i m a writer and goverment teacher. i love my life. life is short make most of it... cooking n writing is my passion.

#Gandhigiri

ગાંધી એક વ્યક્તિ નથી, વિચાર છે.એમના મહાવ્રતોનું પાલન અઘરું ચોક્ક્સ પણ અશકય નથી.ગાંધી ચીંધ્યા માર્ગ પર થોડું ચાલીએ તો ઘણું. વર્ગમાં એક વાર ગાંધીજીનો પરિચય આપવાનો થયો. થોડા પ્રેરક પ્રસંગો કહ્યા.સંજોગવશાત એ દિવસે ગામમાં વાલીઓના ઘરે જવાનું થયું.ઠેરઠેર લોકોના ઘર નજીક કચરો હતો, ઘણા વ્યક્તિઓ ખુલ્લામાં શૌચાલય જતા હોવાની પણ જાણ થઈ. બીજે દિવસે મેં ગાંધીગીરી ચાલુ કરી.વર્ગના બધા બાળકો ના ઘરે જઈ જાતે કચરો વાળ્યો ને ગામસફાઈનું કાર્ય શરૂ કર્યું. બાળકોને શૌચાલયના ઉપયોગ ની વિગત વાર સમજ આપી.વાલીઓએ અમને સફાઈ કરતા જોયા એટલે ઘણાએ અમને કહ્યું કે બેન તમે બધા ના કરો અમે કાલથી અમારું ઘર આંગણું સાફ કરીશું. બીજે દિવસથી ગામ માં બધા આંગણા ચોખ્ખા જોવા મળ્યા.લોકો શોચાલય વાપરતા થયા. બાળકો પણ આવીને મને કહી દેતા કે આજે અમે અમારી ઘર આસપાસ કચરો સાફ કરી આવ્યા. બાળકોમાં સ્વચ્છતા, નિયમિતતા વધી.બીજું જોઈએ શું... ગાંધીવિચારોને આમ ઉજાગર રાખીએ. વંદે મહાત્મા

વધુ વાંચો

Tanvi Tandel
#apna_openmic #OpenMic

-- Apna Open Mic

માતૃભારતી થકી પ્રસારિત થઇ https://video.matrubharti.com/111253861/video

#KAVYOTSAV -2

कहानी आज नई सुनाती हूं।
एक था लड़का और एक थी लड़की
दोनों में प्यार की तिष्नगी भडकी।
सात फेरे लेकर बन गए वो हमसफ़र,
उस के बाद शुरू हुई जीवन की नई डगर
दोनों मिलकर बहाते थे बेशूमार प्यार की बारिश
इसी प्यार के मौसम में आई इक नई ख्वाहिश
पत्नी को ज्यादा टीवी सीरियल से लगाव था
पति को भी करना हीरो वाला प्यार था।
पति बेचारा ईश्क ए समंदर बहाके के ले आता,
कमियां उसमे खोजना पत्नी को यही भाता था।
बिचारा आंखों से बाते करनेको तलसता,
शिकवा शिकायतें से जगड़ना पत्नी को यही आता था।
पति का हाल जानू जानू करके बेहाल था।
बहुत हुआ टीवी वाला प्यार का दिखावापन,
अब तुम्हीं रहो तुम्हारे टीवी वाले आंगन।
रूठ गया पति चल पड़ा करके दिल के टुकड़े हजार।
जिंदगी की राहो में कमबख्त अकेली जब हुई पत्नी,
तभी समझ आयी , निकल पड़ी वो समेटने अपना खोया हुआ प्यार,
पति को उसने आंगन में ही पाया।
तेरे संग जिंदगी बितानी पत्नी ने फरमान सुनाया
ना अब दिखावें वाली टीवी की दुनियां में जीऊंगी।
अब पति के संग जिंदगी खुलकर प्यार से बिताऊंगी।
पति पत्नी दोनों प्यार से जिंदगानी जीने लगे।
प्यार भरे अंदाज़ से पूरी हुई ये कहानी ।
- તન્વી કે ટંડેલ

વધુ વાંચો

#KAVYOTSAV - 2

પ્રેમકહાની
શબ્દ વિના સમજણની આ મીઠી કહાની
નિતનવા ખેડાણ ની લિજ્જત અહી સોનેરી
જીવનપર્યંત હિસાબ છે આ રોકડીયો
ના ઉધાર...ના જમા
' કન્ડીશન વિના રિલેશન'
થોડી આશા, થોડી અભિપ્સા
અગણિત છે અહી ઝાપટાં ની સંખ્યા
" મહાભારત" સર્જાતું 'પ્રેમ' શબ્દથી
ડીસ્ક્રાઇબ થતા અલગ નામથી
છતાંય... શ્રદ્ધા હમેશ આગમનની
ફલશ્રુતિ..........
એકબીજા સંગ સદાયે અહી ' હેપીનેસ' છે.
- તન્વી ટંડેલ

વધુ વાંચો

#KAVYOTSAV -2

દર્પણ માં જોઈ ચહેરો અમથું અમથું મલકાઈ ઉઠી
ગુલાબી માહૌલ ની મીઠી ક્ષણ નજરે છલકાઈ ઉઠી.
હૃદયે રેલાયા ગુંજન ગીતો મનમાં મીઠી મૂંઝવણ
ટહુક્તા મોરલા મનડે ને વ્હાલમનું મુને વળગણ
પહેરી લઉં રૂડું સ્મિત અધરે, લાઉં લજ્જાની લાલી ચહેરે
વિખરાયેલી ઝુલ્ફોને ફરી થોડી સંવારી લઉં
મ્હેકતી હથેળીને હેતથી ફરી તરબોળી દઉં
ઢળતી સાંજના અજવાસે સંભવોનું આકાશ સર્જી લઉં
તૃષાતુર વાટે તું ના દેખાય તો દશ્યમાન હું બની જાઉં.
મિલન ની ક્ષણ ને અર્પણ મારું સમસ્ત જીવન કરી દઉં.
આવ સાજન સરનામુ લઈ ખુશીઓનું આંગણીયે
વાટ નીરખી રહી હું ઘડિયાળ ના એક એક ટકોરે...
સુણીને પગરવ હું ફરી સાચુકલી મલકાઈ ઉઠી...
ગુલાબી મિલનની ક્ષણ નજરે છલકાઈ ઉઠી..


- તન્વી કે ટંડેલ.

વધુ વાંચો

#KAVYOTSAV -2

ઉર સાગરમાં પ્રગટતી કંઈકેટલીય યાદો
તોય એક ખાસ સ્મૃતિમાં જીવવાની આદત જી.
સર્જાતી રોજે રોજ અવનવી ઘટનાઓ
છતાં એક નાની વાતે ખિન્ન થવાની આદત જી.
લઘુ ગુરુ મળી પંક્તિમાં કેટલાયે છે અક્ષરો
તોય સતત તારો ચહેરો વાંચવાની આદત જી.
સાત રંગોએ રચાયેલી સુંદર સપ્તપદીમાં
પલ્લું તારું મારું સમતોલ કરવાની આદત જી
અદાલત ભલે ઊભી અટપટા પ્રશ્નોની
સહિયારો સરવાળો ગણવાની આદત જી.
લાગણી માંગણીઓના વૃંદાવનમાં રોજ
ઝાંઝવાનો પુલ બાંધવાની આદત જી.
લાચાર ભલે કહેવાઉં હદથી વધારે,
બસ તારી સમક્ષ કરગવાની આદત જી.
નિર્બળતા ગણો કે મૌન, ભિરુમાય ખપાવો
સાંભળી બધાનું ચૂપ રહેવાની આદત જી
સમેટવો ભલે પડે બધો અસબાબ જાહેરમાં
આમ અમથું અમથું ખીલવાની ના આદત જી.
વરસાદ કાંઈ ચોમાસે જ ના વરસે
રુદન નો નિયમ ના હું એ પાળું એ આદત જી.
સહન કરવાનું,નમવાનું વિના કારણે ગમે ત્યાં,
તોય નિભાવવાની કામગીરી આપણી આદત જી.
ચાલીશું જીવન સફરે નિરંતર સંગાથે
તારા અસ્તિત્વના વ્યસનની આદત જી.
- તન્વી કે ટંડેલ.

વધુ વાંચો

#KAVYOTSAV -2

ઈશ્વર...
તમને કઈક પૂછવું છે....
તને જોયા વિના જ બધા તારી વાતો કરે છે.
કેટકેટલાં સ્ત્રોત્ર,ભજનો ગાય છે.
તો તું સાંભળે છે?...
હાથ જોડી જોડી પથ્થર પૂજતા માણસો,
તને દેખાય છે ને?
તારું મુકામ પોસ્ટ ક્યું છે હે?
તું મંદિર માં રહે છે??? કે પછી....
થોડાક મસ્જિદ ને ચર્ચમાં પણ તને શોધે છે.
જોયા વિના મૃગજળની વાત
કવિતામાં થાય તો ચાલે પણ...
તારી???
ગીતા,કુરાન,બાઇબલ વાંચીનેય
અમલ ક્યાં થાય છે....
તું તો જોતો હશે ને..
તારી જાદુગરી ...મનેય બતાવને.
હાર - તોરા લાઉં?
તું મૂર્તિમાં આરામ ન ફરમાવતો હો...
તારા હોવા ના હોવાની
તર્ક પૂર્ણ દલીલોમાં હું નથી પડતી.
હું તને પૂજ્યભાવે વળગી રહીશ.
તું આવશે એ શક્યતા સાથે,
ઈશ્વર ...તું આવીશ ને?????
- તન્વી કે ટંડેલ.

વધુ વાંચો

દરેક વ્યક્તિને પોતાની માતૃભાષા પર ગર્વ હોય છે. અને કેમ નહિ ? હોવો જ જોઈએ. અનુભૂતિની, વિચારોની, સ્વપ્નની, હ્રદયની ભાષા આપણી માતૃભાષા છે.બે વ્યક્તિ ઝઘડતી હોય ને તો એ એની માતૃભાષામાં જ ઝગડી શકે.બે પ્રેમીપંખીડા ભલે મોબાઈલ માં લવ યુ મેસેજ મોકલતા હોય પણ લાંબી લચક વાતો તો પોતાની માતૃભાષા ગુજરાતીમાં જ કરે.વ્યક્તિને પ્રેમ જતાવવા, હ્રદયની સંવેદના વર્ણવવા , ઝઘડવા,વિચારોના પ્રગટીકરણ માટે પોતાની ભાષા ગુજરાતી જ ગમે. આપણા બાળકોને અંગ્રેજી માધ્યમમાં ભણાવવાનો આપણે ફરજિયાત આગ્રહ રાખીએ છીએ તો તેને માતૃભાષા નો વારસો કેવી રીતે આપીશું? હા, અંગ્રેજી શિક્ષણની ચોક્કસ જરૂરિયાત છે પરંતુ માતૃભાષા ભોગે તો નહિ જ. અંગ્રેજી વાયરો ચરમસીમાએ છે ત્યારે આજે વિશ્વ માતૃભાષા દિવસે સંકલ્પ કરીએ આપણી માતૃભાષા ગુજરાતી ને જીવંત રાખવાનો, તેનું સંવર્ધન કરવાનો. મિત્રો ગર્વ કરો આપણી માતૃભાષા ગુજરાતી છે. ભવ્યાતિભવ્ય ગુજરાતી ભાષાનો ખજાનો પુસ્તકો રૂપે આપણી સમક્ષ છે.આજના દિને એક સંકલ્પ કરીએ અઠવાડિયે,,મહિને નહિ પણ એક આખા વર્ષ દરમિયાન ઓછામાં ઓછાં બે ગુજરાતી પુસ્તકો તો ચોક્કસ ખરીદિશું.અને ફરજીયાત માતૃભાષાના પુસ્તકો વધુ વાચીશું.ઘર આંગણે થી માતૃભાષાનું જતન કરવાનો પ્રયત્ન કરીએ. આપણે વાંચીશું તો ભવિષ્ય ની પેઢી ગુજરાતી ભાષા જાણશે, વાંચશે, માણશે ને અપનાવશે. ગુજરાતી હોવાનો ગર્વ અનુભવશે.

અંગત અનુભૂતિની દુનિયા ગુજરાતી
ધન્ય છે મારી માતૃભાષા ગુજરાતી
વ્યક્તિત્વ ની આગવી ઓળખ ગુજરાતી
બનાવીએ હ્ર્દય ધબકાર ગુજરાતી
મીઠાશ ભરતી સુંદર ક્ષણોમાં ગુજરાતી
વાંચીએ ગુજરાતી,બનીએ ગર્વથી ગુજરાતી
ધન્ય છે મારી માતૃભાષા ગુજરાતી.
- તન્વી કે ટંડેલ.

વધુ વાંચો