Hey, I am reading on Matrubharti!

અમુક નિર્ણય સમયની અવધિને આધીન હોય છે. એટલે નિર્ણયશક્તિ કમજોર લાગે ત્યારે શબ્દોનો વેડફાટ કર્યા વગર ચૂપ થઈ એ નિર્ણયને સમય પર છોડી જાતને હળવી કરી દેવી! આ પણ એક નિર્ણય જ છે.

ટૂંકમાં, જિંદગીભર પસ્તાવો થાય જ્યારે યોગ્ય સમયે યોગ્ય નિર્ણય ન લેવાય.

~Damyanti Ashani




અમુક નિર્ણય સમયની અવધિને આધીન હોય છે. એટલે નિર્ણયશક્તિ કમજોર લાગે ત્યારે શબ્દોનો વેડફાટ કર્યા વગર ચૂપ થઈ એ નિર્ણયને સમય પર છોડી જાતને હળવી કરી દેવી! આ પણ એક નિર્ણય જ છે.

ટૂંકમાં, જિંદગીભર પસ્તાવો થાય જ્યારે યોગ્ય સમયે યોગ્ય નિર્ણય ન લેવાય.

~Damyanti Ashani

વધુ વાંચો

કહેવાયને કે નજર-નજરમાંય ફેર હોય! જેવો સમય અને સંજોગ એ મુજબ નજરનો નજરિયો બદલવો પણ પડે. એમાંય જેની જેવી નજર એવો એને ખાસ નજરુંથી જવાબ દેવો એય એક કળા છે. જેમાં શબ્દોને અલંકારથી સજાવ્યા વગર સાનમાં જ ઘણું બધું કહેવાઈ જાય.

જેમ કે વાત્સલ્યસભર કે પ્રોત્સાહિત કરતી નજરનો પ્રત્યુત્તર આભારભરી હસતી નજરે દેવાય. જ્યારે, લોલુપ નજરનો પ્રત્યુતર લાલઘૂમ નજર કરડી કરીને જ દેવાય! તો ઈર્ષા અને અહંકારના જામ છલકાવતી નજરનો પ્રત્યુત્તર નજર ફેરવીને!! Just ignore.....

ટૂંકમાં, એટલે જ કહેવાયું હશે કે આંખ્યુંને વાચા ફૂટી!!
~Damyanti Ashani

વધુ વાંચો

એકબીજાંના સાથની હૂંફ કાયમ રહે એનેય નસીબદાર કહેવાય. એ હૂંફ સુખની પળોના સમયગાળાને લંબાવીને આનંદની ભરતીથી ભરી દે અને દુ:ખની પળોને ટૂંકાવીને જોતજોતાંમાં હળવી કરી દે.

એ સમયગાળો જ સમજાવી જાય કે આ પળોમાં જીવાતી જિંદગી જ ખરું જીવન છે.
~Damyanti Ashani

વધુ વાંચો

નિષ્ફળતા આવનારી સંભાવના ભણી કરે ઇશારો,
સમય આવ્યે જ સમજાય, હતો એ ઈશનો ઇશારો!

અતિ વસમી ક્ષણો જ ક્યારેક વિરલ બનાવી જાય,
ખંખેર ઉદાસી, જો થવાય તો થા ખુદ ખુદનો સહારો!

નકરી ઘેલછામાં જીવે છે નવરાં બેઠાં-બેઠાં એ સાવ,
ભૂલો ખોળ્યા કરે ગામ આખાની, મનોરોગનો ઉતારો!

પંચાત કરે એ પારકાં કહેવાય, આપણાં ઈચ્છે ભલું!
દંભી ભાવુકતામાંથી થા મુક્ત તું, કર એનાથી કિનારો!

ગમ ખાવાનાય માપ હોય હો! ઝાઝો કરે મનમાં અપચો,
જ્યાં જરૂર હોય ત્યાં બોલવું, ભલેને ઝરતો તિખારો!!

~Damyanti Ashani

વધુ વાંચો

આત્મઘાતી અંત લાવ્યે આવનારી આફત ટળે?
વાત કર જ્યાં થઈ શકે ત્યાં, કોઈ મળશે જ્યાં મન મળે.

છોડ અવસાદ મનનો ને શુભ મનોરથ રાખ ભીતર,
કર શુભશુભ વિચાર તું, જો ધાર એવાં ભાગ્ય ફળે!

આપણે તો કૈંક ઈચ્છા માંય ને માંય દફનાવી!
એ ઈચ્છાનું કાંઈ નક્કી નહિ કઈ ક્યારે સળવળે.

કોઈનો પગ ખેંચવા કરતાં પગભર થવું ગમે જો,
તો, નસીબ મુજબ મળે ને દૈવયોગે જ કરમ રળે.

આપણું જેને કહીએ એ ન પણ હોય સતત સાથે,
જીવતાં શીખી જવું જાતે જ! જો કેવી કળ વળે.
~Damyanti Ashani

વધુ વાંચો