એ જ રાત્રે જાણેકે કુદરત પણ રહેમતનાં દુ:ખમાં ભાગીદાર બન્યો હોય એમ વીજળીના કડાકા સાથે ધોધમાર વરસાદ તૂટી પડ્યો. લગભગ રાતનાં બે વાગે રહેમત પોતાનાં ઓરડામાંથી બહાર નીકળી અને ફળિયામાં જઈને ધોધમાર વરસતા વરસાદમાં બેસી ગઈ. તેનાં ગાલ ઉપર પડતી વરસાદની જોરદાર થપાટો પોતે ઇરફાને પસંદ કરેલી બીજી સ્ત્રીની તુલનાએ કેટલી સસ્તી છે તેનો અહેસાસ તે વરસાદની થપાટો તેને કરાવતી હતી. જાણેકે ઈરફાન જ ગાલ ઉપર ઉપરા-છાપરી તમાચા મારી રહ્યો હોય અને પોતે કેટલી ભોટ અને અભણ છે તેવું મહેસસૂસ કરાવતો હોય તેવું તે અનુભવી રહી હતી.