મહેન્દ્ર સાહુ. આ નામ આજે આખા રાજ્યમાં ભય અને સત્તાનું પ્રતીક બની ગયું હતું. પરંતુ તેની શરૂઆત એક નાનકડા ગામથી થઈ હતી.  ગામનું નામ હતું ‘કળસીપુર’. એક સાદું, ગરીબ, પરંતુ સંસ્કારી ગામ. ત્યાં મહેન્દ્રનો જન્મ એક સામાન્ય કિસાન પરિવારમાં થયો હતો. તેના પિતા ખેતી કરતા અને માતા ઘર સંભાળતી. બાળપણથી જ મહેન્દ્ર અસાધારણ હતો. તે ગામના લોકોની સમસ્યાઓ સાંભળતો અને તેના નાના મગજમાં તેના ઉપાય વિચારતો.જ્યારે તે ૨૨ વર્ષનો હતો ત્યારે તાલુકા પંચાયતની ચૂંટણીમાં ઊભો રહ્યો. તેના વિરોધીઓ હસતા હતા. “આ છોકરો શું કરશે?” પરંતુ મહેન્દ્રે દરેક ઘરે જઈને લોકોની વ્યક્તિગત સમસ્યાઓ સાંભળી. કોઈની પુત્રીના લગ્નમાં પૈસાની તંગી, કોઈના ખેતરમાં