પંજાબ ઈઝ અ ગોલ્ડન સ્ટેટ. તમે કાશ્મીર ટુ કન્યાકુમારી હાઈવે પર પ્રવેશો એટલે સોનેરી ખેતરો નજરે ચડે. ‘મેરે દેશકી ધરતી’ કેમ લખાયું હશે હવે ખબર પડી આખરે રાત્રે સાડા આઠ-નવની આસપાસ હોસ્ટેલમાં પહોંચ્યો. સવારે હોટેલથી નીકળતાં પહેલાં વાત કરી રાખી હતી. હોસ્ટેલ વિશે કોઈને જાણ ન હોય તો પાંત્રીસ વર્ષની ઊંમર સુધીના તેમાં રોકાઈ શકે છે. બેડ એન્ડ બ્રેકફાસ્ટ. પરવડે એવાં રૂપિયે બધા જુવાનિયા હોય એટલે જલસો પડે. વિકી પાજીને મળ્યો. બોલવામાં પારવધો માણસ. ત્યાં કેટલાંક મહેફીલ જમાવી બેઠાં હતાં. ફ્રેશ થયાં બાદ વિકીને જમવા વિશે પુછ્યું.