લાઇમ લાઇટ -રાકેશ ઠક્કર પ્રકરણ- ૧૫ સાગરને એ વાત સમજાતી ન હતી કે "લાઇમ લાઇટ" ના હીરોએ મિડિયામાં પ્રકાશચંદ્ર વિરુધ્ધ વાત કરી હોવા છતાં એ તેને કેમ એમ કહી રહ્યા હતા કે નુકસાન તને થશે! મોન્ટુએ ફોન કરી તેને ફરિયાદ કરી હતી કે રસીલીને પ્રચારમાં વધુ મહત્વ અપાઇ રહ્યું છે. તેને બાજુમાં કરી દેવામાં આવ્યો છે. તેની આ ફિલ્મથી લાઇમ લાઇટમાં આવવાની ગણતરી સ્વાભાવિક હતી. પણ સાગરનો અનુભવ કહેતો હતો કે હીરોઇનને કેન્દ્રમાં રાખીને બનાવવામાં આવતી ફિલ્મમાં નવોદિત હીરો લેવામાં આવતા હતા અને તેને આવો અન્યાય થતો જ હતો. જો જાણીતા સ્ટાર હીરોને લેવામાં આવે તો ફિલ્મની લાગત વધી જાય