છોટા રાજન અને બબલુ શ્રીવાસ્તવને દાઉદ ઈબ્રાહીમ ઉપરાઉપરી ફટકા મારી રહ્યો હતો એનો જવાબ વાળવા માટે છોટા રાજન અને બબલુ શ્રીવાસ્તવ વિચારી રહ્યા હતા ત્યાં જ બબલુ અને રાજનને વધુ એક ફટકો પડ્યો. ઈન્ટરપોલના અધિકારીઓએ બબલુ શ્રીવાસ્તવને સિંગાપોર એરપોર્ટમાં પકડી પાડ્યો, બબલુ શ્રીવાસ્તવની ધરપકડ બાદ કાનૂની કાર્યવાહી પૂરી કરીને ભારત લાવવામાં આવ્યો. ભારતમાં એને પહેલાં દિલ્હીની તિહાર જેલમાં અને પછી નૈની જેલમાં ધકેલી દેવાયો.