થોડી વાર પહેલાં સોફિયા પર તેજલનો મોબાઈલ ફોન આવ્યો હતો કે, ‘‘એ સુરતથી પાછી ફરી હતી ને રેલ્વે સ્ટેશન પરથી ચાલતી ઘર તરફ આગળ વધી રહી હતી, ત્યારે એની સાથે ભયાનક ઘટનાઓ બની રહી હતી,’’ અને એટલે સોફિયા ટૅકસીમાં અહીં દોડી આવી હતી. પણ હજુ તો સોફિયા ટૅકસીમાંથી બહાર નીકળી હતી, ત્યાં જ સોફિયાને ત્રીજા માળ પરના તેજલના ફલેટ તરફથી તેજલનો ‘નહિ...નહિ..!’ એવો અવાજ સંભળાયો હતો, અને સોફિયાએ ત્રીજા માળ પરના તેજલના ફલેટ તરફ જોયું, ત્યાં જ તેજલ ઉપરથી નીચે આવી પડતી દેખાઈ હતી.