જમા ઉધાર ભાગ-૧"દેવજી...ઓ દેવજી, સંભાળીને કામ કર ભાઈ. તને ખબર છે કે આજે પ્લાન્ટની મુલાકાતે આપણાં એમ.ડી.ધનંજય શેઠ આવવાના છે. સેફ્ટી શૂઝ...તો પહેરેલાં છે, આ લે હેલ્મેટ પહેરી લે અને ધ્યાનથી કામ કરજે. ધનંજય શેઠ બહું અનુભવી અને બાહોશ છે" મારા કોન્ટ્રાક્ટર રામજીભાઈ મને કહ્યુ."ભલે રામજીભાઈ" મેં આંખ મીંચી અને જાણે મને કાંઈ સુઝયું હોય, જાણે મારા મગજમાં એક ચમકારો થયો હોય એમ હું મરક મરક હસવા લાગ્યો. "હવે મારું સપનું સાકાર થશે. હું ક્યારેય પ્લાન્ટમાં મજૂરીકામ કરવા ન્હોતો માંગતો, ક્યારેય નહીં. આવું જોખમ કોણ લે? કાંઇક થઈ જાય તો? કંપનીને તો કાંઈ જ ફરક નથી પડતો, પણ મારું શું?