સમય સાથે પ્રેમ ના બદલો

છોકરો છોકરીને મળે છે, બંને પ્રેમમાં પડે છે. પણ સમય માણસને બદલી નાખે છે એટલે પ્રેમ તૂટી જાય છે.

સાંભળવામાં અજીબ લાગે છે ને? આ છે આજની love story. મોડર્ન રીલેશનશીપમાં હમેશાં આપણે સંબંધોમાં બંધાય તો જઈએ છીએ પણ સમય સાથે આપણે એ નથી રહેતા જે સંબંધોની શરૂઆતમાં હતા.

આમાં કોઈનો વાંક પણ નથી કારણ કે જેમ જેમ સમય બદલાય છે એમ આપણે પણ બદલાઇએ છીએ. આપણાં અનુભવ, આપણાં જીવનની શીખ બનતા જાય છે. આપણી પસંદગીઓ બદલાય છે, જે પહેલા પસંદ ના હતું એ હવે પસંદ આવવા લાગે છે. તો શું તમારી વ્યક્તિગત પસંદ તમારા સંબંધને વ્યાખ્યાયિત કરી શકે છે?

જરૂરી એ છે કે આપણે એકબીજા સાથે વાત કરતાં રહીએ, કારણ કે જો તમે બદલ્યા છો તો હું પણ બદલાયો જ છું ને. આ બદલાવને સમજવો જરૂરી છે. આપણાં અહેસાસોને વ્યક્ત કરવા જરૂરી છે કારણ કે પ્રેમમાં ચુપ્પી એ પણ એક વિનાશકારી ભાષા છે.

જો બન્ને સમજી ગયા તો સમય વીતી જશે બાકી સમય રોકાઈ જશે અને આપણેમાંથી “હું” અને “તું” આગળ નીકળી જશે.

તમારી દરેક વાત સાથે જરૂરી નથી કે એ વ્યક્તિ સહેમત થાય, તમને એની નવી આદતો પસંદ ના આવે પણ જો એ તમારી વાતો ને સમજી રહી છે, સમય આપી રહી છે અને તમે એને સહકાર આપી રહ્યા છો તો ભલે સમય માણસ ને બદલી નાખે પણ એજ સમય સંબંધને મજબૂત પણ કરી શકે છે.

તું પરવાનગી દે...!!

Happy Women's Day

આગામી સમયમાં આવનારી
"ઘોરણ 10th અને 12th કોમર્સ "
પરીક્ષાઓની તૈયારી કરતા દરેક વિદ્યાર્થી મિત્રો માટે એક કાવ્ય લખ્યું છે...
આપ સૌ માટે શેર કરું છું.

અથાગ પરિશ્રમ કર્યા વિના મંજિલ નથી મળતી
એટલે નાસીપાસ થયા વિના કર્મ કરતા રહેવું જોઈએ.

એકવાર તું લક્ષ્ય તો નિર્ધારિત કર ,
પર્વત પણ તારો રસ્તો કંડારી દેશે.

થોડી થાક્યા વગર તું મુસાફરી તો કર ,
ગૂઢ ગુફાઓ પણ ઉકેલાઈ જશે.

થોડા હિંમતના તું વહાણ તો હંકાર ,
તોફાનો પણ તને માર્ગ આપશે.

દુઃખના અંધકારમાંથી બહાર તો નીકળ ,
સુખ પણ દીવા જેવું ઝળહળી ઉઠશે.

થોડાં ડગલાં તું કાંટા પર તો ચાલ ,
ફૂલો પણ તારું સ્વાગત કરશે.

થોડો ભરોષો તું ખુદ પર તો કર ,
ક્યાંક ખુદા પણ તને મળી રહેશે.

જાણું છું કે નસીબ નું કદી ના ખોટું પડે ,
જાણું છું નથી એવું કે હું માંગું ને બધું મળે,
પણ એ ખુદા કઈક તો એવું કર,
કે મારે તારો આભાર માનવો પડે..✍🏻

" સુંદરતાના વખાણ તો થવાનાં જ મહેફિલ માં ,
કરચલીઓનાં વખાણ થાય તો સમજી લેજો પ્રેમ છે.!! "

તું મને શબ્દો માં ગોતે છે
પણ તને ક્યાં ખબર છે હું તો તારી લાગણીઓ માં હોવ છું કયારેક થોડી લાગણીઓ ને પણ સમજી જો
જે ક્યારે પણ કહેવાતી નથી
બસ એને અનુભવી પડે છે... ✍🏻 "સમય"

" *ચાલશે* "

અટપટો રસ્તો હશે તો ચાલશે,
ભોમિયો સાચો હશે તો ચાલશે.

જે બતાવે, હોય કેવળ સત્ય તો,
આયનો નાનો હશે તો ચાલશે.

પર્ણ લીલું હોય કે પીળું, ફકત,
ડાળથી નાતો હશે તો ચાલશે.

સહેજપણ હો છાંયડાની શક્યતા,
માર્ગમાં તડકો હશે તો ચાલશે.

મેળવું જો જાત રાખીને અખંડ,
રોટલો અડધો હશે તો ચાલશે.

ખુદને મળવા શું વધારે જોઈએ..?
ઘરનો એક ખૂણો હશે તો ચાલશે.

આખું સરનામું ન આપો, કાંઈ નહિ,
વહાલનો નકશો હશે તો ચાલશે... "સમય" ✍🏻

ભેગો સદા નોખો કદી
હસતો સદા રોતો કદી

દર્પણમાં મે મને જોયો
આવો તો હું નહોતો કદી

હું ક્યાં કહું શું સત્ય છું
અફવા કદી ખોટો કદી

અત્યારે તો સામે બેસ
દેખાડ જે ફોટો કદી

બે ચહેરા ની ચાલ તમારી લાગે
અમે પહેર્યો નથી મુખોટો કદી

શું હતો એનો ખ્યાલ આવશે
જુના કાગળ ને વિખો'તો કદી

સમંદર છું શબ્દોનો "સમય"
હું પણ હતો પરપોટો કદી..✍🏻

પોતાનાં થયા સૌ પારકા
હું એક ભૂલ કરી બેઠો,
'સારું' કહેવાનું હતું ત્યાં
ભૂલથી 'સાચું' કહી બેઠો...✍🏻