સોનાલી અવાજ દઈને બધા લોકોને કહે છે કે સોહમને હોંશ આવી ગયો છે અને ડૉકટર સાહેબને પણ બોલાવે છે.બધા લોકો સોહમને સાજો જોઇને ખૂબ જ ખુશ થઈ જાય છે. ડૉકટર સોહમને ચેક કરીને કહે છે,હવે તે એકદમ ફાઇન છે. સોહમના બચવાના કોઈ જ ચાન્સ નહોતા.ખબર નહીં આ ચમત્કાર કઇ રીતે થયો.સોહમ સોનાલી સામે જોઈ એક સ્માઇલ આપી આંખ મારે છે.સોનાલી શરમથી પાણી પાણી થઈ જાય છે.મયંક આ બધું જોઈ જાય છે,પણ તેને કંઈ જ સમજાતું નથી.થોડી જ વારમાં ડૉકટર સાહેબ સોહમને ઘરે જવાની પરમિશન આપી દે છે.અત્યારે તો સોનાલી સોહમની ચિંતા કરવામાં પડી હતી તેથી તેને મયંક યાદ આવતો નથી.