મોતને નજર સામે જોઇ ગયેલા યુવાને કારમાંથી બહાર નીકળીને દોડીને જવાનો પ્રયત્ન કર્યો પણ ત્યાં સુધીમાં એના શરીરમાં પૂરી અગિયાર ગોળી ધરબાઇ ચૂકી હતી. વહેલી સવારે આ સમાચાર અંડરવર્લ્ડમાં ફેલાઇ ગયા ત્યારે તમામ ગેંગના તમામ ગુંડાઓને આંચકો લાગ્યો હતો. આવું બની શકે એની કોઇએ ક્યારેય કલ્પના પણ કરી નહોતી. અંડરવર્લ્ડની એક ગેંગમાં આઘાતથી સોપો પડી ગયો તો બીજી તમામ ગેંગના આશ્ચર્યની લાગણી ફેલાઇ ગઇ. અને દગડી ચાલમાં ફરી એકવાર તહેવાર જેવું વાતાવરણ સર્જાઇ ગયું.