જીવનમાં આપણને ઘણી વસ્તુઓ જોઈએ છે. કોઈને સફળતા જોઈએ છે, કોઈને સંપત્તિ, કોઈને પ્રતિષ્ઠા, કોઈને સત્તા, કોઈને પ્રેમ, કોઈને સારી નોકરી, કોઈને સુખી પરિવાર અને કોઈને સમાજમાં વિશેષ સ્થાન. ઇચ્છાઓ હોવી ખોટી નથી. ઇચ્છા જ માણસને આગળ વધવાની પ્રેરણા આપે છે. પરંતુ જીવનનો એક બહુ મોટો નિયમ આપણે ઘણી વાર ભૂલી જઈએ છીએ. આપણે શું મેળવવા માગીએ છીએ તેના કરતાં આપણે શું મેળવવા લાયક બન્યા છીએ તે વધુ મહત્વનું છે.માત્ર ઇચ્છા કરવાથી કોઈ વસ્તુ આપણી થતી નથી. માત્ર માંગવાથી અધિકાર મળતો નથી. માત્ર ફરિયાદ કરવાથી પરિસ્થિતિ બદલાતી નથી. જીવન આપણને ઘણી વખત એ જ આપે છે, જેને ધારણ કરવાની ક્ષમતા