માર્ચ મહિનો ખૂબજ નજીક છે. બધું Red Alert ઉપર મૂકાય ગયું છે. સ્કૂલ, કોલેજ,ટયુશન અને ઘર બધે જ ધારા ૧૪૪ લાગી ગઈ છે. સરહદ ઉપર યુધ્ધ જાહેર થાય અને જેવી પરિસ્થિતિ સર્જાય બસ એવી જ પરિસ્થિતિ ધર અને શાળા માં સર્જાય છે ! બધાં સૈનિકો પ્રેક્ટિસ પેપર આપીને પોતાની ગોખલપટ્ટી ની ધાર મજબૂત કરી રહ્યા છે. શિક્ષક નામનાં સેનાપતિ એ પોતાનો વિષય બચાવી લેવો છે. બોર્ડ નાં આક્રમણ સમયે પોતાનો એકપણ સૈનિક જરા અમસ્તો પણ ન ઘવાઈ અને ૧૦૦% પરિણામ લાવવા શક્ય એટલાં બધાં જ પ્રયત્નો એ કરી રહ્યો છે. બીજી તરફ ઘર માં ટીવી નું કેબલ કપાઈ ગયું છે.