હું આજે મારી કંપની ની ગાડી લઇ, કંપનીના કામ માટે જઈ રહ્યો છું. સાથે બીજા બે કર્મચારી પણ છે. અમારે અવાર-નવાર બહાર ફિલ્ડમાં જવાનું થતું હોય છે. આજનો અમારો રુટ ધારી, ચલાળા ,તુલસીશ્યામ થઈ ધોકડવા જવાનો છે. આમ પણ કુદરતને માણવી એ મારો શોખ છે. ઘણી વખત કંપની ના કામે પાલીતાણાના કદમગીરી રૂટ તરફ જતો હોવ ત્યારે પણ પર્વતોની વચ્ચેથી પસાર થતાં રસ્તાના કિનારે પડેલા મોટા પથ્થર પાસે બાઇકને સ્ટેન્ડ કરી પથ્થર પર બેસીને કુદરતનો નજારો માણી લેતો હોવ છું. તો આજે તો અફાટ કુદરતી સૌંદર્ય વચ્ચે થઈને પસાર થવાનું હતું.