પ્રકરણ ૬: અગ્નિપરીક્ષા અને પ્રકૃતિનો આખરી ન્યાયવિક્રમ ઓબેરોય, ડેપ્યુટી કન્ઝર્વેટર અરવિંદ અને નેતા રમણભાઈ ની ધરપકડ પછી આખા દેશના રાજકારણમાં અને ફાર્મા જગતમાં ભૂકંપ આવી ગયો હતો. ઓબેરોયના હાઈ-પ્રોફાઈલ વકીલોની ફોજ મેદાનમાં આવી ગઈ. અશોક પર દિલ્હીના વગદાર વર્તુળોમાંથી કેસ નબળો કરવા અને પુરાવા ગાયબ કરવા માટે અવારનવાર ફોન આવવા લાગ્યા. તેને કરોડો રૂપિયાની લાંચની ઓફરથી લઈને જાનથી મારી નાખવાની ધમકીઓ પણ મળી.પરંતુ અશોક લોખંડી મનનો માણસ હતો. તેણે આઇબી (IB) ના વડા સાથે મળીને બધા જ પુરાવા, ડિજિટલ ટ્રાન્ઝેક્શન્સ અને આર્યાનું કન્ફેશન સ્ટેટમેન્ટ સીધું સુપ્રિમ કોર્ટની સ્પેશિયલ બેન્ચ સમક્ષ રજૂ કરી દીધું. કોર્ટે કેસની ગંભીરતા જોઈને ત્રણેય આરોપીઓના જામીન