એકાએક ધબ-ધબ ના અવાજ સાથે હોસ્પિટલની દીવાલોનો ગુંજી ઉઠી, પણ કોઇ નજરે ચડતુ ન હતુ, સહુકોઈ નજર તાકીને અવાજ ની દિશા તરફ જોઈ રહ્યા હતા, એટલીવાર મા કોઇ માણસ એક સ્ત્રી ને પોતાના હાથ મા ઊચકી ને દોડતો દોડતો આવતો હતો, સ્ત્રી ના માથા માથી લોહીની ધારાઓ વહેતી હતી, અને બેભાન હાલત મા હતી, હાથ અને પગ બંને ઢળી પડ્યા હતા, પેલો માણસ પણ આખો લાલ દેખાતો હતો, આટલીવાર મા કોઇ સ્ટ્રેચર લઈને આવે છે અને પેલી સ્ત્રી ને તેના પર મુકે છે અને જલ્દીથી ઑપરેશન થિએટર મા લઈ જાય છે, એ માણસ બહાર માથા પર હાથ દઈ એક બાકડા પર બેસી જાઇ છે અને ઈશ્વર ને પ્રાથના કરે છે.