લખવું ખૂબ ગમે છે. જીવન માં કોઈ ખાસ મહત્વાકાંક્ષા નથી પણ હદયને એક ખૂણે નાટકોમાં કામ કરવાની અને ફિલ્મો માટે વોઈસ ઓવર કરવાની ઇચ્છા ધરબાયેલી ખરી.

#તમારુ
# તારુ

" આરોગજે મારા લાલા, તારું છે ને તને અર્પણ કર્યું છે." આવું બોલીને કેસરબા કેશરના દૂધ વાળો વાટકો ભગવાનને ધરાવીને પોતે આરોગી ગયા. પાછળ ઉભેલી કામવાળી લખી પણ "જ્ય શ્રી કૃષ્ણ " કહી કામે વળગી ગઈ.

વધુ વાંચો

#મંદિર

વિદેશથી આવેલા મિત્રોને ના પાડી ના શકાઈ અને કેવડાત્રીજ ના દિવસે જ સવારે સલોની પોતાના પતિ અને બાળકો સાથે મિત્રોએ ભાડે કરેલી ગાડીમાં મિત્રો સાથે સોમનાથ જવા ઉપડી. લગભગ દસેક વાગ્યે અમદાવાદ થી નીકળેલી સવારી જ્યારે સોમનાથ પહોંચી ત્યારે રાતના ઘણું મોડું થઈ ચૂક્યું હતું. મનમાં બધાને ડર તો હતો જ કે મંદિરમાં દર્શન થાય તો સારું. પરંતુ ત્યાં જ તો મંદિરનો ઘંટારવ સંભળાયો કદાચ છેલ્લી આરતી હશે. બધા જ મંદિર તરફ દોડ્યા. ખૂબ જ સરસ રીતે બધાને દર્શન થયા. આખો દિવસ કેવડાત્રીજ નો નકોરડો ઉપવાસ અને રાત્રે સોમનાથ માં મહાદેવના થયેલા દર્શન સલોની માટે તો સોનામાં સુગંધ જેવા હતા અને પછી બીજા દિવસે સોમનાથમાં ઉડાવેલી ગરમાગરમ ગાંઠિયા અને ચા ની જયાફત. બધું જ જાણે હમણાંજ ના બન્યું હોય એવું ને એવું તાદશ્ય સલોનીને આજે દસ વર્ષ પછી પણ યાદ છે.

વધુ વાંચો

#ગુપ્ત

રાખવી હતી ઘણી ગુપ્ત વાતો ;
ન જાણે કેમ ?
ભર બજારે વહેતી થઈ.

#લક્ષણ

નાનપણ થી જ ભત્રીજી મેશ્વામાં ભણવાના લક્ષણો ન હતા. ભણવામાં એનું ધ્યાન ચોટતું જ ન હતું. આથી કાકી નતાશાએ સલાહ પણ આપેલી કે દસમાં ધોરણ પછી મેશ્વાએ બ્યુટી પાર્લર નો કોર્સ કરી લેવો જોઈએ પણ મેશ્વાના મમ્મીને તો કોમ્પ્યુટરનો કોર્સ જ કરાવવાની જીદ પકડેલી. કોમ્પ્યુટરનો કોર્સ પણ સહેલો નથી હોતો. એ માટે પણ ભણવું તો પડે જ. પણ ગમે તેમ પણ એ કાકીની સલાહ હતી આથી મેશ્વા અને એની મમ્મીને ગળે ઉતરતી નહી. માંડ માંડ દસમું પાસ કરીને મેશ્વા બારમામાં ચાર ટ્રાયલ પછી પણ પાસ ના થઈ. ત્યારે ન છૂટકે એણે બ્યુટી પાર્લરનો કોર્સ કર્યો. અત્યારે ઘરે બેઠાં મેશ્વા સારુ કમાઈ રહી છે. કાકી નતાશાને તો એ જ વાતથી સંતોષ છે.

વધુ વાંચો

#પસ્તાવો

વિદેશના મોલમાં કેશીયર તરીકે કામ કરતી કહાનીને રોજ રોજ નવા નવા અનુભવો થતા રહેતા. હજી હમણાંની જ વાત છે. એક ગ્રાહકે 80 ડોલરની ડીઝાઇનર ચાદર ઉપર સસ્તી ચાદર નું 14 ડોલરનું સ્ટીકર ચોટાડી દીધું. ચાદર ઉપર 80 ડોલરનું બારકોડ સાથેનું સ્ટીકર તો હતું જ. હવે ચાદર ઉપર બે સ્ટીકર થઈ ગયા એક 80 ડોલરનું અને એક 14 ડોલરનું. જો કે બારકોડ ઉપરથી આ વસ્તુ પક્ડી શકાય કે બંને વસ્તુ જુદી છે અને કેશ આઉટ કરતી કહાનીએ આ પક્ડી પાડ્યું. પણ ગ્રાહક ખૂબ જબરો હતો. તેણે આ ચાદર 14 ડોલરમાં જ લેવાની જીદ પકડી. મેનેજર કલ્પનાબેન આગળ પણ ગ્રાહકે ખરાબ વર્તન કર્યું. જો પકડવો હોય તો ગ્રાહકને ઘણી રીતે પક્ડી શકાય દરેક મોલમાં કેમેરા તો લાગેલા જ હોય પરંતુ સ્ટોર મેનેજર જેમ્સે વચમાં ઝંપલાવ્યું અને મામલો થાળે પડ્યો. અને છેવટે ગ્રાહક 14 ડોલરમાં ચાદર લઈને ગયો. દરેકનો અડધો કલાકનો સમય બગડ્યો એ નફામાં. " શું ખરેખર ગ્રાહકને આવું કરવાનો પસ્તાવો નહી થયો હોય" એવું કહાની મનોમન વિચારી રહી. સૌથી ખરાબ વસ્તુ એ હતી કે ગ્રાહક ગુજરાતી હતો.

વધુ વાંચો

#વિશ્વસનીય

આમ વારંવાર સપનામાં આવે એ હવે જચતું નથી;
આવવું હોય તો આવી જા તારા વગર ગમતું નથી;

વિશ્વસનીય હતી તારી વાતો ;
યાદ આવે છે તારી વાતો;

બાવરી બનાવીને ચાલ્યા જવું હવે તને શોભતું નથી;
આવવું હોય તો આવી જા તારા વગર ગમતું નથી.

વધુ વાંચો

#આરામ

પોતે શિક્ષક નથી તો શું થયું ? પરંતુ સમાજને શિક્ષિત કરવો છે એવી જ ભાવના સાથે વૈશાલી એ બાજુના ઝૂંપડપટ્ટીના બાળકોને ભણાવવાનું ચાલુ કર્યું. આખો દિવસ નોકરી કરે અને સાંજે એક કલાક શિલાલેખ ફ્લેટના ચોથા માળે આવેલા પોતાના ઘરમાં બાળકોને ભણાવે પરંતુ ફ્લેટના લોકોએ આ બાબતનો વિરોધ નોંધાવ્યો. ઝૂંપડપટ્ટીના બાળકો પોતાના ફ્લેટમાં આવે એ એમને યોગ્ય ન લાગ્યું પણ એમ કંઈ વૈશાલી થોડી આરામ પ્રિય હતી ? હવે એણે ઝૂંપડપટ્ટીમાં જઈને બાળકોને ભણાવવાનું ચાલુ કર્યું.

(આજે શિક્ષકદિન નિમિત્તે શિક્ષકોની સાથે સાથે જે લોકો શિક્ષક નથી છતાં સમાજ ને કેળવણી આપવા માટે કાર્ય કરે છે તેવા લોકોને પણ શત શત વંદન )

વધુ વાંચો

#આરામ

સવારના પાંચ વાગે ઊઠીને ઘરનાં કામમાં લાગી જતી વૈશાખી જ્યારે બપોરના પોતાના બંને બાળકો ટ્યુશન જાય ત્યારે આરામ લઇ જ લેતી. બપોરના માંડ એક કલાકનો આરામ લઈને એ પોતાની જાતને રાતના બાર વાગ્યા સુધી કામ કરવા તૈયાર કરી દેતી. બધા ભલેને કહે " બપોરના તો વૈશાખી ને ફોન જ ના કરાય ઉપાડે જ નહી ને!" પણ પોતાના શરીરને કેટલા આરામની જરૂર છે તે પોતાના થી વધારે કોણ જાણે ?

વધુ વાંચો

મારું જ લેખન અને મારી જ વાચા..!☺️

epost thumb

#દાખલો

"ફલાણાની વહુનો જ દાખલો લો. નોકરી પણ કરે છે. અને બાળકોને પણ સાચવે છે. અને ફલાણાની વહુ તો વળી ટ્યુશન ક્લાસ ચલાવે છે. ઘર પણ સચવાય અને કમાણી પણ થાય." રોજ છાપુ વાંચતા વાંચતા કથનીના સાસુમાં રોજ કથનીને નવા નવા દાખલા સંભળાવતા પણ કથની પોતાના બંને નાના બાળકોને લીધે નોકરી કરવા રાજી ન હતી. સાસુમાંના મોઢેથી બધાની વાતો સાંભળી સાંભળીને કંટાળેલી કથનીએ અંતે નોકરી માટે મન મનાવી લીધું. અનેક પ્રયત્નો પછી એને ગણિતના શિક્ષક તરીકે નજીકની શાળામાં નોકરી મળી ગઈ. પહેલા કથની લોકોના દાખલા સાંભળતી હતી હવે એ નિશાળમાં દાખલા ગણાવે છે.

વધુ વાંચો