થોડા સમય પહેલાની આ વાત છે. સંજય લીલા ભણસાલી પ્રોડક્શનમાંથી રાજકોટના લોકસંગીતના લોકલાડીલા ઓસમાણ મીરને ફોન આવે છે કે સંજય સર તમને યાદ કરે છે અને મળવા માંગે છે. પોતાને મળેલું બધું- નામ, દામ અને પ્રતિષ્ઠા માલિકની મહેરબાની છે એવું માનતા ઓસમાણભાઇ આ ફોનને મજાક માને છે. ફરીથી ફોન આવે છે અને ઓસમાણભાઇ ભૂલી જાય છે. ત્રીજી વખત ફોન આવતા એને ગંભીરતાથી લે છે અને પહોંચી જાય છે મુંબઇ. સંજય લીલા ભણસાલી એ જ દિવસે કોઇ વોઇસ ટેસ્ટ નહીં જાણે, પહેલેથી પૂરતા રીસર્ચ બાદ ઓસમાણભાઇને એ ગીત ગાવા માટે પસંદ કર્યા હોય તેમ જ તે જ દિવસે એમનું રેકોર્ડીંગ કરે છે. આ ફિલ્મ એટલે સંજય લીલા ભણસાલીની ૨૦૧૩ માં આવેલી ફિલ્મ રામલીલા.