ...વધુ વાંચો

મને એ દિવસે વિચાર આવ્યો કે પગાર તો મમ્મી લઈ લેતા હતા. અમને જરૂર પડતાં જ રૂપિયા ગણીને આપતા તો શું એમને લાઇટબીલ આવશે એવી ખબર નહીં હોય ? એમણે લાઈટબીલ માટે પૈસા ન રાખ્યા હોય ? પણ હવે એ વિચાર કરવાનો કંઈ અર્થ ન હતો કારણ કે એમને આ વિશે પૂછવાની હિંમત તો હું કરી જ ન શકું અને તમે એમને એ પૂછવાના હતા નહીં. એ વખતે તો કાકીને ત્યાંથી રૂપિયા લાવીને લાઈટબીલ ભરી દીધું હતું. હવે મારે એ વિચારવાનું હતું કે બીજું લાઈટબીલ આવે તે પહેલાં એ બીલ જેટલા પૈસા મારે મારી પાસે રાખવાના હતા અને ઘર ...વધુ વાંચો

મમ્મીએ તમને જમીનના પૈસા આપી દીધા પણ તમે ના પાડી કે ના તું એ રાખ. એમની ઘણી ના છતાં એમને એ પૈસા આપી દીધા હતા. ધીરે ધીરે બધું સારું ચાલતું હતું. મારા ઘરે પણ બધું સારું જ હતું. ઘર સંભાળતા સંભાળતા એટલું તો હું બચાવી જ લેતી કે દિકરો બિમાર થાય કે સ્કૂટરનો ખર્ચો આવે તો મારે કોઈ પાસે માગવા ન જવું પડે. વચ્ચે વચ્ચે બેન પણ ઘરે રહેવા ગયા. બેન આવે ત્યારે મમ્મી જેમ ભાણિયાઓ માટે નાસ્તો, ફળ વગેરે લઈ આવતી. કોઈ દિવસ બેન કે મમ્મીને ઓછું આવે એવું જરા પણ ન કરતી. જે રીતે સિઝન પ્રમાણે મમ્મી ...વધુ વાંચો

આપણે દિકરાને ભણાવવા માટેનું પહેલું પગથિયું એની ફી ભરવાનું હતું તે પાર કરી દીધું. એ સમયે આપણા ગામમાંથી દિકરાને એક સારી શાળામાં મૂકવાવાળા આપણે પહેલા હતાં. ગામમાંથી થોડા ઘણા છોકરાઓ શહેરની શાળામાં જતા હતા એ શાળામાં આપણે દિકરાને મૂક્યો ન હતો. આપણે એક અલગ જ શાળામાં એની ફી ભરી હતી કેમ એ તો મને હજીયે નથી ખબર. દિકરાની શાળા શરૂ થવાની હતી એ પહેલા બેન ભાણિયાઓ સાથે રહેવા આવ્યા હતા. દર વખતની જેમ આ વખતે પણ આપણે એમને ફરવા લઈ ગયા હતા. અને પછી મમ્મીએ જે આપવું હોય ખે બધું આપીને એમને વિદાય કર્યા હતા. એમના ગયા પછી થોડા ...વધુ વાંચો

આપણે બેનના ઘરેથી આવી ગયા. ફરી પાછી દિકરાને લઈને શાળાએ જવા લાગી. મેં જોયું કે હું જ્યારથી દિકરાને લઈને લાગી ત્યારથી મમ્મી મને ખુશ દેખાતા હતા. મને એેવું લાગતું કે હું ઘરમાંથી બહાર રહું તે જ એમને ગમતું. કારણ કે પહેલાં જ્યારે હું નોકરી કરતી હતી ત્યારે પણ મને ઓફિસમાં રજા હોય એટલે એમ જ કહેતાં કે તારા પિયર રહી આવ. મારે ના જવું હોય તો પણ મોકલી દેતા. દિવાળીની સફાઈ વખતે પણ મને તો ઘરે જ મોકલી દેતા કે હું ઘર સાફ કરી દઈશ તને કંઈ સમજ નહીં પડશે. હું કહેતી કે તમે કરવા જ ન દેશો તો ...વધુ વાંચો

દિકરાની શાળા શરૂ થયાને લગભગ બે મહિના થઈ ગયા હતા. હું પહેલી વખત દિકરાને શાળાએ મૂકીને એ છૂટે ત્યાં બહાર રહેવાની હતી. મને પોતાને પણ ડર લાગતો હતો કે દિકરો શાળામાંથી નીકળી તો ન જાય ને? કારણ કે હજી તો એ ખૂબ જ નાનો. એને કોઈ પણ પ્રકારની સમજ ન હતી. પણ મેં મને પોતાને આશ્વાસન આપ્યું કે ના, એ કશે નહીં જાય. આમ પણ એના વર્ગશિક્ષકને કહ્યું છે એટલે એને કશે જવા નહીં દેશે. અને આ બધું વિચારતાં વિચારતાં હું મારે જે શાળાએ પહોંચવાનું હતું ત્યાં પહોંચી ગઈ. લગભગ પંદરેક નબળા વિદ્યાર્થીઓ હતા જેમને મારે ભણાવવાના હતા. કોઈને ...વધુ વાંચો

અમે ઘરે પહોંચ્યા. જમવાનું તૈયાર જ હતું. મેં દિકરાને ખવડાવ્યું અને મેં પણ ખાઈ લીધું. અને પછી તમે નોકરીએથી તમે એમ પણ ન પૂછ્યું કે આજે બસ મળી ગયેલી કે તમને મોડું થયું ગઈકાલની જેમ. મને થયું કે હશે જવા દે કદાચ તમારો સ્વભાવ જ નથી લાગણી વ્યક્ત કરવાનો. હું દિકરાને લઇને જ્યારથી શાળાએ જતી થઈ ત્યારથી સવારનું કામ તો મમ્મી કરી જ લે પરંતુ સાંજે પણ મને કંઈ ન કરવા દે. હું કેટલીએ વાર એમને કહું કે મને કરવા દો પણ એ ન જ કરવા દે. સારું લાગ્યું હું અડધો દિવસ દિકરા સાથે ઘરની બહાર રહેવા માંડી તો ...વધુ વાંચો

મેં તમને શાળાના આચાર્યએ જે ટ્યુશનની વાત કરી હતી તે કહી. તમે કહ્યું આ જ સમયમાં જો બધું થઇ હોય તો કર કંઈ વાંધો નહીં. અને મેં બીજા દિવસે ટયૂશન કરાવવા માટે હા પાડી દીધી. મને એ આચાર્ય જાણે ભગવાન લાગ્યા હતા કે મારી દરેક તકલીફનું નિરાકરણ એવું બતાવતા કે મારી પાસે પૈસા આવતા બંધ ન થાય. હા, એમના નબળા વિદ્યાર્થીઓને મારે પૈસા લીધા વગર ભણાવવાના હતા પણ એની સામે મને એમણે એમની શાળાનો એક આખો વર્ગ આપી દીધો હતો ટયૂશન કરાવવા માટે. આજે તો હું જીવનની સંધ્યાએ પહોંચી છું પણ મેં એમના જેવો નિસ્વાર્થી માણસ કોઈ નથી જોયો. ...વધુ વાંચો

તમે એ કપડા મમ્મીને બતાવ્યા અને કહ્યું કે અલૂણા વખતે ભાણી માટે કપડા લેવાયા ન હતા એટલે રક્ષાબંધન પર ત્યારે આપી દઈશું. મમ્મી એ જોઈને ખુશ થઈ ગયા અને બોલ્યા કે સારું થયું કે ભાણી માટે કપડા લઈ આવ્યા આમ પણ અલુણા વખતે ન આપ્યા હતા તે એમને ખોટું લાગ્યું હતું. હું ત્યારે કંઈ બોલી તો નહીં પણ મારા મનમાં વિચાર તો આવ્યો જ હતો કે આવી કેવી રીતે એ લોકો ખોટું લગાડી શકે. જરા વિચાર તો કરે ને કે માણસ પાસે પૈસા ન હશે તો જ ન આપ્યું હોય નહીંતર થોડું આપે તો વધારે આપવામાં શું વાંધો આવે. ...વધુ વાંચો

મિત્રો,સમય સંજોગો પ્રતિકૂળ હોવાથી આગળનો ભાગ લખવામાં ઘણો વિલંબ થઈ ગયો છે. એ માટે આપ સૌની માફી માગુ છું. બેનની ડાયરી માં આગળ શું લખ્યું છે તે તમને જણાવું છું. તમને લાગતું હશે કે આ વાર્તાનું નામ ભૂલ છે કે નહીં ? એમ આપ્યું છે પણ ક્યાંય કોઈ ભૂલ હજી સુધી દેખાઈ નથી રહી. મને પણ ડાયરી વાંચતા વાંચતા આ જ સવાલ થયેલો પણ એનો જવાબ મને ડાયરીના અંત ભાગમાં મળ્યો હતો. તમારે પણ ધીરજ રાખવી પડશે અંત સુધી પહોંચવામાં. કારણ કે એ ભૂલ માટે બેનની જીંદગીનું દરેક પાનું વાંચવું પડશે. આગળ શું લખ્યું છે તે જણાવું.રક્ષાબંધનનો તહેવાર પૂરો ...વધુ વાંચો

મમ્મી કેમ મારા દિકરાની ખુશીમાં ખુશ ન થયા એ વિશે હું હજી વિચારતે નહીં પણ એ અડધા દિવસમાં લગભગ વખત અલગ અલગ ફળિયાવાળાની આગળ મમ્મી એક જ શબ્દ વારંવાર બોલ્યા કે આને તો એની મમ્મી કરાવે પણ ભાણિયા ને કોણ કરાવે ? એ પણ હોશિયાર તો છે જ. કોઈએ પણ મમ્મીને એમ નહોતું કહ્યું કે આ દિકરો કરે છે એવું ભાણિયાએ પણ કરવું જોઈએ. કોઈએ ભાણિયા સાથે એની સરખામણી કરી ન હતી તો પછી મમ્મી કેમ વારંવાર આ બોલ્યા. તમે પણ તો બહાર જ હતા જ્યારે મમ્મી બોલતા હતા પણ તમને જાણે કંઈ ફરક જ પડતો ન હતો. પણ ...વધુ વાંચો

પણ, દર વખતની જેમ મમ્મી ન જ માન્યા અને કહ્યું કે ના કાલે જ બોલાવવાનું એટલે આના ભાઈ આવે સાથે એક જ વખતમાં રસોઈ થઈ જાય. આપણે ગયા બેનના ઘરે અને જમીને આવતી વખતે એેમને કહેતા આવ્યા કે આવતી કાલે ઘરે જમવા આવજો નવા વર્ષનું. આમ, આખા વર્ષમાં કોઈ દિવસ આવી રીતે કેટલા કાલાવાલા કરીએ આવવા માટે તો પણ ન આવે પણ મારો ભાઈ જ્યારે જમવા આવવાનો હોય ત્યારે અવશ્ય આવે. આ વખતે પણ એવું જ થયું. આ કહેવાનો મતલબ એટલો જ કે આખા વરસમાં મારો ભાઈ એક જ દિવસ આવે પણ એ જ દિવસે બેન બનેવી ભાણિયા સાથે ...વધુ વાંચો

હું દિકરાને લઈને ઘરે આવી. આખા રસ્તે મારા મગજમાં એક જ વિચાર હતો કે હવે આગળ શું થશે ? નોકરી પરથી ઘરે આવી ગયા પછી મેં તમને બધી વાત કરી. મને કંઈ પણ સાચી સલાહ આપવાની કે વ્યવસ્થિત આ પરિસ્થિતિમાંથી બહાર નીકળવાની તમે કોઈ જ વાત ન કરી. બસ એટલું કહી દીધું કે તારે જે કરવું હોય તે કર. ને તમે ફળિયામાં નીકળી ગયા. હું તમને જોતી જ રહી ગઈ. એક બાજુ તમે એમ કહેતા હતા કે મારે નોકરી તો કરવી જ પડશે. હવે જ્યારે નોકરી માટે હું તમારી પાસેથી કંઈક મદદ માગી રહી હતી તો તમે ચાલ્યા ગયા. ...વધુ વાંચો

મને એ સમયે ભગવાન જાણે મારી બધી સમસ્યાઓનું નિરાકરણ લાવી રહ્યા હોય એવું લાગતું હતું. મેં બહાર આવીને તમને કે તેઓ માની ગયા છે હું એક વાગ્યે આવીશ. એમણે એમ કહ્યું છે કે અત્યારે તમે શરૂ કરો બીજું વર્ષ શરૂ થશે ત્યારે સમય વિશે નક્કી કરીશું. અત્યારે એમણે મને ભણાવવા આવવાનું શરૂ કરી દેવાનું કહ્યું છે. અને પગાર પણ જે પ્રમાણે બીજી બધી શાળા આપે છે તે પ્રમાણે આપવાનું કહ્યું છે. મારે કાલથી જ અહીં આવવું પડશે. ને તમે કહ્યું હતું કે સારું તારાથી થતું હોય તો મને કંઈ વાંધો નથી. ઘરે આવીને મમ્મીને કહ્યું કે મને બીજી શાળામાં ...વધુ વાંચો

આમ, જોવા જઈએ તો હું એકદમ વ્યસ્ત થઇ ગઈ. સવારથી નીકળું તે છેક સાંજે ઘરે શાંતિથી બેસું. પણ આપણી પરિસ્થિતિ સુધરતી ગઈ. મારા ટ્યુશનના પૈસા અને શાળાની નોકરીના પૈસા, એમ ધીમે ધીમે આપણે પૈસાની તંગીમાંથી બહાર આવવા લાગ્યા. એ અરસામાં આપણે ત્યાં ટેલિફોન ન હતો. મમ્મી ઘણીવાર કહેતા કે બેનનું કંઈ કામ હોય ને કંઈ ખાનગી વાત કરવી હોય તો પણ આપણાથી ન કરી શકાય કારણ કે ફોન કરવા બાજુમાં કાકાને ત્યાં જવું પડે. પૈસાની થોડી રાહત થતાં મેં તમને કહ્યું હતું કે આપણે ટેલિફોનની લાઇન લઇ લઈએ જેથી મમ્મીએ બેનનું કામ હોય તો બાજુમાં કાકાને ત્યાં ન જવું ...વધુ વાંચો

ઘરે આવ્યા એટલે મમ્મીએ પૂછયું શું રિઝલ્ટ આવ્યું ? ને તમે મમ્મીને દિકરાનું રિઝલ્ટ કહ્યું હતું. મમ્મી એ સમયે ઘણા ખુશ થયા હતા. પણ પછી જ્યારે બધી જ શાળાના રિઝલ્ટ આવ્યા અને બેનના દિકરા દિકરીના પણ રિઝલ્ટ આવી ગયા ત્યારે એમના રિઝલ્ટ જાણીને એમને જરા દુઃખ થયું. રિઝલ્ટ બંનેના સારા હતા મમ્મી એમને આપણા દિકરાના રિઝલ્ટ સાથે સરખાવીને દુખી થતા હતા. કોઈ કંઈ પણ ન પૂછે તો પણ બહાર જ્યારે ફળિયામાં બેસવા જાય ત્યારે બોલ્યા જ કરે કે આપણા દિકરાને તો આપણે ભણાવીએ છીએ પણ બેનના દિકરા દિકરીને કોણ ભણાવે એટલે એ લોકોન માર્કસ ઓછા આવે. મેં એક બે ...વધુ વાંચો

તમારા મગજમાં જે સવાલ અત્યારે આવ્યો એ મારા મગજમાં બહુ જ પહેલાથી હતો. કે અત્યારની આપણી આવક પહેલાં મારી ચાલુ હતી તેના કરતા ઓછી છે છતાં આપણે સરળતાથી ઘર સંભાળી શકીએ છીએ. તો પહેલાં એવું તો શું હતું કે મમ્મી પાસે પૈસા બચતા જ ન હતા. ન તો એ સમયે દિકરો હતો કે ન કોઈ બિમાર રહેતું હતું જેની પાછળ પૈસા વપરાય જાય. પણ એ સવાલનો જવાબ ક્યારેય ન મળ્યો. અને એ વિશે મેં તમને ક્યારેય કહ્યું પણ ન હતું. તમે જ્યારે મને આ સવાલ કર્યો ત્યારે પણ મેં તમને કહ્યું હતું કે આપણે એ બધું નથી વિચારવું બસ ...વધુ વાંચો

પહેલા અઠવાડિયામાં જ આપણને ખબર પડી ગઈ હતી કે આવી રીતે તો આપણને ચાલે એમ નથી. મેં તમને કહ્યું હું શાળામાં વાત કરી જોઉં મને છેલ્લા પીરીયડમાં જો છૂટ્ટી આપી દેતા હોય તો આપણે કંઈ બીજું વિચારવું ન પડે. ને મેં શાળાના સંચાલકશ્રી ને વાત કરી. એમણે મને બીજી ગોઠવણ કરી આપવા કહ્યું. એમણે કહ્યું કે મારો દિકરો અહીં શાળામાં જ હોય છે. તમારો દિકરો છૂટે ત્યારે એ તમારા દિકરાને અહીં લઈ આવશે એટલે તમારે વહેલા જવાની જરૂર ન પડે અને આપણી શાળાના વિદ્યાર્થીઓનું ભણવાનું પણ ન બગડે. તમારા દિકરાને એક પીરીયડ જેટલો જ સમય અહીં રહેવું પડશે પછી ...વધુ વાંચો

દિકરા સાથે હું ઘરે આવી. દિકરો તો ખૂબ ખુશ થતો થતો ઘરે આવ્યો ને મમ્મીને કહ્યું બા હું કંડકટર ગયો તો મને ઇનામ આપ્યું. એને હજી હરીફાઈ શબ્દનો અર્થ ખબર ન હતી. બસ એમ જ કે હું કંડકટર બનીને ગયો ને મને ઈનામ આપ્યું. મમ્મી પણ ઈનામ જોઈને ખુશ તો થયા પણ એમની ખુશી ફળિયામાં જ્યારે દિકરો બધાને ઈનામ બતાવતો હતો ત્યારે ખોવાઈ ગઈ. રોજ એવું થતું કે અમે ઘરે આવીએ ત્યારે ફળિયામાં બધા જમી પરવારીને બહાર ઓટલા પર બેઠા હોય. એટલે દિકરો બધાને ઇનામ બતાવતો હતો. ને એ જ સમયે મમ્મી એમ બોલ્યા કે ઈનામ તો લાવે જ ...વધુ વાંચો

વાક્ય પૂરું થતાં પહેલા જ મમ્મી બોલ્યા કે એમાં શું ? દિકરો ઈનામ લાવ્યો એમાં શું ? એ તો મમ્મીને સમય મળે એટલે તૈયારી કરાવે પણ મારી દિકરીને ક્યાં એવો સમય મળે કે એ ભાણાને કે ભાણીને કંઈ પણ તૈયારી કરાવે. એ લોકોને કોઈ આની જેમ તૈયારી કરાવે તો એ લોકો પણ ઈનામ લાવે જ. મમ્મીની આ વાતનો કોઈએ કોઈ જવાબ ન આપ્યો. બસ બધા વારાફરતી ત્યાંથી નીકળી ગયા. મમ્મીની વાત ખોટી ન હતી. પણ એકવાર મારા મનમાં વિચાર તો આવ્યો જ કે બેન તો આખો દિવસ ઘરે જ હોય છે. વળી એમને ત્યાં તો બધા જ કામ માટે ...વધુ વાંચો

થોડા દિવસ મારી શાળા ચાલુ રહી. પણ મારી તબિયત સારી રહેતી ન હતી. મને થાક લાગતો હતો આખો દિવસ રહેવાનું મન થતું પણ શાળાએ તો જવું જ પડતું. પછી દરેક વર્ગના રિઝલ્ટ અપાય ગયા એટલે મને પણ વેકેશન મળી ગયું. વેકેશન પડ્યું એટલે આપણે પહેલાં થાઈરોઇડ વાળા ડોકટર પાસે ગયા કારણ કે દવા લેવા છતાં મને સારું લાગતું ન હતું. એટલે કદાચ થાઇરોઇડ ચેક કરાવવાનો હશે એમ સમજી ત્યાં ગયા. એમણે બધા ટેસ્ટ કરાવ્યા અને પછી કહ્યું કે આને ભગવાન નો ચમત્કાર જ ગણાય કે તમે ફરી મા બનવાના છો. આ સાંભળીને મને તો એકદમ જ નવાઈ લાગી કારણકે ...વધુ વાંચો

શાળા શરૂ થઈ એ જ અરસામાં તમારા બા જે શહેરમાં રહેતા હતા તે બિમાર થયા અને મમ્મીએ ત્યાં રહેવા પડ્યું. એટલે મારી દોડધામ થોડી વધી ગઈ. કામ જાતે કરીએ એટલે મારે સવારે વહેલું કામ પતાવીને જવું પડતું અને બાકીનું કામ આવીને કરવું પડતું. પણ હું ધીરે ધીરે કરી દેતી હતી. મારી પ્રેગ્નન્સી હતી છતાં તમે કે મમ્મીએ એમ ન કહ્યું કે આવી પરિસ્થિતિમાં તું કેવી રીતે પહોંચી વળશે એક કામવાળી રાખી લઈએ. તમે બંને જણા એમ જ કહેતા કે કામવાળી કંઈ સારું કામ નહીં કરે. એના કરતાં જાતે જ કરી લેવાનું. હું ધીરે ધીરે બધું જ કરી લેતી. બા ...વધુ વાંચો

ફોઈએ કહ્યું ઘર ખાલી કરાવવા તું આવજે. પણ મારી પ્રેગ્નન્સીના કારણે મેં ના પાડી કે હું સામાન પેક કરાવી પણ સામાન ચઢાવવા ઉતારવાનું કામ ન કરી શકું. એટલે એમણે બાજુવાળા કાકીને બોલાવ્યા હતા પણ એમ ન કહ્યું કે તારી મમ્મીને મોકલજે. અને જ્યારે ઘર ખાલી કર્યું ત્યારે એમણે તમને બોલાવ્યા હતા અને ત્રણ પેટીઓ હતી એ આપણા ઘરે મુકાવવાની અને હીંચકા વગેરે જે સારો સામાન હતો એ બાજુમાં કાકાને ત્યાં આપવાનો એમ કહ્યું હતું. તમને એ સમયે પણ ખરાબ લાગ્યું હતું કે કાકાને ત્યાં તો હીંચકો, કબાટ બધું જ છે તો ફોઈએ એમ કેમ ન કહ્યું કે તારા ઘરે ...વધુ વાંચો

મમ્મીની ઇચ્છા તો ન હતી કે હું હોસ્પિટલ થી સીધી આપણા ઘરે આવું પણ મેં ના પાડી દીધી હતી હું મારા ઘરે નહીં જાઉં. અને હું દિકરીને લઈને સીધી આપણા ઘરે જ આવી. મને કમને પણ મમ્મીએ મારો એ નિર્ણય માનવો પડ્યો. આમ પણ મમ્મી મને કંઈ કામ કરવા તો દેતા જ ન હતા એટલે મને આરામ ન મળે એવું તો હતું નહીં. જે દિવસે હોસ્પિટલથી આવી એ જ દિવસે રાતે મમ્મીએ આપણા દિકરાને કહ્યું કે હવે તું રાતે મમ્મી સાથે ન સૂતો. એકલો સૂઈ જા. મને મમ્મીની એ વાત જરા પણ ન ગમી. આજ સુધી દિકરો મારા વગર ...વધુ વાંચો

અને તમે બીજા દિવસે સાંજે બેનને લેવા ગયા હતા. તમે બેનને લઈ આવ્યા. બીજા દિવસે સવારે બેને દિકરીને દોરડા અને આપણે બેનને વદા પણ કરી હતી મમ્મીએ કહ્યું તે જ પ્રમાણે. મમ્મીએ કહ્યું હતું કે અગિયારમા દિવસે આપણે સામેવાળી છોકરી પાસે દોરડા બંધાવી દઈશું અને પછી સાંજે તમે બેનને એમના ઘરે મૂકી પણ આવ્યા હતા. બે દિવસ પછી બેનનો ફોન આવ્યો અને મમ્મીને કહ્યું કે અમે ફરવા જવાના છે પણ બનેવી એમ કહે છે કે ભાણો હજી નાનો છે તો એને નથી લઈ જવું. એને તારા ઘરે મૂકી આવ. તો હું ભાણાને તારી પાસે મૂકી જાઉં તો તારાથી રખાશે ...વધુ વાંચો

પપ્પાનો ફોન આવ્યો ત્યારે મને શાંતિ થઈ. કે હાશ, હવે દિકરો ત્યાં મારા ઘરે રહેશે. મનમાં વિચાર પણ આવ્યો એ અહીં એટલો કંટાળી ગયો હશે કે ત્યાં રહી પડ્યો. સાચું પણ હતું. હું એને એટલો સમય ન આપી શકી અને વળી મમ્મી પણ ભાણા સાથે વ્યસ્ત હતા. તમને તમારી નોકરીમાંથી ફુરસત ન મળી ને એટલે જ કદાચ એ અહીંથી જતો રહ્યો. મેં મારા મનને એવી રીતે મનાવ્યું કે આ રીતે એ મારા વગર રહેતા તો શીખશે. બીજા દિવસે સવારે ઉઠીને એણે પપ્પાને કહ્યું કે મમ્મીને ફોન કરો મારે વાત કરવી છે. અને પપ્પાએ ફોન લગાડી આપ્યો. એણે મારી સાથે ...વધુ વાંચો