ગુજરાતી ધાર્મિક સ્ટેટ્સ

ત્વમેવ માતા ચ પિતા ત્વમેવ
ત્વમેવ બંધુશ્ચ સખા ત્વમેવ !
ત્વમેવ વિદ્યા દ્રવિનમ ત્વમેવ
ત્વમેવ સર્વં મ મ દેવ દેવ !!

હું માનવ મારાથી બનતું કરી છૂટું,
પ્રયત્નના બળે ક્યારેય કદી ન હટું,
હરહંમેશ રહે હરિ તારો મને સાથ,
બાકી હાર જીત હોય હરિવર તારે હાથ.!

કદી પગ પારોઠ જીવનમાં ના ભરું,
અચળ આત્મબળ હૈયામાં હું ધરું,
હોય પુરુષાર્થ તીર સદા મુજ ભાથ,
બાકી હર્ષ શોક હોય હરિવર તારે હાથ !

માનવતાના માર્ગે પગલાં મારાં થાય,
જનેજનમાં જનાર્દન મને પરખાય,
મુસીબત સામે હિંમતે ભીડું બાથ,
બાકી જશ અપજશ હોય હરિવર તારે હાથ !

ચૈતન્ય જોષી. " દીપક " પોરબંદર.

🐊#_આખી_દુનીયા_ને_ખુશ_રાખવા_ #
#_વાળી_મારી_માં_સિકોતર_સધીમા #હરપલ_ #🐊
😎#_તમારી_ખુશીનો_ખ્યાલ_રાખે_ #
#jay #mataji #vala

જય શ્રી રાધામાધવ,,, ??

દ્વારકામાં કોઇ તને પૂછશે કે ,કાન!
ગોકુળમાં કોણ હતી રાધા?
તો શું જવાબ દઇશ માધા?

તારું તે નામ તને યાદે નો’તું તેદિ’ રાધાનું નામ હતું હોઠે,
ઠકરાણાં પટરાણાં કેટલાંય હતાં,
તોય રાધા રમતી’તી સાત કોઠે.

રાધા વિણ વાંસળીનાં વેણ નહીં વાગે
આવા તે સોગન શીદ ખાધા?
તો શું જવાબ દઇશ માધા?

રાધાના પગલામાં વાયું વનરાવન ,
તું કાજળ બનીને શીદ ઝૂલ્યો?
રાધાના એક એક શ્વાસ તણે ટોડલેતું
આષાઢી મોર બની ફૂલ્યો,

ઇ રાધા ને વાંસળી આઘાં પડી ગયાં,
આવા તે શું પડ્યા વાંધા?
તો શું જવાબ દઇશ માધા?

ઘડીકમાં ગોકુળ,
ઘડીકમાં વનરાવન, ઘડીકમાં મથુરાના મ્હેલ,
ઘડીકમાં રાધા ને ઘડીકમાં ગોપીયું,
ઘડીકમાં કુબ્જાના ખેલ!

હેતપ્રીતમાં ન હોય રાજખટપટના ખેલ,કાન!
સ્નેહમાં તે હોય આવા સાંધા?
તો શું જવાબ દઇશ, માધા?

ગોકુળ,વનરાવન, મથુરા ને દ્વારકા,
ઇ તો મારા અંગ ઉપર પેરવાના વાઘા,
રાજીપો હોય તો અંગ ઉપર રાખીએ,
નહીંતર રાખું એને આઘા,

સઘળો સંસાર મારો સોળે શણગાર,
પણ મારા અંતરનો આતમ છે મારી રાધા…..

કોઇ મને પૂછશો મા, કોણ હતી રાધા…
કોઇ મને પૂછશો મા, કોણ હતી રાધા.....

કૈંક ચોમાસાં અને વરસાદ રાધા,
એક રાતે કૃષ્ણમાંથી બાદ રાધા.

ને, ઝુરાપાનું સુદર્શન આંગળીએ,
રોજ છેદી નાખતો જે સાદ રાધા.

એટલે તો જિંદગીભર શંખ ફુંક્યો,
વાંસળી ફૂંકે તો આવે યાદ રાધા.

કૃષ્ણને બહેલાવવાને આજ પણ,
ચોતરફ બ્રહ્માંડમાં એક નાદ રાધા.

કૃષ્ણ નામે ગ્રંથ ના સમજાય તો પણ,
સાવ સીધો ને સરળ અનુવાદ રાધા.

વધારે હોય પૈસો
યાર,
તો માણસને ઊભા કર,
તું ઈશ્વરનાં
નવાં મંદિર,
નવાં આવાસ રહેવા દે....!!