Hey, I am reading and writing and also post motivational video @ i believe in giving to my freinds as per my knowledge and experiance on Matrubharti!

#દુષ્ટ
પરિસ્થિતિ નો સ્વીકાર

"એટલે ઊભો છું અડીખમ જિંદગી સામે,
બાજીઓ હારી હશે, હિંમત હજી હારી નથી."
મિત્રો, લોક ડાઉન ની ઉપાય ન હોય એવી કપરી પરિસ્થિતિમાં પોતાની જીવનશૈલીને પરિસ્થિતિને અનુરૂપ ઢાળી દેવાની આપણા સૌમાં કેટલી બધી પ્રચંડ શક્તિ અને કાબેલિયત છે તેનો અહેસાસ થયો. સઘળું અસહજ અને અકલ્પનીય હતું, તે છતાં આપોઆપ ગોઠવાઈ ગયું. ચીજ વસ્તુની આવશ્યકતા ઘટી અને મર્યદિત સાધનોથી જીવન પસાર થઈ શકે છે, તેનો પરિચય થયો.
મિત્રો, આપણે સૌએ સૂર્યોદયની જેમ સૂર્યાસ્ત ને, પૂનમની જેમ અમાસને, વસંતની જેમ પાનખરને અને પ્રકાશની પાછળ આવતા પડછાયાને જે સહજતાથી આપણે સ્વીકારીએ છીએ, તેટલીજ સહજતાથી અનુકૂળતા ની પાછળ આવતી પ્રતિકૂળતાને સ્વીકારવી જ પડશે. આ સ્વીકાર એક ચમત્કાર હશે.
આપણને એ પણ ખ્યાલ આવ્યો કે કેટલી બધી બિનજરૂરી ચીજોનો બોજો આપણે માથે ઉંચકીને ચાલતા હતા. એકલતા સાથે રહેવા મજબૂર કરી દીધા, પરંતુ પરિવાર સાથે કવોલિટી ટાઈમ પસાર કરવાની અદભૂત તક પ્રદાન થઈ. ઘણી સમજ અને તાલીમ ની પ્રાપ્તિ થઈ. સમય અને સાધનનું સાચું મહત્વ સમજાયું.
લોક ડાઉન થી પરિસ્થિતિને પહોંચી વળવાના આત્મવિશ્વાસનું પ્રાગટ્ય થયું. કુદરતે એક હાથે વિકટ પરિસ્થિતિ આપી તો બીજા હાથે તેનો સામનો કરવાની અદ્રશ્ય તાકાત પણ આપી.
આપણે જીવનમાં કેટલો ઠઠારો રાખીએ છીએ અને તે પ્રમાણે જીવીએ છીએ, હકીકતમાં આપણી આવશ્યકતા તો ઘણી ઓછી છે.
નબળા સમયમાં જેનું મનોબળ મજબૂત છે, અભિગમ જેનો હકારાત્મક છે એને ભલે તમે નાખો પ્રતિકૂળતા ની આગમાં, એ પ્રસન્નતાના બાગનું સર્જન કર્યા વિના નહી રહે.
પરિસ્થિતિ નો સ્વીકાર એટલે ....
૦૧. માર્ગમાં પત્થર/દુષ્ટતા હોય, શક્ય હોય તો હટાવી દેવો.
૦૨.એ શક્ય ના હોય તો માર્ગ બદલી દેવો.
૦૩.અને એય શક્ય ના હોય તો અનુશાસન અને સલામતીપૂર્વક એ માર્ગ ઉપર આગળ વધવું.
મિત્રો, આપણે સૌ સ્વવિવેક થી નિર્ણય કરીશું, માર્ગના અવરોધ/દુષ્ટતા અને અંતરાયો/દુસ્તપણું દૂર કરીશું. પ્રભુ શક્તિ અર્પે તેવી પ્રાર્થના

વધુ વાંચો

#નિર્દય

પ્રિય પરિવારજનો.......
ગમ્યું, એ બધું મૃગજળ થઈ ગયું,
બાકી હતું, એ વાદળ થઈ ગયું,
આંખોથી લખતો રહ્યો રાત આખી,
સૂરજ ઉગતા એ બધું ઝાકળ થઈ ગયું!!!
જીવનનું સાચું સુખ આત્મસંતોષ છે. જયારે જીવનની સાચી તાકાત મક્કમ મનોબળ છે. સુખી અને આનંદિત પરિવાર એ જીવનની સાચી મુડી છે.
મિત્રો, જીવનમાં આગમનની ખબર તો નવ મહિના પહેલા પડી જાય છે, પરંતુ જીવન છોડવાની ખબર નવ સેકન્ડ પહેલા પણ પડતી નથી. માટે સુખમય જીવન યાત્રા મા વ્યસ્ત રહો, મસ્ત રહો અને જબરદસ્ત રહો.
જીવનની ઘટમાળમાં સમજ્યા વગર કોઈને પસંદ ના કરતા અને નસમજમાં કોઈને ગુમાવી ના દેતા. હંમેશા યાદ રાખો, ગુસ્સો શબ્દમાં હોય છે, દિલમાં નહીં. માટે ફક્ત આ કારણે સંબંધો ઉપર પૂર્ણવિરામ મૂકવાની ભૂલના કરતા. જીવનમાં સદભાવના, સત્કાર્યો અને સમર્પણનું મહત્વ અનોખું છે. જીવનનું કડવું સત્ય એ છે કે મૃત્યુ બાદ પત્ની મકાન સુધી, સમાજ સ્મશાન સુધી અને સંતાન અગ્નિદાહ સુધી સાથે રહે છે, પરંતુ તમારા સત્કર્મો જ ભગવાન સુધી પહોંચે છે.
મિત્રો, ભાગ્યને બીજી પેઢી નથી હોતી અને પુરુષાર્થને આખો વંશ હોય છે. નિરંતર પુરુષાર્થ જીવન જીવવાનો અભિગમ બદલી નાખી છે.
પહેલા લોકો લાગણીશીલ હતા અને સંબંધોને કોઈ પણ ભોગે નિભાવતા, પછી લોકો પ્રેક્ટિકલ થયા અને સંબંધોમાં થી ફાયદો ઉઠાવતા થયા. હવે લોકો પ્રોફેશનલ થઈ ગયા છે, અને સંબંધ ત્યાંજ બનાવે છે, જ્યાંથી ફાયદો ઉઠાવી શકે. આવા વાતાવરણથી દુઃખી થવાની જરૂર નથી. ધીરજ અને સહનશકિત જીવન યાત્રાને આક્રમકતા મા થી સકારાત્મકતા તરફ લઈ જાય છે. જો સહેતા આવડી જાય તો ચોક્કસ રહેતા પણ આવડી જાય છે.
પ્રિય પરિવારજનો, સુખ નું સરનામું આપણા સૌના ભીતરમાં જ છે, જો ભીતરમાં થી શુદ્ધ થઇશું તો બુદ્ધ થતાં વાર નહી લાગે.
અંતરની શુભેચ્છા...શુભકામના.
આશિષ અને બીના ના પ્રણામ.

વધુ વાંચો

કાલે મેં વરસાદને પૂછ્યું તારી ઉંમર શું ?
વરસાદે મને બહુજ સુંદર જવાબ આપ્યો,

અગર તું વરસાદમાં આમ તેમ *આનંદથી ભાગતો* હઈશ તો મારી ઊમર *૧૦ વર્ષ*

અગર તું વરસાદમાં *કવિતા* લખતો હઈશ તો મારી *ઉંમર ૧૬ વર્ષ*

અગર તને વરસાદમાં *વિરહ* જણાતો હશે તો મારી *ઉંમર ૧૮ વર્ષ*

અગર તને વરસાદમાં *ટ્રેકિંગ* પર જવાનું મન થતું હશે તો મારી *ઉંમર ૨૪ વર્ષ*

અગર તને વરસાદમાં *ગજરો* લેવાનું મન થાય તો મારી *ઉંમર ૩૦ વર્ષ*

અગર તને દોસ્તો સાથે વરસાદમાં ભીના થતા *ભજીયા* ખાવાનું મન થાય તો મારી *ઉંમર ૪૦ વર્ષ*

પછી મેં વરસાદને પૂછ્યું
*”અરે ભાઈ તું ઉંમર બતાવ,*
*ખાલી શબ્દોમાં ના ગૂંથીશ !”*
વરસાદે સ્મિત-હાસ્ય સાથે કહ્યું
*વરસાદને જેવું માણીશ તેજ મારી ઊમર*!

🌹 વરસાદ ની શુભ કામના 💐

વધુ વાંચો

#Rebellious
sha mate balawakhor thavu?
સહમત - સંમતિ - સફળતા
પ્રિય પરિવારજનો,
12 Secrets of Win - Win Situation...
લોકો ને તમારી વિચારસરણી સાથે સમજપૂર્વક સહમત કરવાના બાર બેનમૂન ઉપાયો.....
01.સામેની વ્યક્તિના અભિપ્રાયને આદરપૂર્વક માન આપજો. " તું ખોટો છું" તેમ કહીને એને ઉતારી ના પાડશો.
02.ભૂલ કે ગેરસમજ તમારી પણ હોઇ શકે. માટે તમારી ભૂલ કે ગેરસમજ હોયતો એકરાર કરજો.
03.વાતચીતમાં આત્મીયતા રાખજો, તે જીત નું પ્રથમ પગથિયું છે.
04.કુનેહપૂર્વક રજૂઆત કરવાથી સામી વ્યક્તિને તમારી વાત સ્વીકારવાનું મન થશે.
05.સંવાદ દરમ્યાન સામે વાળી વ્યક્તિને થોડી થોડી વારે બોલવાની તક આપજો જેથી તેનો અહમ સંતોષાય.
06. સામે ની વ્યક્તિ એમ જ લાગવા દો કે તમે એની જ વાતનો પડઘો પાડી રહ્યા છો.
07.બીજાના દષ્ટિ બિંદુ નો પ્રમાણિકપણે આદર કરો અને એને તટસ્થ રીતે મુલવો.
08.બીજાઓ ની ઈચ્છા અને લાગણીને માન થી જોતાં શીખો.
09.વ્યર્થ દલીલબાજી થી દુર રહો અને સામેની વ્યકિતને તમારા ઉમદા હેતુના સ્વીકાર માટે પ્રોત્સાહિત કરો.
10.કડવી વાત પણ એવી ચતુરાઈથી કહો કે સામી વ્યકિતને ખોટું લાગે નહીં અને તમારી શિખામણ એને ગમે.
11.મોકળા મન થી સામે ની વ્યક્તિની ટીકા સહન કરવા જેટલી ધીરજ અને સહિષ્ણુતા કેળવો.
12.પ્રત્યેક મુલાકાત સકારાત્મક, હકારાત્મક અને રચનાત્મક બની જાય તેવી ઊર્જા મય તૈયારી સાથે સામી વ્યક્તિ ને મળવા જાવ.
આ સૂચનો નો અમલ કરવાથી સંવાદ ..સફળતામાં અને રજૂઆત.... રાજીપા માં પરિવર્તિત થતાં વાર નહી લાગે.
Winner never quit,
Quitter never win.
મિત્રો, મહેનત એવી જોરથી કરો કે સફળતા શોર મચાવી દે....
Ashish Shah, Maaster Blaaster

વધુ વાંચો

આજે કોરોના નું બેસણું રાખેલ છે, badha વ્યવહારો શાંતિપૂર્વક પુરા કરેલ છે તેની બધાએ નોંધ લેવી.

#વિવેકી
સમસ્યાનો સામનો કરો
વિવેકી બનો
ભાગવત ગીતા મા લખ્યું છે કે જે સમયે કોઈ સમસ્યા જન્મ લે છે, તેની સાથેજ તેનું સમાધાન પણ જન્મ લે છે. આજે સમગ્ર વિશ્વ સંકટ નો સામનો કરી રહ્યું છે. મિત્રો, મુશ્કેલીઓ ગમે તેવી હોય છતાં આશા નો ત્યાગ મનુષ્યએ કયારેય ના કરવો જોઈએ. લાખો નિરાશામાં એક અમર આશા છુપાઈ છે. આશા આજની વાસ્તવિકતામાં થી આવતી કાલનું સર્જન કરનાર શિલ્પી છે. આ પૃથ્વી ઉપર પાંગરેલ જીવન આજ સુધી મુશ્કેલ અને વિકટ પરિસ્થિતિનો સામનો કરીને જ આગળ વધી શક્યું છે. દુઃખમાં માનવ નું સાચું જીવન ઘડતર થાય છે. દુઃખમાં અજ્ઞાન, અહંકાર અને ઈગો નો નાશ થાય છે. વિનમ્રતા, શ્રદ્ધા, સાદાઈ અને ભક્તિભાવ નું પ્રાગટ્ય થાય છે. ધીરજ અને હિંમત માનવી ને સમાધાન અને ઉકેલ તરફ લઈ જાય છે. અનેક અવરોધો આવવા છતાં ઝરણું તેની ગતી ને ત્યજતું નથી. તે પોતાની મસ્તી મા કલરવ કરતું કરતું આગળ વધે છે. મિત્રો, કસોટી ની એરણ પર ચડ્યા વિના કોઈપણ વસ્તુ ઉત્કૃષ્ટ બનતી નથી. સોનું આગ માં તપે છે, જયારે પત્થર ઉપર ઘા પડે છે ત્યારે મૂર્તિ નું સર્જન થાય છે. તેમ મનુષ્ય દુઃખ રૂપી અગ્નિમાં થી પસાર થઈને શક્તિશાળી, પ્રભાવશાળી અને મહત્વપૂર્ણ બને છે. પ્રભુ ભક્તિ, ભગવાનમાં ભરોસો, ઈશ્વરમાં શ્રદ્ધા અને પરમેશ્વરની કૃપા માનવ ને સમસ્યાનો સામનો કરવા શક્તિ મય અને ઊર્જા મય બનાવે છે.
"તમારા પ્રભુને કદી ના બતાવો કે તમારું દુઃખ કેટલું મોટું છે.....!
તમારા દુઃખને એ બતાવો કે તમારો પ્રભુ કેટલો મોટો છે.." !
માટે આ સમયમાં ટકવું પણ તૂટવું નહી. એક - મેક ને આ વિપત્તિના સમયમાં સહારો બનવાનો, સથવારો આપવાની અને સધિયારો અર્પણ કરવાની તાતી જરૂરિયાત છે.

વધુ વાંચો