દુનિયામાં સૌથી મજબૂત અને સૌથી રહસ્યમય કંઈ હોય તો એ છે માનવ મન. માનવીના મનમાં ઉભરાતા, ઉછાળા મારતાં લાગણીઓના પુર જ નવી નવી ઘટનાઓ ઘટવાનું કારણ બને છે અને એને પેપર પર કંડારીને, આપની સમક્ષ એક વાર્તા રૂપે લઈ આવીશ હું... આપ એ વાર્તાને વાંચજો અને આપનો અમૂલ્ય પ્રતિભાવ ચોક્કસ આપજો.

मेहरबानी नहीं तुम्हारा प्यार माँगा है
तुम्हें मंज़ूर है तभी तो यार माँगा है
गैरों के डर से तेरे शहर से
है कसम रिश्ता तोडूं ना...

ચેન્નઈ એક્સપ્રેસમાં શાહરૂખ ગાડી લઈને આવી જાય છે અને દીપિકાને ભાગવાનું કહે છે ત્યારે એ પહેલા ભાગીને ઘરમાં જાય છે. એ જોઈ શાહરૂખ કહે છે,

“આ સમયે પોતાના સામાનની ચિંતા કોણ કરે? આ સ્ત્રીઓને સમજવું મુશ્કેલ છે!"

બીજા જ સીનમાં દીપિકા દોડતી ઘરની બહાર આવતી દેખાય છે, એના હાથમાં એક પિત્તળનો કળશ હોય છે જેમાં શાહરૂખના દાદાની અસ્થીઓ હોય છે! ત્યારે શાહરૂખ કહે છે, “ખરેખર સ્ત્રીઓને સમજવી મુશ્કેલ છે!"

પુરુષો એમના રોજિંદા કામકાજમાં એવા ગૂંથાઈ ગયા હોય છે કે કેટલીક નાની નાની વાતો એમને બીજ જરૂરી લાગે, મગજનો તવો કરનારી લાગે અને એ એમને છોડી દેવાનું વિચારે...

હવે એ જ સમયે જો એ પુરુષના જીવનમાં કોઈ પ્રેમાળ સ્ત્રી હશે તો એ પરાણે એ પુરુષ પાસે કેટલાક કામ કરાવશે. શરૂમાં પુરુષને આળસ આવશે, કંટાળો આવશે પણ પાછળથી એને ખ્યાલ આવશે કે એણે જે કંઈ કર્યું એ એના પોતાની જ ભલાઈ માટે હતું! એ સ્ત્રી તમારી મા, બહેન, પત્ની, પુત્રી કે દોસ્ત કોઈ પણ હોઈ શકે છે. શરત એટલી કે તમે એની જીદ પૂરી કરવા પ્રયત્ન કરતા હોવા જોઈએ. એની લાગણીને ઠેસ પહોંચાડી તમને તકલીફ થતી હોય.

યાદ કરી જુઓ... એવી કોઈ એક વાત તો તમારા જીવનમાં બની જ હશે જે નોર્મલ સંજોગોમાં તમે ના કરત, છોડી દેત પણ કોઈ સ્ત્રીએ તમને એ કરવા માટે મજબૂર કર્યા હોય અને આજે તમને એ વાતનો સંતોષ હોય!

મેં હમણાં જ નોટીશ કરેલી એક વાત અહીંયા કરું,

અમારા એક ફેમિલી ફ્રેન્ડ છે જે પોલીસ ખાતામાં ઉચ્ચ હોદ્દા પર છે. હવે પોલીસમાં તમે હો એટલે નિયમિત કસરત અને પ્રોટીન યુક્ત ખોરાક જોઈએ. આ ભાઈએ રોજ સવારે ઇંડા ખાવાનું ચાલું કર્યું. આખું ઘર ચુસ્ત શાકાહારી છતાં આ ભાઈની નોકરી એવી, ખૂબ દોડાદોડી રહે એટલે ઘરના બધાએ ઇંડા પૂરતી છૂટ આપી.

એ ભાઈની નાનકડી દીકરી છે. છ કે સાત વરસની હશે. એણે એક સવારે પપ્પાને બૉઇલ એગ્સ ખાતા જોયા અને એને બહુ ખરાબ લાગ્યું. સવારે તો એ કંઈ ના બોલી પણ આખો દિવસ ચૂપ રહી. છેક રાત્રે એણે એના પપ્પા પાસે જઈને કહ્યું,

“મને એક પાક્કું પ્રોમિસ આપો!"

“શું પ્રોમિસ જોઈએ છે?"

“કાલથી તમે એગ્સ નહિ ખાઓ!"

“બેટા એ મારી બોડી, મસલ્સ બનાવવા જરૂરી છે."

“કહ્યું ને...ના એટલે ના! તમે કોઈ નાના બચ્ચાને મારીને કેવી રીતે ખાઈ શકો?" છોકરીની આંખો ભરાઇ આવી.

“ઠીક છે રોજ નહિ ખાઉં, ઓકે?" બાપ પણ થોડો કૂણો પડ્યો.

“જે દિવસે તમે એ ગંધાતી વસ્તું ખાશો એ દિવસે હું ઉપવાસ કરીશ!"

આટલી નાનકડી છોકરીએ સિક્સર મારી. એના પપ્પા ખુદ વિચારમાં પડી ગયા. ઘરમાં કોઈ કંઈ ના બોલી શક્યું.

બીજા દિવસે સવારે એ ભાઈએ પત્નીને મગ બાફીને આપવાનું કહ્યું અને દીકરી સામે જોઈ એક સ્મિત આપ્યું, દીકરીએ એના પપ્પાને ગળે વળગી કહ્યું,
“મારા પપ્પા દુનિયાના બેસ્ટ પપ્પા છે!"

એ ભાઈ કહે છે એ કદાચ નોનવેજ તરફ વળી જ ગયા હોત. જે લોકો ખાય છે એનાથી એમને કોઈ ફરિયાદ કે છોછ નથી, પણ એ દિવસે દીકરીએ બાંધેલી લક્ષમણરેખા પાર કરવાની એમની હિંમત ક્યારેય નથી થઈ. ઇંડા ના ખાવાથી એમને ક્યારેય કોઈ તકલીફ પણ નથી પડી!

વધુ વાંચો

કેવી એ ઘડી હશે, કેવી એ પળ
જ્યારે શ્રી કૃષ્ણે શરીર છોડ્યું હશે
આખી સૃષ્ટિ રડી રહી હશે
પ્રભુનો જીવ કેમ ચાલ્યો હશે
શરીર છોડીને જતા
એમના વ્હાલાને છોડીને જતા
આખી દુનિયા કઠોર થઈ શકે
પથ્થર જેવી થઈ શકે પણ,
મારો શ્યામ એના પ્રિયજનને છોડી દે
એ વાત હું ક્યારેય ન માનું.
દુઃખ તો ઘણુંય થાય છે પછી વિચાર આવે
માધવ ક્યાંય ગયા નથી
શરીર છોડી હૈયામાં આવી વસ્યા
આ જે પ્રેમનો અહેસાસ છે
માનવીની માનવ હોવાની સાબિતી
એ જ છે કૃષ્ણના હોવાની નિશાની!
- નિયતી કાપડિયા

વધુ વાંચો

“अपनी मरजी से चार कदम तो चलने दे ए जिंदगी,
हम तेरी मरजी पे चले है बरसो!"

નેટફલીક્સ પર હાલ જ પૂરી કરી. એક સુંદર મારા ટેસ્ટની ફિલ્મ!

“The dark side of life: Mumbai City"

દરેક વખતે આત્મહત્યા કરવી એ જ આખરી ઉપાય નથી હોતો, શું ખબર એ તમારી પરિક્ષા હોય અને જો એમાંથી બચી જાઓ પછી નિયતિ તમારા ઉપર મહેરબાન થવાની હોય! જીવનમાં હાર ભલે થાય જીવનથી હાર ના માનો. કયારેક જીતી પણ શકશો એ શક્યતા ઊભી કરવા માટે પણ સૌથી મોટી શરત છે, જીવતા રહેવું!

સંવેદનશીલ માણસોએ જોવા જેવી ફિલ્મ. કોઈ મોટું રહસ્ય કે સસ્પેન્સ નથી ફિલ્મમાં, શરૂઆતથી જ ખબર પડી જાય છે કે અંતમાં શું થશે અને છતાંય અંત સુધી ફિલ્મ જોવી ગમે છે. આ જિંદગી ઓછી રહસ્યમય છે?
કયારેક એવું થાય કે જેની ઉપર વરસોથી વિશ્વાસ રાખતા હોઈએ એ તમારો વિશ્વાસ તોડે અને જેની પાસેથી કોઈ અપેક્ષા રાખવાનું વિચાર્યુ પણ ના હોય એવા લોકો તમને જીવનમાં વિશ્વાસના પાઠ ભણાવી જાય!
- નિયતી કાપડિયા.

વધુ વાંચો

કોઈ મને પૂછે કે સવારે નાસ્તામાં શું ખાધું? હું જવાબ ના આપું પણ હસી પડાય!

મારા મગજમાં જે પહેલો વિચાર આવે એ હોય, “છીંકો" 😂

રોજ સવારે ઉઠતાં વેત મારે દસ બાર છીંકો ખાવાની સીઝન આવી ગઈ છે. જન્મી ત્યારથી આ પ્રોસેસ ચાલું જ છે. એમાં વચ્ચે ક્યારેય કોઈ ખામી નથી સર્જાઈ. મને ધૂળની એલર્જી છે. જરાક ધૂળ ઉડી કે છીંકો ચાલું. મારે પંખો એક ઉપર જ જોઈએ, વધારે ગરમી હોય તો બે ઉપર કે પછી એસી ચાલું કરી લઉં પણ જો પંખો ત્રણ ઉપર ગયો તો તરત છીંકો ચાલું...😂 નાક ઉપર જરીક હાથ અડી જાય તો છીંકો ચાલું...અરે આઈબ્રો કરાવતી હોઉં અને લમણેથી વાળ ખેંચાય તોય છીંક આવી જાય!

હવે વિચાર કરો આજના આ વિપરીત સમયમાં મારી હાલત જોઈ લોકો શું વિચારતા હશે? લોકોની છોડો, એ શું વિચારતા હશે એ વિચારવાનું કામ આપણું નથી પણ એ વખતે હું જે વિચારું છું એની મને વધારે મજા આવે છે...

અમારા ઘરે કામ કરવા આવતા બહેન બે દિવસ ઘરે રહ્યા બાદ આજે પાછા આવી ગયેલા. કહે, “બેન તમને તકલીફ પડે ને. મારે ઘરે રહીને આખો દિવસ શું કરવાનું? અહીંયા સિવાય હું બીજા કોઈના ઘરે ક્યાં કામ કરું છું?"

મેં એમને સમજાવ્યું કે ઘરે રહેવું કેમ જરૂરી અને એ દરમિયાન જ મારો છીંકો ખાવાનો પ્રોસેસ ચાલું થઈ ગયેલો. એ બેન મારી સામે જોઈ રહેલા. મને મજા આવી. મેં કહ્યું, “મને કોરોનાનો ચેપ લાગી શકે છે! અમારે ત્યાં મોટા ભાગના ફોરેનથી આવેલા દર્દીઓ આવે." આટલું બોલતા બોલતા મેં બે છીંક ખાઈ લીધેલી.

એ બહેન થોડીવાર ચૂપ રહ્યા, મારી સામે ટગર ટગર જોયા કરે પછી સાવરણી ઉઠાવી કચરો કાઢવા લાગ્યા અને મને કહે, “હું કંઈ આજકાલની અહીંયા આવું છું. સવાર સવારમાં તમારું છીંકો ખાવાનું તો રોજનું છે! રોજ રોજ નહીં આવું પણ વચ્ચે વચ્ચે આવી જઈશ."

હવે એમને મારે ફરી સમજાવવું પડશે, ઘરે રહેવું કેમ જરૂરી એ ગરમ થઈને કહેવું પડશે. આજકાલ ભલાઈનો જમાનો નથી રહ્યો... કોરોના એ બધાને સ્વાર્થી બનવાનો સંદેશ આપ્યો છે!

તમેય ઘરમાં પુરાયેલા રહો, કોઈ મહેમાન આવે તો દરવાજો ખોલવા પણ ના જતા ફોન ઉપર જ વાત કરી લેજો... આજુબાજુમાં લોકો શું કરે છે એ જોવાની વૃતિ પર સંયમ રાખજો. કોઈ તમારી જાણીતી વ્યક્તિને કોરોના પોઝિટિવ આવે તો એને ત્યાં મદદ કરવા જવાનું ભૂલથી પણ ના વિચારતા...એને તરત સિવિલમાં દાખલ થઈ જવાની સલાહ ફોન ઉપર જ આપી દેજો.

નિયતીના જય શ્રી કૃષ્ણ 🙏

વધુ વાંચો

I never wish to shine up like a new penny,

I'm just in search of myself, the real me!

-Niyati Kapadiya

આજે એક ભજનની લાઈન અચાનક યાદ આવી ગઈ,
“ઓ કોરોના ના કરનારા, તારા કોરોના નો કોઈ પાર નથી!"
સાસુએ ટોકી, “કરુણા..."
😅😅😅

વધુ વાંચો

આજે એક ભજનની લાઈન અચાનક યાદ આવી ગઈ,
“ઓ કોરોના ના કરનારા, તારા કોરોના નો કોઈ પાર નથી!"
સાસુએ ટોકી, “કરુણા..."
😅😅😅

વધુ વાંચો

અમારા શહેરમાં એક યુવાન વિદેશથી પાછો આવ્યો. થોડા દિવસ બાદ એને શરદી ઉધરસ થતાં એ ડૉકટર પાસે ગયો. ડોકટરે એને સિવિલમાં જઈ તપાસ કરાવવાની સલાહ આપી. એ યુવાન બીજા દિવસે બીજા ડૉકટર પાસે ગયો. ત્યાં પણ એને સિવિલમાં જવાનું કહેવાયું.

એ છોકરો અમદાવાદ સિવિલમાં દાખલ થયો. એને અલગ રખાયો અને એના રિપોર્ટ પૂનાની લેબમાં મોકલવામાં આવ્યા. કાલે રાત્રે એનો રિપોર્ટ પોઝિટિવ આવ્યો!

અહીંયા એ છોકરો વિદેશથી પાછો આવીને જે જે જગ્યાએ ગયો, જેટલી વ્યક્તિના સંપર્કમાં આવ્યો એ બધાને એણે કોરોનાગ્રસ્ત બનવાનો મોકો આપ્યો. એણે જાણીને આવું નથી કર્યું, એનાથી ભૂલ થઈ એમ આપણે માની લઈએ પણ એણે બિમારી ફેલાવી છે એ હકીકત માનવી જ રહી.

જે લોકોને સહેજ પણ શરદી ઉધરસ જેવું લાગે એ માસ્ક પહેરો જેથી તમારા શરીરમાં રહેલા વાઇરસ બીજે ના ફેલાય. જ્યારે પણ છીંક/ ઉધરસ આવે મોઢા આગળ રૂમાલ કે ટિસ્યુ પેપર રાખો અને એનો યોગ્ય નિકાલ કરો. ડૉકટર પાસે જવાનું ભૂલાય જ નહિ, મને કોરોના નહિ જ હોય સામાન્ય શરદી છે એ માનવું ભૂલભરેલું સાબિત થઈ શકે છે!

યાદ રાખો સાવધાની અને સતર્કતા જ તમને કોરોનાથી બચાવી શકશે. વારંવાર હાથ સાબુથી ધોવા, બીમાર માણસોથી દૂર રહેવું અને જરૂર ના હોય તો બહાર જવાનું ટાળી ઘરમાં રહેવું...આટલું તો આપણે કરી જ શકીએ, બીજાનો નહિ તો આપણો જીવ બચાવવા 😅

નિયતીના જય શ્રી કૃષ્ણ 🙏

વધુ વાંચો