અનિલ ચાવડા પ્ર-વર્તમાન ગુજરાતી કવિતામાં અગ્રગણ્ય કવિ છે. તેમના વિશે જાણીતા હિન્દુસ્તાન-પાકિસ્તાનના વિવેચક વારિસ હુસૈન અલવીએ કહ્યું છે, 'આદિલ મન્સૂરી પછી અનિલ ચાવડા દ્વારા ગઝલ બદલાય છે.' જાણીત કવિ-લેખક-વિવેચક શ્રી ચિનુ મોદીએ કહ્યું છે, 'અનિલનો બયાનનો અંદાજ ગાલિબે સૂચવ્યા મુજબ 'ઓર' છે.' ચંદ્રકાન્ત ટોપીવાલાએ લખ્યું છે, ગુજરાતી ગઝલની આંધળી ગલીમાં એ સવાર થઈને આવ્યો છે. મોરારીબાપુએ કહ્યું છે, હું આ કવિને અવાર-નવાર સાંભળતો રહ્યો, માણતો રહ્યો. કાયાકદ નાનું, પરંતુ કાવ્યકદ ઘણું જ ઊંચું અનુભવાય છે. જ્ઞાનપીઠ પુરસ્કૃત સર્જક રઘુવીર ચૌધરીએ લખ્યું છે કે, મનોજ ખંડેરિયા અને શ્યામ સાધુની બોલચાલની સહજતા અનિલની પ્રથમ ઓળખ છે. તેમણે કવિતા, નિબંધ, નવલકથા, વાર્તા જેવાં સાહિત્યનાં વિવિધ સ્વરૂપોમાં કામ કર્યું છે. સવાર લઈને (ગઝલસંગ્રહ), એક હતી વાર્તા (લઘુકથાઓ), મીનિંગફુલ જર્ની (નિબંધસંગ્રહ) જેવાં તેમનાં સ્વતંત્ર પુસ્તકો પ્રકાશિત થઈ ચૂક્યાં છે. આ સિવાય સુખ-દુખ મારી દ્રષ્ટિએ, પ્રેમ વિશે, શબ્દ સાથે મારો સંબંધ જેવાં પુસ્તકોનું સંપાદન પણ તેમણે કર્યું છે. અનિલ ચાવડાને દિલ્હી સાહિત્ય અકાદમી એવોર્ડ, ગુજરાત સરકાર દ્વાર

સદા સર્વદા કવિતા
#ahmedabad #gujarati #kavita #kavismelan #event #program #anilchavda

લીલોતરી નામે ય એક્કે પાંદડું સ્હેજે ખખડવાનું નથી,
વરસાદ થઈને તું ભલે વરસે અહીંયા કૈં પલળવાનું નથી.

તું મોજું દરિયાનું જ સમજીને ફરી વર્ષો સુધી બેસી રહ્યો,
એ ફક્ત રંગોથી મઢેલું ચિત્ર છે સ્હેજે ઉછળવાનું નથી.

હું ભીંત પર માથું પછાડું? રોજ છાતી કૂટું? રોવું? શું કરું?
હું એક એવું સત્ય છું જે કોઈ દી સાચ્ચું જ પડવાનું નથી.

એ માણસો સઘળા ય રસ્તામાં મને ઢીલા મુખે સામા મળ્યા,
કે જેમણે એવું કહ્યું’તું, :બસ હવે પાછા જ વળવાનું નથી.”

છે દેહ રૂનું પૂમડું ત્યાં વાત અટકી જાત તો સારું હતું,
પણ આગમાં કાયમ રહેવાનું અને સ્હેજે સળગવાનું નથી.

- અનિલ ચાવડા

વધુ વાંચો

ગઝલ

#anilchavda #gazal #shayri #kavita #shayar #gujarat #gujarati

માર્યું હો જેમ તાળું સજ્જડ ભીડ્યાં કમાડે,
હું પણ છું સાવ એવો; છે કોઈ જે ઉઘાડે?

જન્મ્યો ટપાલથેલો થઈ માંડમાંડ હું, ત્યાં-
દુનિયા ચડી ગઈ છે ઈમે’લના રવાડે!

ઇચ્છાની સૌ અહલ્યા રઘવાઈ થઈ ગઈ છે,
ભીતરનો રામ જબરો, ચરણો જ ના અડાડે!

એ કામ શંખ ફૂંકી કરવું પડે છે કાયમ,
જે કામ થઈ શકે નહિ અહીં વાંસળી વગાડે.

આવું સમયની બાબત પણ થાય, કેવું સારું
દુકાનદાર માફક પ્હેલા એ પળ ચખાડે!

~ અનિલ ચાવડા

વધુ વાંચો

કવિ તરીકેની ઝંખના

#anilchavda #shayar #shayari #kavita #gazal #poem #poetry #poet #gujarati #gujarat #literature

ગુજરાત સમાચારમાં દર રવિવારે આવતી મારી કોલમ
અંતરનેટની કવિતાનો લેખ

કોઈ માને કે ન માને કંઈક હરદમ આપણી વચ્ચે હતું, છે ને રહેશે.
શ્વાસની સાથે જ અટકે એવું માતમ આપણી વચ્ચે હતું છે ને રહેશે.

ધોમ તડકાનો મળ્યો અવતાર તમને, ને જનમ પામ્યા અમે ઝાકળ તરીકે;
જીવ ખોઈને ય ના મળવાનું જોખમ આપણી વચ્ચે હતું, છે ને રહેશે.

લાખ કોશિશ બાદ પણ બ્રહ્માંડનાં સંપૂર્ણ તથ્યો કોઈ ક્યાં પામી શક્યું છે?
એમ; ના ઉકલાય એવું કંઈક મોઘમ આપણી વચ્ચે હતું, છે ને રહેશે.

જિંદગીભર મેઘ માફક એકબીજા પર વરસવા ખૂબ તરફડવું પડ્યું છે;
નહિ લખેલું આપણું એ 'મેઘદૂતમ' આપણી વચ્ચે હતું, છે ને રહેશે.

વસવસો ક્યાં રાખવો કે રેશમી ચાદર કદીયે આપણાથી ના વણાઈ,
એવું માની ખુશ થવું કે એક રેશમ આપણી વચ્ચે હતું છે ને રહેશે.

- અનિલ ચાવડા

વધુ વાંચો

પ્રેમમાં પડવાનો ઉલ્લાસ ☺️

#anilchavda #shayri #kavita #poem #poetry #love #lovequotes #lovesong #prem #dil #gujarati #gujarat #geet #literature