અમિતાભ બચ્ચન – આ નામને કોઈજ ઓળખાણની જરૂર નથી. તેમની ફિલ્મ કાલીયામાં જ તેઓ કહે છે કે તેઓ જ્યાં ઉભા રહે છે લાઈન ત્યાંથી જ શરુ થતી હોય છે. અમિતાભ બચ્ચન હિન્દી સિનેમાના કદાચ એકમાત્ર એવા અદાકાર છે જેમને ભારતીયોની એક નહીં, બે નહીં પરંતુ ચાર ચાર પેઢીઓએ એક સરખો પ્રેમ કર્યો છે. અમિતાભ બચ્ચન વિષે આટલા બધા વર્ષોમાં આટલું બધું લખાયું છે પરંતુ તેમ છતાં તેમના વિષે વાતો કરવાનું તેમના વિષે વધુને વધુ વાંચવાનું હજી પણ આપણને એટલુંજ ગમે છે.