સેકન્ડ ઈનિંગ વૃધ્ધાશ્રમમાં આજે રવિવારની સવારથી જ હલચલ મચી ગઈ હતી. ઘડપણમાં ઊંઘ ઓછી થવાને લીધે લગભગ બધા જ વૃધ્ધો રાત્રે મોડા સૂતા અને સવારે, સવારે શું પરોઢિયાના જાગી જતા. ‘હરે કૃષ્ણા હરે કૃષ્ણા‘ બોલતા બોલતા માંડ માંડ પથારીમાં બેસતાં અને પછી ડગુમગુ ચાલે પથારીમાં થી ઉતરીને ઓસરીમાં આવતાં. કેટલાંક બાથરૂમ તરફ પ્રયાણ કરતાં, તો કેટલાક થેલામાંથી ટુથપેસ્ટ અને બ્રશ કાઢીને પ્રાત:કર્મમાં ઢીલા ઢીલા જોડાતાં.