hi I m Prashant Somani From Surat Study :- MBA (Media) we r doing exp.-imp Textile Business In surat..

સ્વર્ગથી આશિષ તમે આપો પપ્પા,
હાથ મારા શીશ પર રાખો પપ્પા.

વૃક્ષનો એ છાંયડો બનતાં તમે,
આવનારા દુઃખ દર્દ કાપો પપ્પા.

ભીંત પર ફોટો નથી, છે લાગણી,
જીંદગીભર સાથમા લાગો પપ્પા.

આપ તો દિલમાં વસો છો રાત’ દી,
છે તમારો આશરો સાચો પપ્પા.

આપને જોનાર પણ નાં ઓળખે,
માનવીમાં દેવતા લાગો પપ્પા.

.....પ્રશાંત સોમાણી

વધુ વાંચો

આપ મેળે રાહ સાચી પારખી શકતો નથી.
એટલે તારા વગર ડગલું ભરી શકતો નથી.

કાગળોમાં દીવડા પ્રગટાવી રાખ્યા ક્યારના,
સૂર્યની સામે છતાં તેને ધરી શકતો નથી.

છો ગુમાની લાગું તમને, તે છતાં સાચું કહું,
સાવ ખોટા લોક સામે કરગરી શકતો નથી.

આંખમાંથી આંસુ તો દડદડ વહેતા જાય છે,
દર્દ સઘળા કાળજામાં સાચવી શકતો નથી.

કેમ આવે યાદ તારી આટલી, કોને ખબર?
એકધારું હું મને પણ સાંભરી શકતો નથી.

પીઠ પાછળ ખાઈ લેશે પ્રેમખંજર શોખથી,
પ્રેમ કરવાથી કદી સાજન ડરી શકતો નથી.

આભ લગ મોટા મહેલો છો ચણાવ્યા તે પ્રશાંત,
યાદ મારી એની ભીતર તું ચણી શકતો નથી.

....પ્રશાંત સોમાણી

વધુ વાંચો

કોઈને ક્યાં ખબર હતી મારી?
તારા ઉપર નજર હતી મારી.

આટલા વરસે તું મળી'તી તોય,
તારી આંખે કદર હતી મારી.

તું મને ધીરે ધીરે સમજી ગઈ,
આખરે તો અસર હતી મારી.

કેમ ભૂલી શકું હું યાદોને?
એ વિતેલી સફર હતી મારી.

ઓય, મળવા તું કેમ નાં આવી?
ઘરની સામે કબર હતી મારી.

..પ્રશાંત સોમાણી

વધુ વાંચો

બધી રીતે એ તમને ખાય છે છોડો તમાકું ને,
તમારું જીવતર રોળાય છે છોડો તમાકું ને.

કશું દેખાય નાં આ મોજ મસ્તીમાં ભલે તમને,
ખરેખર સાવ ઘર ધોવાય છે છોડો તમાકું ને.

નવી પેઢી નવા સંસ્કાર શીખે આપની પાસે,
જુની નું નામ પણ બોળાય છે છોડો તમાકું ને.

નશાને કોણ સમજાવે, બધું પત્થર ઉપર પાણી,
છતાં કોશિશ કરું, સમજાય છે! છોડો તમાકું ને.

ભલે હું આકરો લાગું છતાં સાચું કહું તમને,
મરણ સામું મને દેખાય છે છોડો તમાકું ને.

...પ્રશાંત સોમાણી

વધુ વાંચો

તેજી મંદી આમ જ અવિરત, ચક્રની માફક ચાલે છે,
ખોટી ચિંતા કરશો નહી, બાકી ભગવાન હવાલે છે.

ઘટના બનતી હો કે ના બનતી હો,બેફામ ચગાવી,
અફવાના શહેરોમાં અખબાર ઘણાં ફૂલે-ફાલે છે.

પગ તારા ચાલે, તો મરજી પણ કાયમ તારી ચાલે,
ઈચ્છાઓ મારીને શાને નાચે એના તાલે છે?

એ સરકારી કાગળ ઉપર શતરંજ બિછાવે મોટી,
મોટા-ખોટા પેકેજ ધરી ચાલ અનોખી ચાલે છે.

સાચું જાણી લે જનતા, સરકારોને ચિંતા શેની?
એક તમાચો તારા, એક તમાચો મારા ગાલે છે.

...પ્રશાંત સોમાણી

વધુ વાંચો

તમાં છોડીને આવ્યો છું,
નજર ખોડીને આવ્યો છું.

બધું તો સાથમાં રાખ્યું,
શું તરછોડીને આવ્યો છું?

ઘણાં જાહેરમાં બોલે,
અહમ તોડીને આવ્યો છું.

હતો સંબંધ તકલાદી,
છતાં જોડીને આવ્યો છું.

તને મળવા નહી આવું,
કહી દોડીને આવ્યો છું.

...પ્રશાંત સોમાણી

વધુ વાંચો