#કેન્સર ભાગ ૩: અસ્તિત્વનું ખરવું અને મૌનનો ચિત્કાર​ જ્યારે જીવિકાના હાથમાં તેના રેશમી વાળનું પહેલું ગુચ્છું આવ્યું, ત્યારે એ માત્ર વાળ નહોતા, પણ તેના સ્ત્રીત્વ અને આત્મવિશ્વાસના ટુકડા હતા. અરીસા સામે ઊભેલી જીવિકા પોતાની જ છબીને ઓળખી શકતી નહોતી. તેની આંખો નીચે કાળા કુંડાળા ઉતરી આવ્યા હતા અને ચહેરો કીમોના કેમિકલ્સને કારણે પીળો પડી ગયો હતો.​​કીમોથેરાપીનો બીજો રાઉન્ડ પૂરો થયો હતો. આ વખતે ડૉ. જીવન શાહે ડોઝ વધાર્યો હતો, કારણ કે કેન્સરના કોષો આક્રમક હતા. જીવિકાના શરીરની હાલત એવી હતી કે જાણે તેને કોઈએ જીવતી સળગાવી હોય. તેના મોઢામાં મોટા ચાંદા પડી ગયા હતા, જેને મેડિકલ ભાષામાં 'Mucositis' કહેવાય છે. તેને