છેલ્લે નક્કી થયા મુજબ પ્રલય તથા વિનય સમુદ્રના તળિયે જવા માટે તૈયાર થયા. બંનેએ મરજીવાનો પોષાક પહેર્યો. તેઓના શરીર પર તે પોષાક બરાબર ફિટ થઈ ગયો પછી કદમે કાળજીપૂર્વક ઉપરનો હેલ્મેટવાળો ભાગ બરાબર ગોઠવ્યો અને નીચેના લોક ગળા ઉપરના કાંઠલા પર ફિટ કર્યા. ત્યારબાદ તેના ઓક્સિજન માસ્ક તથા ફેઇસપ્લેટ ગોઠવી. અંદર વાયરલેસ સેટને બરાબર ફિટ કરી પછી ઓક્સિજન સિલિન્ડરનો વાલ્વ ખોલ્યો અને તેને મીટર પર ચારના આંકડા પર ફિક્સ કર્યો. ત્યારબાદ વાયરલેસના ઈયરફોનને પોતાના કાન પર ગોઠવ્યો.