આજના યુવાનોને કેન્દ્રમાં રહેવુ ગમે છે.તેઓને આ કેન્દ્રની આસપાસ પોતાનું જ વર્તુળ કરીને જીવવું ગમે છે. અને અંતે આ વર્તુળના કેન્દ્રમાંથી જ વિવિધ ખૂણે પસાર થતી ત્રિજયા કરીને વિભાગોમાં જીવવું ગમે છે. અને આ બધા વિભાગોના કેન્દ્રમાં એક જ વ્યક્તિ હોય છે: તે પોતે. આપણે સૌ કદાચ આવા જ વિભાગો પાડીને જીવીએ છીએ. આપણને ફાવી ગયા છે આ વિભાગો. પોતાના મૂડ પ્રમાણે આપણે કોઇ ગ્રુપમાં વધુ રહીએ છીએ તો કોઇ ગ્રુપને ઓછું પ્રાધાન્ય આપીયે છીએ. છતાયે ગ્રુપથી છૂટાં પડતા નથી. આપણને એ ગ્રુપમાં આપણું અસ્તિત્વ જાળવી રાખવું હોય છે. અહીયાં તો ફક્ત મિત્રજૂથની વાત થઈ છે પણ એવી જ રીતે સંબંધોમાં આપણે કેટકેટલા જૂથો બનાવી દીધા છે. અને આ જૂથમાં જીવતાં આપણે પોતાની જાતના પણ ટુકડેટુકડા( sorry ભુક્કેભુક્કા) કરી નાખ્યા છે.