સિકંદરે કહ્યું હતું કે મારા કોઈ પણ કાર્યને બે બાજુથી મારી વિચારણાનો ટેકો મળે છે. હું કોઈ પણ કાર્ય હાથ ધરતાં પહેલાં એના માટે વિચારું છું અને એ કાર્ય પૂરું થયા પછી એના વિષે વિચારું છું. સિકંદરની વાતને બરાબર સમજીએ તો કહી શકાય કે પહેલી વિચારણા કોઈ પણ કાર્યને ઉપાડવા માટે છે અને પછીની વિચારણા કાર્યનો ભાર ઉપાડવા માટે છે. આને પરિણામે કરેલું કાર્ય કદી એળે જતું નથી. સહેજ ઊંડાણથી વિચારીએ તો બે વખતની વિચારણાની વચ્ચે કાર્ય સેન્ડવિચ બને છે. પહેલી વિચારણા એ કાર્યની પૂર્વ તૈયારી અથવા આયોજન છે અને પાછળથી થતી વિચારણા કાર્યનું મૂલ્યાંકન છે. ખરેખર